Varevareiu ma amamau, au babani ona rautaniḡanei. God boruborumana noita Abraham awarina i eḡa au Mesopotamia, muriai da ita nae au Haran. 3 Ma God tauna i riwei, Am dobu ma am dam ma netawanei da ma nae dobu ana viatataiem lana. 4  ✡ Gen 12:4Anina ma Abraham Mesopotamia i netawanei ma i nae da au Haran i mae. Amana iʼraḡe ma au murina God Abraham i paritawanei da marina dobuna o mamae lana kampa ita mae, 5  ✡ Gen 12:7; 13:15; 17:8Nai maranaina God eḡa Abraham doa ita verei, eḡa aburu dadadana! Wate i parivainuaḡani, da ina verei tauna ma ana epaepaia aubaii. Nai au marana Abraham eḡa natunatuna, 6  ✡ Gen 15:13-14ma God wenanare Abraham i riwei, Am epaepaia au dobu ḡela ina mae ma ina vitaunola, nai dobuna ravai taui ina rau-iviapoapoelei da madeḡa 400 ina kwa. 7  ✡ Exo 3:12 Wate ravai, awarii e vivitaunola ana kovoḡi, ma muriai mai Israel ina opui ma wei au dobuna ina voepaepaiu. 8  ✡ Gen 17:10-14; Gen 21:2-4; Gen 25:26; Gen 29:31–35:18Anina ma God inibori parivai-nuaḡanana bagibagina Abraham maiteni i kauei, ma maranai Isaac i tupua ma au pom vi-8-na Abraham natuna inina i bori. Muriai Isaac natuna Jacob inina i bori, ma nanare Jacob natunatuna 12 anatapui inii i bori. Wei babadai lamna tauta noinoita.

9  ✡ Gen 37:28; Gen 39:2-21Jacob natunatuna varei Joseph i unurei ma i gimarei da ita vitaunola au Egypt, wate God tauna awarina i mae. 10  ✡ Gen 41:39-41Ma ana au nuabola i gagaloei. Ma God nuaulaula i verei ma i kauei da Egypt ai gulau nuanuana i vaia, anina ma i terei da Egypt i vibadei ma ana numa orana i vibadei. 11  ✡ Gen 42:1-2Ma gomara ḡaeḡaena i ḡeta au Egypt ma au Canaan, ma vinuapoapoe ḡaeḡaena i tupua. Ma noinoita eḡa ai lam. 12 Ma maranai Jacob i nonori da au Egypt lam, ma noinoita i paritawanei au Egypt, wei ai babara naona. 13 Ma muriai i nae me ma wei maranai Joseph i vieḡana-melei varevareina awarii, ma kampa mai Egypt ai gulau Pharaoh, Joseph ana numa ravai i aramanei. 14  ✡ Gen 45:9-10, 17-18Anina ma Joseph riwa i paritawanei amana Jacob awarina ma i riwei da ana numa ravai anatapui, ai maḡa 75, ita nei au Egypt. 15  ✡ Gen 46:1-7; Gen 49:33Anina ma Jacob i nae au Egypt. Tauna kampa iʼraḡe ma nanare natunatuna anatapui. 16 Taubeui i naiana-melei au Shekem ma Abraham Hamor natunatuna awarii kokoaga i gimagimaraia, kampa i vimataveni.

17  ✡ Exo 1:7-8Maranai mara i tuḡereḡerei da God Abraham i paripari-vainuaḡania ita kauei, ata patara i maḡa guratana au Egypt. 18 Ma Pharaoh vouna au Egypt i vibada ma tauna noita Joseph eḡa ita aramanei. 19  ✡ Exo 1:10-11; Exo 1:22Tauna amamata i morui ma i rau-iviapoapoelei, i egari da natunatui melamelai numei i viopuni da ita iraḡe. 20  ✡ Exo 2:2Wei au marana Moses i tupua, tevera inanana aiaina. Amana ma alona natui i ḡamoi da nawaravi tonuḡa i kwa. 21  ✡ Exo 2:3-10Ma maranai tevera numei i tere-opunei, gulau natuna guguinina tevera i vaia ma i ḡamoi da natuna. 22 Ma mai Egypt ai nuaulaula Moses i viararamani ma i virewapana, babani ma nola awarina.

23  ✡ Exo 2:11-15Moses ana madeḡa 40 ma i nota da ita nae ana dam ravai ita raugenari. 24 Ma i ʼnanai da Egyptei, Moses ana rava oina i raviravi, ma tauna turana bainei Egyptei i vunui da i viraḡeni. 25  Moses i notai da ana rava ita aramanei da God tauna i paritawanei da ita agui da Egypt ita oputawanei. Wate taui wei eḡa ita aramanei. 26 Ma maratomna Moses i nae me ma ana rava ruaḡa i viḡaiḡaiawa i ʼnanai, ma i riwei, “Taumi ava ma aiwai aubaina o viḡaiḡaiawa?” 27 Wate ḡaiawa tauvikareina Moses i vokaririei ma i riwei, “Tam aiai i terem da ma vibadelai bo tauai ai taurauetara? 28 Tam ma viraḡeniu me pom Egyptei u viraḡeni nanare bo?” 29 Maranai Moses wei i nonori tauna Egypt i ruba-tawanei ma i nae au Midian, wei eḡa ana dobu wate kampa i mae. Muriai dobuna wavinena i ravaḡi ma natunatuna nelarai ruaḡa i tupua.

30  ✡ Exo 3:1-10Ma kampa i mae madeḡa 40 i kwa ma Bada ana anela au mutulua ola Sinai au ḡereḡerena tauna awarina i eḡa, inanana me ai menamenana ai aburuna rugurugui au orana i ḡeḡae. 31 Wei i ʼnanai ma i baei ma i nae au ḡereḡere da ai arata ita tuvirevirei ma i nonori Bada i riwa i pa, 32 “Tau amamam ai God, Abraham ma Isaac ma Jacob ai God.” Maranai Moses wei i nononori i rovo kaukaua ma naona i tere-govaḡi. 33 Ma Bada i riwa, “Am ae uma ma votawanei! Wei gabuna au tepana e maimairi, lamna doa vivivireina ma Viaiainana. 34 A inanai menanare mai Egypt, natunatu e rarau-iviapoapoelei. Ai ora-tou a nonori ma a ḡairai da taui ata vai-tawanei. Ma marina ma nei, Tau ana paritawanem au Egypt.”

Wei Moses na tagogina, mai Israel i parivirevirei i pa, “Aiai i terem da tauai ma vibadelai ma ma rauetarelai?” Moses i paritawaneiai da ita vibademi ma ita tereopunemi, anela i eḡaeḡa ai menamenana au poui, ana aguei. 36  ✡ Exo 14:21; Num 14:33Ma Moses taui Egyptei i ravena-opunenei ma mataira babai ma vivirewapanai i kaukauei au Egypt, Boga lebalebarina ma ai au vaḡai madeḡa 40 au mutulua. 37  ✡ Deu 18:15, 18Wei Moses-na tagogina, mai Israel i riwei, “God muriai peroveta ami damei ina paritawaneiai me tau.” 38  ✡ Exo 19:1–20:17Moses Israel patarana maiteni Egypt i opu-tawanei i vitagogiei au ola Sinai ma anela Moses awarina i bababani, tauna kampa noinoita maiteni. Ma riwa mamae-nonoana i nonori ma wei lamna i veredamanei tauta awarita. 39 Wate noinoita Moses i parivirevirei ma au orai i ḡoei da ita nae me au Egypt. 40  ✡ Exo 32:1Ma taui Aaron i riwei, “Nai ravana Moses, Egyptei i taravai-opunelai, tauai eḡa ata aramanei aiwai awarina i tupua. Ma tauai ai god kokoitau ma kauei da ina rauetaraveniai.” 41  ✡ Exo 32:2-6Anina ma bulumakau ḡaubona kokoitauna i kauei, ma pulo i apui awarina ma i amei ma i umei, da aiwai uraiei i kaukauei i vimae-ḡaeḡaeni. 42 Wate God taui i mae-puputei ma i voterei da ubona ma nawaravi ma madeḡa au mara i vimae-ḡaeḡaeni. Wei lamna peroveta nununai i ririweia i tupua:

44  ✡ Exo 25:9, 40Noinoita, God ana numagara, i avarai maranai au mutulua i mamae. Moses wei i voai, me God i viatataiei nanare. 45 Muriai Joshua noinoita i rau-etaraveni ma God ana numagara i avarai ma ana aguei i rui ma nai dobuna ravai i viopuni ma ai dobu ta vaia. Ma numagara kampa i mae da gulau David ana au mara.

Taumi orami badobadoi. Ma eḡa ota ḡoeḡoei da God ona voteletelei ma taniḡami o vopotai da ana riwa eḡa ota nononori. Taumi Arua Vivivireina o viviḡaviei me noinoimi i kaukauei nanare. 52 Noinoimi metaui perovetai eḡa ita rau-iviapoapoelei. Wariaḡa perovetai, God ana tauvilawana, ana nei i vinolenolei; Wate noinoimi wei perovetai maiteni i viraḡeni. Ma marina Tauna i nei ma o vibenabenamei ma o viraḡeni. 53 God ana anela i paritawaneiai da ana tarawatu noinoita i verei, wate taumi tarawatuna eḡa ota voteletelei.