1  Tauvitumaḡana ai boru i rarata, ma au orai mai Jew Greek taubabanieina, mai Jew kampa maemaei i viamparipariei. Taui i beubeura da ai kaikaiababa ai ḡuta eḡa ita tereterei. 2 Anina ma Apasol 12 tauvitumaḡana ai boru i raukwatuei. Ma i riwei, “Tauai Apasol ma ai nola lamna God riwana ata jimejimei ma avena mane nolana maiteni ata kaukauei. 3 Lamna aubaina au rava, awarimi rava 7 ona vinei, taui orai Arua Vivivireina i oai ma nuaulaulai da wei nolana ina kauei, 4 Ma tauai ai nola da pari ma God riwana ava ana jimei.”

5 Rava anatapui wei ogatarana i vianinei, ma Stephen i vinei, Arua Vivivireina orana i oai, ma ana tumaḡana God awarina i rata kaua. Ma nanare Philip, Prokoras, Nikano, Timon, Pamenas ma Nicolas tauna Jentail, Antiokei ma ini bori i vaia ma i vikeresiana. 6 Ma wei ravai i neiai ma Apasol nimai taui au tepai i terei ma i raupariei.

7 Anina ma God riwana i vituai ma au Jerusalem rava maḡamaḡaui Iesu i vitumaḡanei, ma nanare pirisi maḡamaḡaui i vitumaḡana.

8 Anina ma God Stephen i viaiaini ma i vovai-virewapani da mataira ma kaua babai i kaukauei rava awari. 9 Wate mai Jew ḡelaui provins nununai i nei mai au Sairini, mai Alexandria, ma Silisia ma Eisia ai parinumana e ḡoreḡorei panipani * Wei ravai lamna slave waduboi, marina i voterei da ana ḡoanei e mamae. waduboi, Stephen ana ḡavia i vomairi. 10 Wate Arua Vivivireina, Stephen nuaulaula ma riwa i verei ma i bababani da taui i vigamopotai. 11 Lamna aubaina taui rava ḡelaui i gwalai da moruei Stephen ita vibenabenamei, ma ita riwa, “Tauai a nonori Stephen, Moses ma God i vivijiboḡi.” 12 Ma lamnei patara i viamlo-ḡaiḡaini, dogadogara ma tarawatu babadai maiteni. Anina ma taui Stephen i vojijini ma i naiei mai Jew ai Boru Ḡeḡetelarana† Sanhedrin. awarina. 13 Ma taui rava ḡelaui i neiai da moruei Stephen i vibenabenamei, ma i riwa, “Wei ravana mara patapatana Tempol vivivireina ma Moses ana tarawatu i vivijiboḡi. 14 Tauai a nonori i riwa da Iesu Nasaretei tempol ina rikai ma tarawatu Moses i verevereta anatapui maiteni ina virai.”

15 Ma rava anatapui nai au boruna i kiakiala, Stephen i ʼnana-tunutunui, ma i ʼnanai da tauna naona i lalalai me anela.