125
Yoror ko girdi’ rok Got
1 Pi’in ma pagan’rad ngak SOMOL e yad bod fare burey ni Zion,
ndariy liyben me rur, ma dabi mithmith bi’id.
2 Bod e pi burey nib liyeg yu Jerusalem,
e aram rogon SOMOL nike longbiy e girdi’ rok,
e chiney i yane ngaram ndariy n’umngin nap’an.
3 Pi’in kireb e dabiyag ni nge mang yad e ur gagiyeg naged e binaw rok e pi’in nib mat’aw ni gubin ngiyal’;
ya mang e rin’ed, ma pi’in mat’aw e dabisiy ni yad ra rin’ e ngongol nib kireb.
4 SOMOL, mu gol ngak e pi’in yad bfel’,
ni pi’in yad be fol ko tin kamog ni ngan rin’.
5 Machane nap’an ni ga ra gechignag e pi’in kireb,
mu kum gechignag boch e pi’in ka ra paged e pi kanawo’ rom.
Nge par e gapas u lan yu Israel!
DRAFT VERSION — Proofreading in progress