4
Odda Families Inside Da Judah Ohana
1 Judah kids: Perez, Hezron, Karmi, Hur, an Shobal.
2 Reaiah, Shobal boy, he da faddah fo Jahat. Jahat da faddah fo Ahumai an Lahad. Dese da blood lines fo da Zorat peopo.
3 Dese Etam boys: Jezreel, Ishma, an Idbash. Dea sistah Hazzelelponi. 4 Penuel da faddah fo Gedor. Ezer da faddah fo Hushah.
Dese Hur kids: Efratah da firs boy fo born, an Betlehem faddah.
5 Ashhur, Tekoa faddah, get two wifes, Helah an Naarah.
6 Naarah born fo Ashhur: Ahuzzam, Hefer, Temeni, an Haahashtari. Dese da kids from Naarah.
7 Da kids from Helah: Zeret, Zohar, Etnan, 8 an Koz. Koz da faddah fo Anub an Hazzobebah an da Ahatel blood lines. Ahatel Harum boy.
9 Had one guy name Jabez. His muddah call him dat, cuz she tell, “Hurt plenny wen I born him,” an “Jabez” soun kinda like “hurt,” dea language. From all Jabez braddah guys, Jabez was da mos importan one. 10 One time, Jabez go pray to da God fo da Israel peopo. Dis wat he tell:
“Eh God, I like you make um fo me do fo real kine
Wat you wen make me fo do!
I like you make plenny room fo me,
An use yoa powa fo help me,
An take kea me so notting bad happen,
So den I no need hurt!”
An God, he make tings happen jalike Jabez wen tell him fo do.
11 Kelub, Shulah braddah, he da faddah fo Mehir. Mehir da faddah fo Eshton. 12 Eshton da faddah fo Bet-Rafa, Paseah, an Tehinnah. Tehinnah da faddah fo Ir Nahash. Dese da guys from Rekah.
13 Kenaz boys: Otniel an Seraiah.
Otniel boys: Hatat an Meonotai. 14 Meonotai da faddah fo Ofrah.
Seraiah da faddah fo Joab. Joab da faddah fo Ge-Harashim. Dey call um dat cuz dea peopo know how fo make stuff real good.
15 Da boys fo Caleb, Jefunneh boy: Iru, Elah, an Naam.
Elah boy: Kenaz.
16 Jehallelel boys: Zif, Zifah, Tiria, an Asarel.
17 Ezrah boys: Jeher, Mered, Efer, an Jalon. One a Mered wifes born Miriam, Shammai, an Ishbah. Ishbah da faddah fo Eshtemoa. 18 His wife from da Judah ohana, she born Jered. Jered da faddah fo Gedor. Heber, da faddah fo Soco, an Jekutiel, da faddah fo Zanoah. Dese da kids from Pharaoh girl, Bitiah, dat Mered wen marry.
19 Hodiah wife Naham sistah. Hodiah wife born: Keilah faddah from Garm, an Eshtemoa from Maakat.
20 Shimon boys: Amnon, Rinnah, Ben-Hanan, an Tilon.
Ishi boys: Zobet an Ben-Zohet.
21 Judah boy, Shelah boys: Er, da faddah fo Lekah, Laadah, da faddah fo Mareshah an da blood lines fo da linen worka guys inside Bet-Ashbea, 22 Jokim, da Cozeba guys, an Joash, an Saraf, dat stay in charge inside Moab, an Jashubi Lehem. (Dese records stay from long time befo time.) 23 Dey da guys dat make da clay pots, dat wen live Netaim town an Gederah town. Dey wen stay ova dea an work fo da king.
Da Simeon Ohana
24 Da peopo dat come from Simeon: Nemuel, Jamin, Jarib, Zerah, an Shaul. 25 Da peopo dat come from Shaul: Shallum, Mibsam his boy, an Mishma his boy.
26 Da peopo dat come from Mishma: Hammuel his boy, Zakkur his boy, an Shimei his boy.
27 Shimei get sixteen boys an six girls. But his braddahs no mo big blood lines. So dea whole ohana no mo real plenny peopo jalike da Judah ohana. 28 ✡ 4:28: Josh 19:2-10Dey wen live inside Beer-Sheba, Moladah, Hazer Shual, 29 Bilbah, Ezem, Tolad, 30 Betuel, Hormah, Ziklag, 31 Bet-Markabot, Hazar Susim, Bet-Biri, an Shaaraim. Dese da towns till David come king. 32 Da small towns aroun um was Etam, Ain, Rimmon, Token, an Ashan. Az five towns, 33 an all da small towns aroun um all da way to Baalat. Az wea dey wen live, an dey get one record fo dea ohana.
34 Meshobab, Jamlek, Joshah, Amaziah boy, 35 Joel, Jehu az Joshibiah boy an Seraiah grankid an Asiel great-grankid, 36 an Elioenai, Jaakobah, Jeshohaiah, Asaiah, Adiel, Jesimiel, Benaiah, 37 an Ziza az Shifi boy, an he Allon boy, an Allon Jedaiah boy, an Jedaiah Shimri boy, an Shimri Shemaiah boy.
38 Dose guys da leadas fo dea ohanas. Dea ohanas wen come mo big. 39 Dey go da place aroun Gedor, da east side a da valley, fo look fo grass land fo dea sheeps an goats. 40 Dey find good land wit plenny grass. Da land stay wide an quiet. Befo time some Ham peopo wen live ova dea.
41 Dose guys inside da Simeon ohana wen come ova dea wen Hezekiah stay king fo da Judah peopo. Dey go afta da Ham peopo wea dey live, an da Meun peopo dat stay ova dea too. An da Simeon guys wipe out all da Ham peopo an all da Meun peopo. So no mo today. Den da Simeon peopo live inside dat land, cuz get grass land fo dea animals. 42 Five hundred a dose Simeon guys go afta da hill land aroun Seir. Pelatiah, Neariah, Refaiah, an Uzziel, Ishi four boys, wen lead dem. 43 Dey kill da Amalek guys dat wen get away, an da Simeon peopo live ova dea till today.