వేసవికాలపు పండ్లు కోసుకున్న తరువాత,

ద్రాక్షతోటల్లో మిగిలిపోయిన ద్రాక్షపండ్ల పరిగె కూడా ఏరుకున్న తరువాత ఎలా ఉంటుందో, నా పరిస్థితి ఆలా ఉంది.

పండ్ల గుత్తులు ఇక ఏమీ లేవు.

అయినా నేను మొదటి అంజూరపు పండ్ల కోసం ఆశతో ఉన్నాను.

౨ భక్తులు దేశంలో లేకుండా పోయారు.

ప్రజల్లో యథార్థపరుడు ఒకడూ లేడు.

హత్య చేయడానికి అందరూ పొంచి ఉంటారు.

ప్రతివాడూ తన తోటి దేశస్థుని వలలో చిక్కించాలని వేటాడుతూ ఉంటాడు.

అధికారి డబ్బులు అడుగుతాడు.

న్యాయమూర్తి లంచాలకు సిద్ధంగా ఉంటాడు.

గొప్పవాడు తనకు కావాలిసిన దాన్ని తెమ్మని చెబుతున్నాడు.

ఆవిధంగా వాళ్ళు, కలిసి కపట ఉపాయాలు పన్నుతారు.

౪ వారిలోని మంచివారు ముళ్ళచెట్టులాంటి వారు.

వారిలోని నిజాయితీ పరులు ముళ్ళకంచెలాంటి వారు.

అది నీ కాపలాదారులు ముందే చెప్పిన రోజు,

మీరు శిక్ష అనుభవించే రోజు.

ఇప్పుడే వారికి కలవరం వచ్చేసింది.

ఏ స్నేహితుని మీదా నమ్మకం పెట్టుకోవద్దు.

నీ కౌగిట్లో పడుకునే స్త్రీతో కూడా జాగ్రత్తగా మాట్లాడు.

౬ కొడుకు తండ్రిని అగౌరవపరుస్తున్నాడు.

కూతురు తన తల్లి మీద, కోడలు తన అత్త మీద ఎదురు తిరుగుతారు.

తన సొంత ఇంటివారే తన శత్రువులు.

రక్షణకర్త అయిన నా దేవుని కోసం నేను కనిపెడతాను.

నా దేవుడు నా మాట వింటాడు.

౮ నా పగవాడా, నా మీద అతిశయించవద్దు.

నేను కింద పడినా తిరిగి లేస్తాను.

నేను చీకట్లో కూర్చున్నపుడు

యెహోవా నాకు వెలుగుగా ఉంటాడు.

కాబట్టి ఆయన నా పక్షాన వాదించి

నా పక్షాన న్యాయం తీర్చే వరకూ

నేను ఆయన కోపాగ్ని సహిస్తాను.

ఆయన నన్ను వెలుగులోకి తెస్తాడు.

ఆయన తన న్యాయంలో నన్ను కాపాడడం నేను చూస్తాను.

“నీ యెహోవా దేవుడు ఎక్కడ?”

అని నాతో అన్నది అవమానం పాలవుతుంది.

నా కళ్ళు ఆమెను చూస్తాయి.

వీధుల్లోని మట్టిలా ఆమెను తొక్కుతారు.

ఆరోజు నీ సరిహద్దులు చాలా దూరం వరకూ విశాలమవుతాయి.

౧౨ ఆ రోజు అష్షూరు దేశం నుంచి,

ఐగుప్తు దేశపు పట్టణాల నుంచి, ఐగుప్తు మొదలు యూఫ్రటీసు నది వరకూ ఉన్న ప్రాంతం నుంచి,

ఒక సముద్రం నుంచి మరో సముద్రం వరకూ

ఒక పర్వతం నుంచి మరో పర్వతం వరకూ ఉన్న ప్రజలు

నీ దగ్గరికి వస్తారు.

౧౩ ఇప్పుడు ఆ ప్రాంతాల్లో నివసిస్తున్న ప్రజల వలన,

వారు చేసిన పనుల వలన ఆ ప్రాంతాలు పాడవుతాయి.

కర్మెలుకు చెందిన అడవిలో వాళ్ళు ఒంటరిగా నివసిస్తున్నా

పూర్వ కాలంలో బాషాను, గిలాదుల్లో మేసినట్టు మేస్తారు.

౧౫ ఐగుప్తుదేశంలో నుంచి నువ్వు వచ్చినప్పుడు జరిగినట్టుగా

నేను ప్రజలకు అద్భుతాలు చూపిస్తాను.

వాళ్ళు తమ నోటిమీద తమ చేతులు పెట్టుకుంటారు.

వాళ్ళ చెవులు వినబడవు.

వాళ్ళు తమ గుహల్లోనుంచి భయంతో బయటికి వస్తారు.

భయంతో మన యెహోవా దేవుని దగ్గరికి వస్తారు.

నిన్నుబట్టి వాళ్ళు భయపడతారు.

నీ స్వజనంలో మిగిలినవారి దోషాన్ని పరిహరించే వాడివి.

నువ్వు నీ నిబంధన నమ్మకత్వాన్ని మాకు ఇష్టంగా చూపించే వాడివి.

నువ్వు నీ కోపాన్ని ఎప్పటికీ అలానే ఉంచేవాడివి కాదు.

నీ పాదాల కింద మా అపరాధాలను నువ్వు తొక్కేస్తావు.

మా పాపాలన్నిటినీ సముద్రం అడుగుకు నువ్వు పడవేస్తావు.

౨౦ నువ్వు యాకోబుకు సత్యాన్ని ఇస్తావు.

పూర్వకాలంలో మా పూర్వీకులు అబ్రాహాముకు ప్రమాణం చేసిన నిబంధన నమ్మకత్వాన్ని చూపిస్తావు.