32
Yéngi padishah we uning yéngi jemiyiti
1 Mana, heqqaniyliq bilen hökümranliq qilghuchi bir padishah chiqidu;
Emirler bolsa toghra höküm chiqirip idare qilidu.■ Zeb. 45:4-7; Zek. 9:9
2 Hem shamalgha dalda bolghudek,
Boran’gha panah bolghudek,
Qaghjiraq jaygha ériq-sulardek,
Changqap ketken zémin’gha qoram tashning sayisidek bolghan bir adem chiqidu.□ «changqap ketken zémin» — yaki «charchap ketken zémin».
3 Shuning bilen körgüchilerning közliri héch torlashmaydu,
Anglaydighanlarning quliqi éniq tingshaydu; ■ Yesh. 29:18; 30:21
4 Bengbashning köngli bilimni tonup yétidu,
Kékechning tili téz hem éniq sözleydu.
5 Pesendiler emdi peziletlik dep atalmaydu,
Piqsiq iplaslar emdi merd dep atalmaydu,
6 Chünki pesende adem peslikni sözleydu,
Uning köngli buzuqchiliq teyyarlaydu,
Iplasliq qilishqa,
Perwerdigargha dagh keltürüshke,
Achlarning qorsiqini ach qaldurushqa,
Changqighanlarning ichimlikini yoqitiwétishke niyetlinidu.
7 Berheq, iplas ademning tedbirliri qebihtur;
U qestlerni pemlep olturidu,
Möminlerni yalghan gep bilen,
Yoqsulning dewasida gep qilip uni weyran qilishni pemlep olturidu.□ «Yoqsulning dewasida gep qilip uni weyran qilishni pemlep olturidu» — bashqa birxil terjimisi: — «lilla-adil dewa qilghan yoqsulni yoqitish üchün pemlep olturidu».
8 Peziletlik ademning qilghan niyetliri berheq peziletliktur;
U pezilette muqim turidu.
 
Menggülük bextni yaki balayi’apetni — hazir tallash kérek!
9 Ornunglardin turup, i xatirjem ayallar, awazimni anglanglar!
I endishisiz qizlar, sözlirimge qulaq sélinglar!
10 Bir yil öte-ötmeyla, i bighem ayallar,
Parakende qilinisiler!
Chünki üzüm hosuli bikargha kétidu,
Méwe yighish yoq bolidu.
11 I xatirjem ayallar, titrenglar!
I endishisiz qizlar, patiparaq bolunglar!
Kiyiminglarni séliwétinglar, özünglarni yalang qilinglar, chatriqinglargha böz baghlanglar!□ «Kiyiminglarni séliwétinglar, özünglarni yalang qilinglar, chatriqinglargha böz baghlanglar!» — bular bolsa esirge chüshüp qalghanlarning mejburiy qilidighan ishliri.
12 Güzel étiz-baghlar üchün,
Méwilik üzüm talliri üchün meydenglargha urup hesret chékinglar!
13 Üstide tiken-yantaqlar ösidighan öz xelqimning zémini üchün,
Shad-xuram öyler, warang-churung qilip oynaydighan bu sheher üchün qayghurunglar!
14 Chünki orda tashlinidu,
Ademler bilen liq tolghan sheher ademzatsiz bolidu,
Istihkam we közet munarliri uzun zaman’ghiche peqetla yawayi éshekler zoq alidighan,
Qoy padiliri ozuqlinidighan boz yerler bolidu.
15 Taki Roh bizge yuqiridin tökülgüche,
Dalalar méwilik bagh-étizlar bolghuche,
Méwilik bagh-étizlar ormanzar dep hésablan’ghuche shu péti bolidu.□ «Roh bizge yuqiridin tökülgüche,.....» — mushu yerde «Roh» Xudaning Rohini bildüridu. Tékistte «kimning rohi» ikenliki déyilmigen ehwalda «Roh» dégen söz ayrim körülse, undaqta shübhisizki Xudaning Rohini körsitidu. «Dalalar méwilik bagh-étizlar bolghuche, méwilik bagh-étizlar ormanzar dep hésablan’ghuche...» — démek, yer yüzidiki boz yerler munbet bolidu we hazir munbet yerlermu téximu shundaq bolidu.  ■ Yesh. 29:17; Yo. 2:28, 29; Yuh. 7:37, 38; Ros. 2:17, 18
16 Shu chaghda adalet dalani,
Heqqaniyliq méwilik bagh-étizlarni makan qilidu.
17 Heqqaniyliqtin chiqidighini xatirjemlik bolidu,
Xatirjemlikning netijisi bolsa menggüge bolidighan aram-tinchliq we aman-ésenlik bolidu.
18 Shuning bilen méning xelqim xatirjem makanlarda,
Ishenchlik turalghularda we tinch aramgahlarda turidu. ■ Yer. 33:16
 
Jaza chüshürülgendin kéyinki bext-beriket
19 Orman késilip yiqitilghanda möldür yaghsimu,
Sheher pütünley yer bilen yeksan qiliwétilsimu,
20 Su boyida uruq térighuchilar,
Kala we ésheklerni keng dalagha qoyuwétidighanlar bextliktur! □ «Orman késilip yiqitilghanda möldür yaghsimu, sheher pütünley yer bilen yeksan qiliwétilsimu, su boyida uruq térighuchilar, kala we ésheklerni keng dalagha qoyuwétidighanlar bextliktur!» — (19-20) démisekmu, bu nahayiti sirliq bir sözdur. Belkim bizni axirqi zamanlardiki ikki ehwal toghrisida eslitidu. «Orman yiqilidu» — tekebburlar pes qilinidu (10-bab, 18- we 33-34-ayetni körüng). «Sheher» belkim yuqiriqi (24-babtiki) «tertipsiz sheher» bolup, Xuda teripidin weyran qilinidu. Biraq kichik péilliq turmushni tallighanlar, mesilen öz kala-ésheklirige yaxshi muamile qilghanlar bext-beriket tapidu.
 
 

■32:1 Zeb. 45:4-7; Zek. 9:9

□32:2 «changqap ketken zémin» — yaki «charchap ketken zémin».

■32:3 Yesh. 29:18; 30:21

□32:7 «Yoqsulning dewasida gep qilip uni weyran qilishni pemlep olturidu» — bashqa birxil terjimisi: — «lilla-adil dewa qilghan yoqsulni yoqitish üchün pemlep olturidu».

□32:11 «Kiyiminglarni séliwétinglar, özünglarni yalang qilinglar, chatriqinglargha böz baghlanglar!» — bular bolsa esirge chüshüp qalghanlarning mejburiy qilidighan ishliri.

□32:15 «Roh bizge yuqiridin tökülgüche,.....» — mushu yerde «Roh» Xudaning Rohini bildüridu. Tékistte «kimning rohi» ikenliki déyilmigen ehwalda «Roh» dégen söz ayrim körülse, undaqta shübhisizki Xudaning Rohini körsitidu. «Dalalar méwilik bagh-étizlar bolghuche, méwilik bagh-étizlar ormanzar dep hésablan’ghuche...» — démek, yer yüzidiki boz yerler munbet bolidu we hazir munbet yerlermu téximu shundaq bolidu.

■32:15 Yesh. 29:17; Yo. 2:28, 29; Yuh. 7:37, 38; Ros. 2:17, 18

■32:18 Yer. 33:16

□32:20 «Orman késilip yiqitilghanda möldür yaghsimu, sheher pütünley yer bilen yeksan qiliwétilsimu, su boyida uruq térighuchilar, kala we ésheklerni keng dalagha qoyuwétidighanlar bextliktur!» — (19-20) démisekmu, bu nahayiti sirliq bir sözdur. Belkim bizni axirqi zamanlardiki ikki ehwal toghrisida eslitidu. «Orman yiqilidu» — tekebburlar pes qilinidu (10-bab, 18- we 33-34-ayetni körüng). «Sheher» belkim yuqiriqi (24-babtiki) «tertipsiz sheher» bolup, Xuda teripidin weyran qilinidu. Biraq kichik péilliq turmushni tallighanlar, mesilen öz kala-ésheklirige yaxshi muamile qilghanlar bext-beriket tapidu.

© 2010 Mukeddes Kalam - Uyghur Bible Translation Committee