27
How Dey Split Da Army Guys
1 Dis da record fo da Israel peopo, da main guys fo da blood lines, an da main leadas fo tousan army guys, an fo hundred army guys, an dea officer guys. Dey work fo da king fo eryting bout how dey split da army guys dat work ery month, ery year. Ery division get 24,000 guys.
2 Division numba one fo da firs month ery year: Zabdiel boy Jashobeam stay in charge. Get 24,000 guys unda him. 3 He come from one a Perez boys, an stay in charge a all da army officers fo da firs month ery year.
4 Division fo da month numba two: Dodai from Ahoh stay in charge. Miklot was da leada fo his 24,000 guys.
5 Division fo da month numba three: Benaiah stay in charge a da army guys fo dat month. His faddah, Jehoiada da Main Pries Guy. Benaiah da leada, an get 24,000 guys unda him. 6 Dis da same Benaiah dat was one strong guy wit da Thirty Guys, an stay in charge a dem. His boy Ammizabad stay help him.
7 Division fo da month numba four: Asahel, Joab braddah, stay in charge fo da month. His boy Zebadiah take ova afta Asahel get kill. Get 24,000 guys unda him.
8 Fo da month numba five: Shamhut, dat get Zerah fo his ancesta, stay in charge. Get 24,000 guys unda him.
9 Fo da month numba six: Ira, Ikkesh boy from Tekoa town stay in charge. Get 24,000 guys unda him.
10 Fo da month numba seven: Helez from Pelon town from da Efraim ohana stay in charge. Get 24,000 guys unda him.
11 Fo da month numba eight: Sibbekai from Hushat town, dat get Zerah fo his ancesta, stay in charge. Get 24,000 guys unda him.
12 Fo da month numba nine: Abiezer from Anatot town, from da Benjamin ohana, stay in charge. Get 24,000 guys unda him.
13 Fo da month numba ten: Maharai from Netofah town, dat get Zerah fo his ancesta, stay in charge. Get 24,000 guys unda him.
14 Fo da month numba eleven: Benaiah from Piraton, da Efraim ohana, stay in charge. Get 24,000 guys unda him.
15 Fo da month numba twelve: Heldai from Netofah town, dat get Otniel fo ancesta, stay in charge. Get 24,000 guys unda him.
Da Leadas Fo Da Ohanas
16 Da leadas fo da main Israel ohanas:
Ova da Reuben ohana: Eliezer, Zikri boy.
Ova da Simeon ohana: Shefatiah, Maakah boy.
17 Ova da Levi ohana: Hashabiah, Kemuel boy.
Ova da Aaron blood line: Zadok.
18 Ova da Judah ohana: Elihu, David braddah.
Ova da Issakar ohana: Omri, Michael boy.
19 Ova da Zebulun ohana: Ishmaiah, Obadiah boy.
Ova da Naftali ohana: Jerimot, Azriel boy.
20 Ova da Efraim ohana: Hoshea, Azaziah boy.
Ova half da Manasseh ohana: Joel, Pedaiah boy.
21 Ova half da Manasseh ohana inside Gilead: Iddo, Zekariah boy.
Ova da Benjamin ohana: Jaasiel, Abner boy.
22 Ova da Dan ohana: Azarel, Jeroham boy.
Dese da leadas ova da Israel ohanas.
23 ✡ 27:23: Start 15:5; 22:17; 26:4David no count da guys mo young den twenny-one year, cuz Da One In Charge wen promise fo make da Israel peopo come plenny, jalike da stars inside da sky. 24 ✡ 27:24: 2Sam 24:15; 1Rec 21:1-14Joab, Zeruiah boy, an his guys wen start fo count dem, but he no finish da job. God wen come huhu wit da Israel peopo cuz dey start fo count um, so dey no write da numbas inside da book fo da records fo King David.
Da Guys Dat Watch David Property
25 Azamavet, Adiel boy, stay in charge a da places wea dey store stuff fo da king.
Jonathan, Uzziah boy, stay in charge a da places inside da districks, da small towns, an da towas fo watch.
26 Ezri, Kelub boy, stay in charge a da farma guys dat work inside da fields fo grow da food.
27 Shimei from Ramat stay in charge a da grape fields.
Zabdi from Shefam stay in charge a da places inside da grape fields wea dey keep da wine.
28 Baal-Hanan from Geder stay in charge a da olive trees an da sycamore fig trees on da hills west side.
Joash stay in charge a da olive oil.
29 Shitrai from Sharon stay in charge a da cows Sharon side.
Shafat, Adlai boy, stay in charge a da cows in da valleys.
30 Obil from da Ishmael ohana stay in charge a da camels.
Jehdeiah from Meronot stay in charge a da donkeys.
31 Jaziz, one a da Hagri peopo, stay in charge a da sheeps an goats.
All dese guys stay in charge a King David stuffs.
32 Jonathan, David uncle, one guy dat can tell peopo wass da bestes ting fo dem do an dat undastan plenny stuff, he write da tings dat wen happen. Jehiel, Hakmoni boy, take kea da king boys.
33 Ahitofel, he one akamai guy dat tell da king wass da bestes ting fo him do.
Hushai from Ark, he da king fren. 34 Laytas, Jehoiada, Benaiah boy, an Abiatar, take ova Ahitofel job wen Ahitofel mahke.
Joab, he da main leada fo da king army guys.