పర్వతాలన్నిట్లో ప్రధానమైనదిగా ఉంటుంది.

కొండల కంటే ఎత్తుగా ఉంటుంది.

ప్రజల సమూహాలు ప్రవాహంలాగా అక్కడికి వస్తూ ఉంటారు.

౨ అనేక రాజ్యాలవారు వచ్చి ఇలా అంటారు,

“యాకోబు దేవుని మందిరానికి,

యెహోవా పర్వతానికి మనం వెళ్దాం, పదండి.

ఆయన తన విధానాలను మనకు నేర్పిస్తాడు.

మనం ఆయన దారుల్లో నడుచుకుందాం.”

సీయోనులో నుంచి ధర్మశాస్త్రం,

యెరూషలేములో నుంచి యెహోవా వాక్కు వెలువడతాయి.

౩ ఆయన మధ్యవర్తిగా అనేక ప్రజలకు న్యాయం తీరుస్తాడు.

దూరంగా ఉండే విస్తారమైన రాజ్యాల వివాదాలను పరిష్కరిస్తాడు.

వారు తమ కత్తులను నాగటి నక్కులుగా

తమ ఈటెలను మచ్చు కత్తులుగా సాగగొడతారు.

రాజ్యం మీదికి రాజ్యం కత్తి ఎత్తకుండా ఉంటారు.

యుద్ధ విద్య నేర్చుకోవడం మానివేస్తారు.

తన ద్రాక్షచెట్టు కింద తన అంజూరపు చెట్టు కింద కూర్చుంటాడు.

ఇది సేనల అధిపతి యెహోవా నోట వెలువడ్డ మాట.

౫ ఇతర ప్రజలంతా తమ దేవుళ్ళ పేరుతో నడుచుకుంటారు.

మనమైతే మన యెహోవా దేవుని పేరును బట్టి

ఎప్పటికీ నడుచుకుంటాము.

ఆ రోజు నేను కుంటి వారిని పోగుచేస్తాను.

అణగారిన వారిని, నేను కష్టపెట్టినవారిని దగ్గరికి చేరుస్తాను.

౭ కుంటివారిని శేషంగా దూరంగా పంపేసిన వారిని

బలమైన ప్రజగా చేస్తాను.

యెహోవానైన నేను, సీయోను కొండ మీద ఇప్పటినుంచి

ఎప్పటికీ వారిని పాలిస్తాను.

౮ మందల గోపురమా, సీయోను కుమార్తెకు కొండగా ఉన్న నీకు

పూర్వపు అధికారం వస్తుంది.

యెరూషలేము కుమార్తెమీద నీకు ప్రభుత్వం వస్తుంది.

మీకు రాజు లేడా?

మీ సలహాదారులు నాశనమయ్యారా?

అందుకే ప్రసవ వేదన పడుతున్న స్త్రీ లాగా మీరు బాధపడుతున్నారా?

౧౦ సీయోను కూతురా, ప్రసవ వేదన పడుతున్న స్త్రీ లాగా

నొప్పులు పడుతూ కను.

ఎందుకంటే మీరు పొలంలో బతికేలా పట్టణం వదిలిపెట్టండి.

బబులోను వెళ్తారు. అక్కడ మీకు విడుదల కలుగుతుంది.

అక్కడే యెహోవా మీ శత్రువుల చేతిలోనుంచి మిమ్మల్ని విడిపిస్తాడు.

“సీయోను అపవిత్రం అవుతుంది గాక!

దాని నాశనం మేము కళ్ళారా చూడాలి.” అంటారు.

౧౨ ప్రవక్త ఇలా అంటాడు, యెహోవా తలంపులు వారికి తెలియవు.

ఆయన ఆలోచన అర్థం కాదు.

కళ్లంలో పనలు దగ్గర చేర్చినట్టు ఆయన వారిని చేరుస్తాడు.

“సీయోను కుమారీ, లేచి కళ్ళం తొక్కు.

మీకు ఇనుప కొమ్ములూ కంచు డెక్కలూ చేస్తాను.

నీవు అనేక ప్రజల సమూహాలను అణిచేస్తావు.

వారి అన్యాయ సంపదను యెహోవానైన నాకు ప్రతిష్టిస్తాను.

వారి ఆస్తిపాస్తులను సర్వలోక ప్రభువునైన నాకు ప్రతిష్టిస్తాను.”