నా యుద్ధాలు పోరాడుము.

లేచి, నాకు సహాయం చేయుము.

నన్ను తరుముతున్న వారతో పోరాడుము.

ఆ ప్రజలు నిరాశచెంది, సిగ్గుపడేలా చేయుము.

వారు మళ్లుకొని పారిపోయేట్టు చేయుము.

వారిని ఇబ్బంది పెట్టుము.

యెహోవా దూత వారిని తరిమేలా చేయుము.

యెహోవా దూత వారిని తరుమును గాక!

నేను తప్పు ఏమీ చేయలేదు. కానీ వారు నన్ను పట్టు కోవాలని ప్రయత్నించారు.

వారి సోంత ఉచ్చులలో వారినే తొట్రిల్లి పడనిమ్ము.

తెలియని ఆపద ఏదైనా వారిని పట్టుకోనిమ్ము.

ఆయన నన్ను రక్షించినప్పుడు నేను సంతోషంగా ఉంటాను.

యెహోవా, బలవంతుల నుండి పేదవారిని నీవు రక్షిస్తావు.

అని నా పూర్ణ వ్యక్తిత్వంతో నేను చెబతాను.

ఆ మనుష్యులు నన్ను ప్రశ్నలు అడుగుతారు. వాళ్లు దేనిని గూర్చి మాట్లాడుకొంటున్నారో నాకు తెలియదు.

కానీ ఆ మనుష్యులు నాకు చెడ్డ వాటినే చేస్తారు. వారు నా ప్రాణం తీయుటకు పొంచియుంటారు.

ఉపవాసం ఉండుట ద్వారా నా విచారం వ్యక్తం చేశాను.

నా ప్రార్థనకు జవాబు లేకుండా పోయింది.

ఒకని తల్లి చనిపోయినందుకు ఏడుస్తున్న మనిషిలా నేను దుఃఖించాను. ఆ మనుష్యులకు నా విచారాన్ని తెలియజేసేందుకు నేను నల్లని వస్త్రాలు ధరించాను. దుఃఖంతో నేను నా తల వంచుకొని నడిచాను.

ఆ మనుష్యులు నిజంగా స్నేహితులు కారు.

ఆ మనుష్యులు పళ్లు కొరికి నా మీద కోపం చూపారు.

ఆ మనుష్యులు నన్ను నాశనం చేయాలని చూస్తున్నారు. యెహోవా, నా ప్రాణాన్ని రక్షించుము.

ఆ దుర్మార్గుల బారి నుండి నా ప్రియ జీవితాన్ని రక్షించుము. వాళ్లు సింహాల్లా ఉన్నారు.

నేను పెద్ద సమూహంతో ఉన్నప్పుడు నిన్ను స్తుతిస్తాను.

నా శత్రువులు వారి రహస్య పథకాల నిమిత్తం తప్పక శిక్షించబడతారు.

ఈ దేశంలో శాంతియుతంగా ఉన్న ప్రజలే చె డు కార్యాలు చేయాలని వారు రహస్యంగా పథకాలు వేస్తున్నారు.

వారు అబద్ధాలు పలుకుతూ, “ఆహా, నీ వేమీ చేస్తున్నావో మాకు తెలుసులే అంటారు.”

కనుక మౌనంగా ఉండవద్దు.

నన్ను విడిచి పెట్టవద్దు.

నా దేవా, నా యెహోవా నా పక్షంగా పోరాడి నాకు న్యాయం చేకూర్చుము.

ఆ మనుష్యులను నన్ను చూచి నవ్వ నీయవద్దు.

“యెహోనా, మేము అతణ్ణి నాశనం చేశాము” అని వాళ్లు చెప్పుకోకుండా చేయుము.

నాకు కీడు జరిగినప్పుడు ఆ మనుష్యులు సంతోషించారు.

కనుక ఆ మనుష్యుల్ని అవమానంతోను సిగ్గుతోను నింపి వేయుము.

మీరు సంతోషించండి.

నేను ప్రతి దినము స్తుతిస్తాను.