நீங்கள் கூறுகின்றவற்றையெல்லாம் நான் ஏற்கெனவே கேட்டிருக்கிறேன்.

அவற்றையெல்லாம் நான் புரிந்துகொள்கிறேன்.

நானும் உங்களைப் போலவே புத்திசாலி.

சர்வ வல்லமையுள்ள தேவனோடு நான் பேச விரும்புகிறேன்.

என் தொல்லைகளைப்பற்றி நான் தேவனோடு வாதாட விரும்புகிறேன்.

ஒருவரையும் குணப்படுத்த முடியாத தகுதியற்ற மருத்துவர்களைப்போல் இருக்கிறீர்கள்.

நீங்கள் செய்யத்தக்க மிகுந்த ஞானமுள்ள காரியம் அதுவேயாகும்.

நான் சொல்லவேண்டியவற்றிற்குச் செவிகொடுங்கள்.

நீங்கள் கூறும் பொய்களை, நீங்கள் கூறவேண்டுமென்று தேவன் விரும்பியதாக நீங்கள் உண்மையாகவே நம்புகிறீர்களா?

தேவனுக்காக வழக்குகள் கொண்டுவர முடியுமா?

நீங்கள் ஜனங்களை மூடராக்குவது போல் தேவனை முட்டாளாக்க முடியும் என உண்மையாகவே எண்ணுகிறீர்களா?

தேவன் உங்களை விசாரணை செய்வார் என்பதை நீங்கள் அறிவீர்கள்.

நீங்கள் அவரைக் கண்டு பயப்படுகிறீர்கள்.

உங்கள் பதில்கள் சேற்றுக்குவியல்கள் போலப் பயனற்றவை.

பிறகு எனக்கு நேரிடும் அனைத்தையும் நான் ஏற்றுக்கொள்கிறேன்.

என் உயிரை என் கைகளில் எடுப்பேன்.

அவருக்கு முன்பாக என் பொருட்டு வாதாடுவேன்.

தீயவன் ஒருவனும் தேவனை முகத்துக்கு முகம் பார்க்கத் துணிவதில்லை.

நான் விவரித்துத் கூற அனுமதியுங்கள்.

எனது வாதங்களைக் கவனமாகச் சொல்வேன்.

நான் குற்றமற்றவன் என்று தீர்க்கப்படுவேனென்று அறிவேன்.

உடனே நான் வாய் பேசாதிருப்பேன் (அமைதியாக இருப்பேன்)

அப்போது உம்மிடமிருந்து ஒளிந்திருக்கமாட்டேன்.

பயங்கரங்களால் என்னை அச்சுறுத்துவதை நிறுத்தும்.

அல்லது என்னைப் பேசவிடும், நீர் எனக்குப் பதில் தாரும்.

நான் என்ன தவறு செய்தேன்?

என் பாவங்களையும் எனது தவறுகளையும் எனக்குக் காட்டும்.

ஏன் உமது பகைவனைப்போல் என்னை நடத்துகிறீர்?

நான் காற்றில் பறக்கும் ஒரு இலைமட்டுமேயாவேன்.

ஒரு சிறிய காய்ந்த வைக்கோல் துண்டினை நீர் தாக்குகிறீர்.

நான் இளமையில் செய்த பாவங்களுக்காக என்னை துன்புறச் செய்கிறீரா?

நான் எடுக்கும் ஒவ்வோர் அடியையும் நீர் கண்ணோக்குகிறீர்.

எனது ஒவ்வோர் அசைவையும் நீர் கண்ணோக்குகிறீர்.

அந்த பூச்சிகளால் அரிக்கப்படும் துணியைப் போலவும் நான் சோர்ந்து அழிந்துப்போகிறேன்” என்றான்.