1 Da One In Charge tell Moses 2  ✡ 19:2: Pries 11:44-45; 1Pet 1:16fo tell all da Israel peopo dis: “You guys gotta ack good an spesho, cuz I yoa God, Da One In Charge, an I stay good an spesho.

3  ✡ 19:3 a: Outa 20:12; Rules2 5:16; b: Outa 20:8; Rules2 5:12“Erybody gotta show plenny respeck fo dea muddah an faddah. An ery Res Day, you guys gotta follow my Rules an res. I yoa God, Da One In Charge.

4  ✡ 19:4 a: Pries 26:1; b: Outa 20:23; 34:17; Rules2 17:2-5“No leave me fo make o follow idol kine gods, cuz dey no can do notting. An no pour hot metal fo make idol kine gods fo you. I yoa God, Da One In Charge, az why.

5 “Wen you guys make one sacrifice dat show dat you an me, Da One In Charge, stay tight wit each odda, make um da right way fo me like take um from you. 6 Gotta eat um da same day you make da sacrifice, o da nex day. If someting stay lef ova till day numba three, you gotta burn um up. 7 If day numba three, anybody eat um, az pilau, an I no goin take da sacrifice. 8 Whoeva eat um goin get da blame fo do um, cuz dey make pilau wat stay spesho fo me, Da One In Charge. You gotta cut dem off so dey not yoa peopo no moa.

9  ✡ 19:9: Pries 27:15; Rules2 24:19-22“Wen you harves da food from yoa fields inside da land, no harves um all da way to da edge, o pick up da extra food dat da harvesta guys no pick up. 10 No go ova yoa grape field one mo time fo make shua you get eryting, an no pick up da grapes dat fall down. Leave um dea fo da peopo dat no mo notting, an da peopo from anodda place dat live wit you guys. I yoa God, Da One In Charge.

11  ✡ 19:11 a: Outa 20:15; Rules2 5:19; b: Outa 20:16; Rules2 5:20“No go steal notting. No bulai nobody. No go cheat each odda.

12  ✡ 19:12: Outa 20:7; Rules2 5:11; Matt 5:33“No go make one strong kine promise an tell az me, Da One In Charge, tell um. Az how you give me one bad rep. I yoa God, Da One In Charge.

13  ✡ 19:13: Rules2 24:14-15“No put presha on anodda guy o steal from him.

“No hold back da pay fo yoa worka guy till da nex day.

14  ✡ 19:14: Rules2 27:18“No talk harsh kine to one guy dat no can hear, jalike he no matta. No put someting in front one guy dat no can see fo him trip an fall down. Show choke respeck fo me, cuz I yoa God, Da One In Charge.

15  ✡ 19:15: Outa 23:6-8; Rules2 16:19“Wen you guys judge peopo, make shua you do um da right way an make um even. No make diffren kine to da guys dat no mo notting an da guys dat stay rich. Make fair fair to erybody wen you judge odda peopo.

16 “No go aroun an make bulai story bout anybody wit yoa peopo.

“If somebody goin mahke, no ony stan dea an no do notting fo help. Help um, cuz me Da One In Charge.

17  ✡ 19:17: Matt 18:15“No hate yoa braddah. Wen anodda guy do someting wrong, tell um az wrong fo real kine, fo you no get da blame wit him.

18  ✡ 19:18: Matt 5:42-44; 19:19; 22:39; Mark 12:31-33; Luke 10:27; Rome 13:9; Gal 5:14; James 2:8“If one a yoa peopo do someting bad to you, no go do someting bad to dem too. No stay piss off wit um, but get love an aloha fo da odda guy, jalike you get love an aloha fo you. Me, Da One In Charge, tell dis.

19  ✡ 19:19: Rules2 22:9-11“Do wat I tell you you gotta do.

“No make diffren kine animals breed wit each odda.

“No plant two diffren kine seeds inside yoa field.

“No wear da kine clotheses dat somebody weave from two diffren kine string, jalike wool an linen.

20 “If one guy make sex wit one slave girl dat goin marry anodda guy, an da guy she goin marry no buy her yet an no pay da owna yet so she not one slave no moa, den da guy dat make sex wit her gotta pay da guy she goin marry, cuz he jalike her husban. But you no goin kill da girl o da guy dat make sex wit her, cuz she still one slave girl. 21 But da guy dat make sex wit da slave wahine, gotta bring one boy kine sheep by da place you go inside da open lanai fo da Tent Wea Da Peopo Come Fo Meet Me, Da One In Charge, fo make da kine sacrifice dat take away da blame fo wat he wen do. 22 Wen da pries guy kill da boy kine sheep fo da sacrifice fo take away da blame, da pries guy goin make da guy come pono wit me Da One In Charge, cuz a da bad kine ting da guy wen do. Den I goin hemo his shame an let him go.

23 “Wen you guys go inside da land an plant any kine fruit trees, figga bout da fruit lidis: no can eat um yet, cuz jalike kapu. Fo three year, you no can eat um. 24 Da year numba four, all da fruit goin be spesho fo me, Da One In Charge. Goin be jalike one sacrifice fo me fo tell how good I stay. 25 Den, year numba five, you guys can eat da fruit. Az how you guys goin get even mo fruit. I yoa God, Da One In Charge.

26  ✡ 19:26 a: Start 9:4; Pries 7:26-27; 17:10-14; Rules2 12:16, 23; 15:23; b: Rules2 18:10“No eat meat dat still yet get blood inside.

“No go find out from da odda gods wat stay happening. No go call da spirit from da mahke peopo fo come tell you wat goin happen bumbye.

27  ✡ 19:27: Pries 21:5; Rules2 14:1“Wen somebody mahke, no cut da hair on da sides a yoa head jalike da odda peopo do fo show you stay sad. No cut off da edge a yoa beard.

28 “No cut yoa body fo show you stay sad inside cuz a da mahke guys. No make tattoo on top yoa skin. Me, Da One In Charge.

29  ✡ 19:29: Rules2 23:17“No make yoa girl come pilau cuz you make her come one hoa. If you guys make lidat, erybody inside da land goin make lidat too, an den goin get plenny real bad kine stuff all ova da land.

30  ✡ 19:30: Pries 26:2“Make jalike I tell you fo my Res Day. Show respeck fo da place dat stay spesho fo me, Da One In Charge.

31  ✡ 19:31: Rules2 18:11; 1Sam 28:3; 2Kings 23:4; Isa 8:19“No go look fo da wahines dat talk to da mahke peopo, an no go find da guys dat know how fo find out wat da mahke peopo spirits know. Cuz if you guys do dat, goin make um so you guys no can come in front me. I da One In Charge, yoa God.

32 “Stan up wen ol peopo come nea you, an show respeck fo dem. Show respeck fo me, yoa God. Me, Da One In Charge.

33  ✡ 19:33: Outa 22:21; Rules2 24:17-18; 27:19“Wen somebody from anodda place come live wit you guys inside yoa land, no make any kine to dem. 34 Somebody from anodda place dat live wit you guys, you gotta make to dem jalike to one guy dat born same place by you guys. Get love an aloha fo da guy, jalike you get love an aloha fo you. Cuz you guys wen stay Egypt side, an you guys not from dea. I yoa God, Da One In Charge.

35  ✡ 19:35: Rules2 25:13-16; Smart 20:10; Ezek 45:10“No use bulai kine measure wen you tell how long someting, o how heavy someting stay, o how much get. 36 Use da kine scale an measure dat stay right an tell da trut. I yoa God, Da One In Charge, dat wen bring you guys outa Egypt.

37 “You guys gotta make shua fo do all da tings I tell you guys you gotta do, an all da rules I give you fo do um. Cuz me Da One In Charge.”