1 Da numba two land come fo da small ohanas inside da Simeon ohana. Dea land was inside da Judah ohana land. 2  ✡ 19:2: 1Rec 4:28-33Inside da Simeon land was Beer-Sheba (o Sheba), Moladah, 3 Hazar-Shual, Balah, Ezem, 4 Eltolad, Betul, Hormah, 5 Ziklag, Bet-Markabot, Hazar-Susah, 6 Bet-Lebaot, an Sharuben. Dass thirteen towns an da small towns aroun um.

7 Ain, Rimmon, Eter, an Ashan. Dass four towns an da small towns aroun um, 8 an all da odda small towns aroun dea, all da way to Baalat-Beer (az da Ramah town inside da Negev). Dis, da property dat da small ohanas inside da Simeon ohana get.

9 Dis property fo da Simeon ohana come from inside da Judah land, cuz da Judah peopo get mo land den dey need. Dass how da Simeon ohana peopo get dea property in da middo a da Judah land.

10 Da numba three land come fo da small ohanas inside da Zebulun ohana. Dea borda start from Sarid in da southeast. 11 Den da borda go west by Maralah, Dabbeshet, an all da way to da stream nea Jokneam. 12 From dea, da borda go east from Sarid, by da Kislot-Tabor land, an by Daberat, den up to Jafia. 13 Den east still yet by Gat-Hefer town an Et-Kazin town, come out by Rimmon, an turn to Neah. 14 Den da borda turn north to Hannaton, den end by da Iftah El Valley. 15 Inside get Kattat, Nahalal, Shimron, Idalah, an North Betlehem. Dass twelve towns an da small towns aroun um. 16 Dese towns an da small towns aroun um was da property fo da small ohanas inside da Zebulun ohana.

17 Da numba four land come fo da small blood lines inside da Issakar ohana. 18 Inside dea land get Jezreel, Kesullot, Shunem, 19 Hafaraim, Shion, Anaharat, 20 Rabbith, Kishion, Ebez, 21 Remet, En-Gannim, En-Haddah, an Bet-Pazzez. 22 Da edge go from Mount Tabor to Shahazumah an Bet-Shemesh, an down by da Jordan Riva. Dass sixteen towns an da small towns aroun um. 23 Dese da towns an small towns, dass da property fo da small ohanas inside da Issakar ohana.

24 Da numba five land come fo da small ohanas inside da Asher ohana. 25 Dea south borda go west from Helkat town to Hali, Beten, Akshaf, 26 Allammelek, Amad, an Mishal. Da edge go by Carmel Mountain an Shihor-Libnat on da west side. 27 Da east borda go north from Helkat to Bet-Dagon, an touch da Zebulun land an da Iftah-El Valley, an north to Bet-Emek an Neiel, an pass Kabul. 28 Den go by Abdon, Rehob, Hammon, Kanah, an go nea da districk aroun Sidon town. 29 Den turn back an face Ramah an Tyre, da big town dat get strong wall. Den go Hosah, an come out by da sea nea Akzib, 30 Ummah, Afek, an Rehob. Dass twenny-two towns an da small towns aroun dem. 31 Dese towns an small towns, dey da property fo da small ohanas inside da Asher ohana.

32 Da numba six land come fo da small ohanas inside da Naftali ohana. 33 Da north edge go from Helef an da big oak tree inside Zaanannim, an pass Adami-Nekeb an Jabneel, to Lakkum, an down by da Jordan Riva. 34 Den da edge go west thru Aznot-Tabor, an by Hukok. Get Zebulun on da south side, Asher on da west side, an down by da Jordan Riva on da east side. 35 Da towns dat get strong wall was: Ziddim, Zer, Hammat, Rakkat, Kinneret, 36 Adamah, Ramah, Hazor, 37 Kedesh, Edrei, En-Hazor, 38 Iron, Migdal-El, Horem, Bet-Anat, an Bet-Shemesh. Dass nineteen towns an da small towns aroun dem. 39 Dese da towns an small towns, dey da property fo da small ohanas inside da Naftali ohana.

40 Da numba seven land come fo da small ohanas inside da Dan ohana. 41 Dea property get Zorah town inside, an Eshtaol, Ir-Shemesh, 42 Shaalabbin, Aijalon, Itlah, 43 Elon, Timnah, Ekron, 44 Eltekeh, Gibbeton, Baalat, 45 Jehud, Bene-Berak, Gat-Rimmon, 46 Me-Jarkon, Rakkon, facing Joppa.

47  ✡ 19:47: Local 18:27-29But da Dan ohana get hard time fo take ova dea territory. So dey go up attack Leshem town, take um ova, kill erybody dea wit swords. Dey start fo live ova dea, an give Leshem town da name Dan, jalike dea ancesta guy. 48 Dese towns an small towns da property fo da small ohanas inside da Dan ohana.

49 Wen dey pau split up da land fo make big an small piece, da Israel peopo give Joshua, Nun boy, some land wit dem, 50 jalike Da One In Charge wen tell um fo do. He tell dem fo give him da Timnat-Serah town inside da Efraim ohana land, an dey give him dat town. He build up da town an live ova dea.

51 Dese da properties dat Eleazar da Main Pries Guy, Joshua, Nun boy, an da leadas fo da Israel ohanas give da peopo wen dey pull straw Shiloh side, in front da door fo da Tent wea dey meet Da One In Charge. Az how dey pau split up da land.