ஜனங்கள் பொன்னை உருக்கிப் புடமிடும் (தூயதாக்கும்) இடங்கள் உண்டு.

செம்பு பாறையிலிருந்து உருக்கி எடுக்கப்படுகிறது.

அவைகளை குகைகளின் ஆழமான பகுதிகளில் தேடுகிறார்கள்.

ஆழ்ந்த இருளில் அவர்கள் பாறைகளைத் தேடிப்பார்க்கிறார்கள்.

ஜனங்கள் வசிக்காத (வாழாத) தூரமான இடங்களிலும், ஒருவரும் சென்றிராத இடங்களிலும், அவர்கள் நிலத்தினுள் ஆழமாகப் போகிறார்கள்.

மற்ற ஜனங்களைக் காட்டிலும் ஆழமான இடங்களில், அவர்கள் கயிறுகளிலிருந்து தொங்குகிறார்கள்.

ஆனால் நிலத்திற்குக் கீழே, அனைத்தும் நெருப்பினால் உருக்கப்பட்டதுபோல, அது வேறு மாதிரியாகத் தோன்றுகிறது.

அங்குத் தூயப் பொன் பொடிகள் உண்டு.

அந்த இருண்ட பாதைகளை வல்லூறும் பார்த்ததில்லை.

சிங்கங்கள் அவ்வழியில் பயணம் செய்ததில்லை.

அப்பணியாட்கள் பர்வதங்களை தோண்டி அதனை வெட்டாந்தரையாக்குகிறார்கள்.

எல்லா பாறைகளின் பொக்கிஷங்களையும் அவர்கள் பார்க்கிறார்கள்.

அவர்கள் மறை பொருளை வெளிச்சத்திற்குக் கொண்டுவருகிறார்கள்.

நாம் எங்கு புரிந்துகொள்ளுதலைக் காண முடியும்?

பூமியின் ஜனங்கள் நிலத்தைத் தோண்டி, ஞானத்தைக் கண்டடைய முடியாது.

கடல், ‘ஞானம் இங்கு என்னிடம் இல்லை’ என்கிறது.

ஞானத்தை வாங்கப் போதுமான அளவு வெள்ளி இவ்வுலகில் இராது!

நீங்கள் ஞானத்தை வாங்க முடியாது.

பொன்னில் பதிக்கப்பெற்ற விலையுயர்ந்த கற்களால் ஞானத்தை வாங்கமுடியாது.

சிவந்தக் கற்களைக் காட்டிலும் ஞானம் விலையுயர்ந்தது.

தூயப் பொன்னால் உங்களால் ஞானத்தை வாங்கமுடியாது.

எங்கு நாம் புரிந்துகொள்ளுதலைக் காண முடியும்?

வானத்துப் பறவைகள் கூட ஞானத்தைக் காண முடியாது.

நாங்கள் அதைக் குறித்த வதந்திகளைக் காதினால் மட்டும் கேட்டோம்’ என்கின்றன.

தேவன் மட்டுமே ஞானம் இருக்குமிடத்தை அறிகிறார்.

வானின் கீழுள்ள எல்லாவற்றையும் தேவன் பார்க்கிறார்.

கடல்களை எத்தனை பெரிதாக படைக்க வேண்டுமென்று தேவன் முடிவெடுத்தார்.

இடி முழக்கங்களை எங்கே செலுத்துவதென்றும் தேவன் முடிவெடுக்கிறார்.

ஞானத்தின் மதிப்பை தேவன் கண்டு, அதனை ஏற்றுக்கொண்டார்.

அதுவே ஞானம் ஆகும், தீமைச் செய்யாதீர்கள் அதுவே புரிந்து கொள்ளும் திறன் ஆகும்!’ ” என்றார்.