౨  “నా ఆపదలో నేను యెహోవాకు మొర్రపెట్టాను.

ఆయన నాకు జవాబిచ్చాడు.

మృత్యులోకం నుంచి నేను కేకలు వేస్తే నువ్వు నా స్వరం విన్నావు.

౩ నువ్వు నన్ను అగాధంలో, సముద్రగర్భంలో పడవేశావు. ప్రవాహాలు నన్ను చుట్టుకున్నాయి.

నీ అలలూ తరంగాలూ నా మీదుగా వెళ్తున్నాయి.

౪ నీ సన్నిధినుంచి నన్ను తరిమి వేసినా,

నీ పరిశుద్ధాలయం వైపు మళ్ళీ చూస్తాను అనుకున్నాను.

సముద్రాగాధం నన్ను ఆవరించి ఉంది. సముద్రపు నాచు నా తలకు చుట్టుకుంది.

౬ నేను మరెన్నటికీ ఎక్కి రాకుండా భూమి గడియలు నన్ను మూసివేశాయి.

పర్వతాల పునాదుల్లోకి నేను దిగిపోయాను.

నా దేవా, యెహోవా, నువ్వు నా జీవాన్ని అగాధంలో నుంచి పైకి రప్పించావు.

౭ నా ప్రాణం నాలో కృశిస్తూ ఉంటే నేను యెహోవాను జ్ఞాపకం చేసుకున్నాను.

నీ పరిశుద్ధాలయంలోకి నీదగ్గరికి నా ప్రార్థన చేరింది.

౮ వ్యర్థమైన దేవుళ్ళ మీద లక్ష్యం ఉంచేవాళ్ళు తమ కొరకైన నీ విశ్వాస్యతను నిరాకరిస్తున్నారు.

౯ నా మట్టుకు నేను కృతజ్ఞతాస్తుతులతో నీకు బలి సమర్పిస్తాను.

నేను మొక్కుకున్న దాన్ని తప్పక నెరవేరుస్తాను.

యెహోవా దగ్గరే రక్షణ దొరుకుతుంది.”