23
Mara tonuḡa Balak pulo i apui Balaam ana god awarina da mai Israel ita ḡaḡalei. Wate marana patapatai Balaam eḡa mai Israel ita ḡaḡalei. Ma God aiaina ita kauei mai Israel awarii lamna ava i bababaniei. Balaam mara 4 God ana babani mai Israel awarii i babaniei. Wei lamna ana babani viruaina.
18 Ma Balaam wei riwana i riwei i pa,
“Balak, Zippor natuna ma vomairi;
ma Ma rautaniḡana kaua.
19 God eḡa rava ota, Tauna eḡa ita morumoru.
Bo ana nota ita viravirai.
Tauna aiwai i babaniei,
nanare ina tupua
Aiwai i parivainuaḡani;
nanare ina kauei.
20 I riweu da wei ravai ana viaiaini;
maranai God e viaiaina, tau eḡa tagotagogina da ana virai.
21 Bada ai God
taui maiteni e mamae, ma taui e vovoepaepai da Tauna ai gulau.
Tauna eḡa nuabola bo apoapoe ita neineiai Jacob ḡoḡoḡana - mai Israel awari.
22 God taui Egyptei i tere-opunei,
Aubaii i viḡavia me bulumakau moduei.
23 Eḡa aiai Israel ina ḡaḡalei,
bo ina baravui.
Marina rava ina riwa,
‘Ona inanai God aiwai i kauei mai Israel aubai.’
24 Mai Israel lamna me Lion vivirewapanana.
E vovomairi da ana ḡavia e viviraḡeni
ma tarana e umaumai,
Anina ma ina rauvirai da ina matave.”