1 O Pakai, Ka-Pakai u, leiset chunga hi itilom loma naming loupi hitam! naloupi nahi vanho sangin asangjon ahi. 2 Nangin chapang hole naosen ho kamsung'a nathahat naho nahil in, hiti chun nagalmi hole nangma douho nasuthipjin ahi. ✡ Matt 21:16 3 Keiman janteng vanthamjol kavet akangaito jiteng, nakhut jung ho natoh in lhathah le ahsi ho agongtoh sel ui. 4 Mihem hi ipi hija hibanga nagelkhoh’a, Mihem Chapa hi ipi dinga hibanga hi nakhohsah ham? ✡ Job 7:17,18; Labu 144:3; Heb 2:6-8 5 Nang’in amaho hi Vantil sanga themchabou nemjep in nakoi jin, loupina le jana dimset in lallukhuh nakhuhpeh e. 6 Nangin nathilsemsaho jouse chunga vaihop na napen, thiljouse akhutnoija nakoitan ahi: ✡ 1 Crth 15:27; Eph 1:22; Heb 2:8 7 Kelngoiho le bong ho chule gamsahang ho jouse, 8 Vantham jol’a vachate, twikhang len’a nga-ho chule twikhang len’a kijap jouse ahiuve. 9 O Pakai, Ka-Pakai u, leiset chunga hi itilom loma naming loupi hitam !