எனவே நான் என்றும் ஏமாற்றமடையமாட்டேன்.

நான் சொல்வதைக் கேளும், என்னை மீட்டருளும்.

நீர் என் கன்மலை என் பாதுகாப்பிடம்.

கொடியோரும் தீயோருமான ஜனங்களிடமிருந்து என்னை மீட்டருளும்.

நான் சிறுவனாக இருந்தபோதே உம்மை நம்பினேன்.

என் தாயின் கருவில் இருந்தபோதே நான் உம்மைச் சார்ந்திருந்தேன்.

நான் உம்மிடம் எப்போதும் ஜெபம் பண்ணினேன்.

எனவே நான் பிற ஜனங்களுக்கு ஒரு எடுத்துக்காட்டானேன்.

என் பெலனை நான் இழக்கையில் என்னை விட்டுவிடாதேயும்.

அந்த ஜனங்கள் உண்மையிலேயே ஒருமித்துச் சந்தித்தார்கள், அவர்கள் என்னைக் கொல்லத் திட்டமிட்டார்கள்.

தேவன் அவனைக் கைவிட்டார்.

அவனுக்கு ஒருவரும் உதவமாட்டார்கள்” என்றனர்.

தேவனே, விரையும்! வந்து என்னைக் காப்பாற்றும்!

அவர்களை முழுமையாக அழித்துவிடும்.

அவர்கள் வெட்கமும் இகழ்ச்சியும் அடைவார்கள் என நான் நம்புகிறேன்.

நான் உம்மை மென்மேலும் துதிப்பேன்.

நீர் என்னை மீட்ட காலங்களைக் குறித்து நான் ஜனங்களுக்குக் கூறுவேன்.

எண்ண முடியாத பல காலங்கள் உள்ளன.

உம்மையும் உமது நற்குணங்களையும் நான் பேசுவேன்.

இன்றுவரை நீர் செய்துள்ள அற்புதமான காரியங்களைக் குறித்து நான் ஜனங்களுக்குக் கூறியுள்ளேன்.

ஆனாலும் தேவனே, நீர் என்னை விட்டுவிடமாட்டீர் என்பதை நான் அறிவேன்.

உமது வல்லமையையும், பெருமையையும் ஒவ்வொரு புதிய தலைமுறையினருக்கும் நான் சொல்லுவேன்.

தேவனே, உம்மைப் போன்ற தேவன் வேறொருவருமில்லை.

நீர் அற்புதமான காரியங்களைச் செய்திருக்கிறீர்.

ஆனாலும் அவை எல்லாவற்றினின்றும் நீர் என்னை மீட்டு, உயிரோடு வைத்தீர்.

எத்தனை ஆழத்தில் மூழ்கியும் தொல்லைகளிலிருந்து நீர் என்னைத் தூக்கி நிறுத்தினீர்.

தொடர்ந்து எனக்கு ஆறுதல் அளியும்.

என் தேவனே, நீர் நம்பிக்கைக் குரியவர் என்பதைப் பாடுவேன்.

என் சுரமண்டலத்தில் பாடல்களை இசைப்பேன்.

என் உதடுகளால் துதிப்பாடல்களை நான் பாடுவேன்.

என்னைக் கொல்ல விரும்பிய ஜனங்கள், தோற்கடிக்கப்பட்டு இகழ்ச்சி அடைவார்கள்.