1 Machane gur e ngam machib nrogon e machib nib yal’uw. 2 Mog ngak e pi’in kar pumo’ongad ni ngar pired ni yad bmuduwgil, ma ngar pired ni yad ba gonop, ma nge yag nra t’ared lanin’rad ko tin nde mat’aw; ma nge yal’uw rogon nib mich Kristus u wun’rad, nge rogon nib t’uf Got rorad nge girdi’, nge rogon ni ngar k’adedan’rad. 3 Ma ku errogon ni ngamog ngak e pi’in kar puwelwolgad ni nge par pangirad ni bod yalen e pi’in ni ppin ni yad ma par nib mat’aw pangirad u mit Got. Ma thangri dab ur t’ared e thin nga daken e girdi’, ara ra pired ni kar manged sib ko wayin. Ma thingar ra filed e tin ni bfel’ 4 ngak e pi’in nrugod nge yag ni t’uf figirngirad nge pifakrad rorad, 5 ma nge yag nra t’ared lanin’rad ko tin nde mat’aw ma ngar pired ni yad bmachalbog, ma ngar ngongliyed e maruwel ni bfel’ u tabinaw rorad, ma yad be fol ko thin rok figirngirad, nge dabiyag ni yog be’ nib kireb e thin ni yib rok Got.

6 Ma ku ireray rogon ni ngam wenig ngak e pi’in pagel ni ngar t’ared lanin’rad. 7 Me gur e ngam par ni bfel’ pangim ma bfel’ e ngongol rom u gubin ban’en, ya ngar guyed gur miyad folwok ko ngongol ni bfel’ ni ga be rin’; ngam tiyan’um ma ga yul’yul’ ko machib ni ga be tay. 8 Mu welthin ni bfel’ rogon ndabiyag ni nge tay be’ thibngim, nge mang e pi’in yad e to’ogor rom e ra tamra’gad ni fan e dariy ban’en nib kireb nrayag ni ngrogned ni murung’agdad.

9 Ma pi’in yad e sib e ngar folgad rok e pi masta rorad ngar rin’ed urngin ban’en nib m’ag u wun’rad. Ma thangri dab ra ted puluwon lungurad, 10 ara ra iringed ban’en rorad. Ya thingar ra daged ni gubin ngiyal’ ma yad bfel’ ma yad ba yul’yul’ u fithik’ urngin e tin yad be rin’, nge yag ni ngar girngiyed e fel’ ko machib ni murung’agen Got ni ir e ma thapegdad ngak.

11 Runguy rok Got ngak e girdi’ e keb i m’ug ni fan e nge thap urngin e girdi’ ngak Got. 12 Ma re runguy nem e ir e be fil ngodad ni ngad paged pangidad nge ngongol rodad nde m’agan’ Got ngay nge chogowen urngin ban’en u fayleng nde mat’aw u owchen Got, ma gadad par ni gadad be t’ar lanin’dad ko tin nde fel’, ma gadad ba yal’uw, ma gadad be rin’ e tin nib m’agan’ Got ngay u roy u fayleng, 13 ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus* Got rodad ni ir e th’abi tolang ni er Jesus Kristus; ara Got ni th’abi tolang nge Jesus Kristus rodad ni tabyul. ni ir e ma thapegdad ngak Got. 14 I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

15 Mmachibnag e pin’ey ngak e girdi’, ma ga maruwel nga mat’wum ni polo’ ko ngiyal’ ni ga be pi’ e athamgil nga laniyan’ ma ga be fonownag e pi’in yad be motoyil ngom. Ma dab mpag bagayad nge darifan nigem.