1 Jesuh loh a hnukbang rhoek hlainit a uen te a khah vaengah amamih kah khopuei rhoek ah thuituen ham neh hoe ham te te lamloh thoeih. 2 Te vaengah Khrih kah bibi boeih te Johan loh thongim khui ah a yaak tih a hnukbang rhoek te a tueih. 3 Te vaengah, “Namah ah naka pawk, a tloe a ka lamso eh?” patoeng a ti nah.

4 Jesuh loh amih te a doo tih, “Cet uh lamtah na hmuh neh na yaak te Johan taengla puen pa uh. 5  Isa 35.5,6; Isa 61.1Mikdael loh a hmuh tih aka khaem loh cet coeng. Hmaibae loh cing coeng, hnapang hnalol loh a yaak coeng. Aka duek khaw thoo tih khodaeng taengah olthangthen a phong coeng. 6  U khaw kai kongah a khah pawt atah yoethen la om,” a ti nah.

7 Amih boeih a caeh uh phoeiah Jesuh loh hlangping taengah Johan kawng te a tong tih, “Ba sawt ham nim khosoek khuila na caeh uh? Yilh loh a hlinghloek capu a? 8  Tedae ba sawt ham nim na caeh uh? a hnal la aka phuekhlak hlang te nim? Himbai hnal aka bai ke manghai im ah om uh ke. 9  Ba sawt ham nim na caeh uh? Tonghma a? Thuem, nangmih taengah kan thui, anih tah tonghma lakah olpuei ngai ta. 10  Mal 3.1‘Nangmih hmai ah kamah kah puencawn ka tueih ke. Anih loh nangmih hmaiah na longpuei a rhoekbah ni,’ tila anih kawng ni ana daek. 11  Nangmih taengah rhep kan thui. Huta kah a cun khuiah tuinuem Johan lakah aka tanglue phoe pawh, tedae vaan ram kah a yit koek pataeng anih lakah a tanglue la om. 12  Luk 16.16Tuinuem Johan tue lamloh tahae duela vaan ram te a ael thil tih, aka aelkung rhoek loh a poelyoe uh. 13  Johan duela tonghma rhoek neh olkhueng loh boeih a phong coeng. 14  Mal 4.5; Mat 17.10-13; Mrk 9.11-13Tedae doe hamla na ngaih uh koinih, halo hamla aka cai Elijah tah Johan coeng ni. 15  Hna aka khueh loh ya saeh.

16  “Tedae hekah cadil he ba nen lae ka thuidoek lah eh? Hnoyoih hmuen ah ngol uh tih hlang tloe aka khue, aka thui camoe rhoek phek la om. 17  Nangmih hamla phavi ka tum uh akhaw na lam uh pawh. Hlo ka hlai akhaw na rhaengsae uh pawh. 18  Johan ha pawk tih a caak a ok pawt hatah, ‘Rhaithae a kaem,’ a ti uh. 19  Hlang capa ha pawk tih a caak a ok hatah, ‘Carhut neh yumi hlang la ke, mangmucoi rhoek neh hlangtholh rhoek kah a puei a po,’ a ti uh. Tedae cueihnah khaw a khoboe long ni a tang sak,” a ti nah.

20 Te phoeiah a thaomnah a kumngai a tueng sak kho rhoek te a yut uh pawt dongah ol a tong tih, 21  Isa 23.1-18; Ezk 26.1—28.26; Joe 3.4-8; Amo 1.9,10; Zek 9.2-4“Anunae Khorazim nang te. Anunae Bethsaida nang te, Nangmih taengah ka thaomnah ka tueng sak he Tyre neh Sidon ah ka tueng sak koinih tlamhni, hmaiphu neh yut uh daengrhae pawn ni. 22  Tedae nangmih taengah kan thui. Laitloeknah khohnin ah Tyre neh Sidon tah nangmih lakah a phoeng la om ni. 23  Isa 14.13-15; Sue 19.24-28Kapernaum nang khaw, vaan duela na pomsang uh pawt nim? Saelkhui duela na suntla bitni. Nangmih taengah ka thaomnah ka tueng sak he Sodom ah tueng sak koinih, tihnin duela te om suidae. 24  Mat 10.15; Luk 10.12Tedae nangmih taengah kan thui. Laitloeknah khohnin ah Sodom kho tah nang lakah a phoeng la om ni,” tila a toel.

25 Tevaeng tue ah Jesuh loh a doo tih, “A pa, vaan neh diklai kah Boeipa nang kan uem tangkik, he rhoek he hlangcueih neh lungming taeng lamkah loh na thuh tih cahmang rhoek taengah na pumphoe coeng. 26  Ue a pa na hmaiah kolonah la a om tangloeng dongah ni. 27  Jhn 3.35; Jhn 1.18; 10.15A pa loh kai he a cungkuem la m'paek coeng. Te dongah pa pawt koinih capa te a ming moenih. Capa pawt koinih pakhat long khaw pa te a ming moenih. Tedae u khaw a ngaih atah capa loh a pumphoe pah coeng. 28  Hnorhih rhoek neh thakthae rhoek boeih te kai taengla halo lah, kai loh nangmih te kan duem sak ni. 29  Jer 6.16Ka hnamkun he na pum dongah phuei uh lamtah kamah taeng lamkah he cang uh. Muelhtuet neh thinko tlayae la ka om dongah na hinglu ham duemnah na hmuh uh ni. 30  Kai kah hnamkun tah kodam coeng tih ka hnophueih loh a yanghoep la om,” a ti.