1 Nai maranai, patara ḡaeḡaena i riana-melei. Patara eḡa ai lam. Ma Iesu, ana tauvotaḡotaḡo i kwatuei da i nei ma i riwei i pa, 2 “Au pom tonuḡa patara maiteni a mae ma ai lam eḡa ma a rau-nuapoapoelei. 3 Taui ḡelaui, uamei i nei. Mepa da ana am-iraḡe ana paritawanei ai au numa, ma au etanai ina raumolaḡau.”

4 Ma ana tauvotaḡotaḡo i paribelei i pa, “Wei mutulua ma mepa lam tana vaia da wei patarana tana viambagibagi?”

5 Ma Iesu, taui i paridadanei i pa, “Awarimi palawa biaḡa?”

Taui i riwa i pa, “seven.”

6 Ma Iesu, patara i riwei da au doa i kiala. Ma palawa seven i vaia ma God i viegualauei ma i vogimagimai ma ana tauvotaḡotaḡo i verei da patara i verei. 7 Ma taui awari, iana muomuoi ruaḡa ota. Iesu i vaia; God i viegualauei ma ana tauvotaḡotaḡo i verei da patara i verei. 8 Taui anatapui i am da i am-iaua. Ma lam am tereterenai i tuarui da poa ḡaeḡaei seven i vioai. 9 Rava 4,000 i viambagibagi. Ma muriai i paritawanei ai au numa.

10 Maratagogi, Iesu ana tauvotaḡotaḡo maiteni au waga i geru ma i nae Damanuta ana au parata. 11  Pharisi ḡelaui i nei ma viparipariḡai i vikarei Iesu maiteni. Taui i ḡoei da Iesu ita raudadani da mataira Godei ita viatataiei. 12 Iesu, Aruanei i lavutu tawanana ma i riwa i pa, “Wei kimta voui, aiwai aubaina mataira e ḡoeḡoei? A ririwana-kauemi, amapo mataira eḡa ona inanai.”

13 Anina ma Iesu, patara i netawanei ma ana tauvotaḡotaḡo maiteni au waga i geru me ma i damana Topa Galili au baba ḡelauna. 14 Ma ana tauvotaḡotaḡo, nuanuai i vuru da ai palawa ita vaia ma palawa tagogi ava au waga i mamae. 15 Iesu, taui I parivainotai i pa, “Pharisi ma Herod ai giu ma ai viararamana morumoruna ona inana-kauei! Lamna me yist.* Yist mai Jew awarii awanainei lamna aiwai da apoapoe, mira bova e vivitua bo e vivimaḡai. Weka Iesu mai Pharisee ma mai Herod ai lawana ma ai giu morumorui e babaniei, da eḡa ina tua.”

16 Ma taui i babani vivira i pa, “Tauta eḡa ata palawa aubaina da e ririweta.”

17 Ma Iesu i aramanei ma taui i riwei, “Aiwai aubaina o bababani da taumi awarimi eḡa palawa? Taumi amapo da eḡa ota aramana ma o vivinuanaina? Orami i bado bo? 18  ✡ Mrk 4:12Matami e mamae ma eḡa ota inainana. Ma taniḡami e mamae ma eḡa ota nonora. Ma o vinuanotanota bo eḡa? 19 Maranai palawa five a vogimagimai rava 5,000 aubaii, lam am tereterenai o tami da poa biaḡa o vioai?”

Taui i paribelei, “Twelve.”

20 “Ma maranai palawa seven a vogimagimai rava 4,000 aubaii, lam am tereterenai o tami da poa ḡaeḡaei biaḡa o vioai?”

Taui i paribelei, “Seven.” 21 Ma taui i riwei i pa, “Ma amapo da o vivinuanaina!”

22 Taui i nei au Bethsaida ma rava ḡelaui, oroto matana apoapoena i neiai Iesu awarina ma i vibaḡa-guratei da ita vodadani. 23 Ma Iesu, oroto matana apoapoena i raunimavoai ma melagaiei i taravaina-opunei. Ma kampa matana i ovai ma urana au matana i terei ma i paridadanei, “Aiwai e inainanai bo eḡa?”

24 Ma i taepai ma i riwa, “Rava a inainanai ma taui me ai ita bababara.”

25 Iesu, urana i tere-melei oroto au matana. Ma matana i wanatawanei da aiwai anatapuna i ʼnana-kauei. 26 Iesu, tauna i paritawanei ana au numa ma i riwei, “Eḡa ma nae au melagai! Wate jijimanina ma nae au numa.”

27  Iesu, ana tauvotaḡotaḡo maiteni i nae melagaii Caesarea Philipai au ḡereḡerei. Maranai i nenae ma Iesu, taui i paridadanei, “Rava e ririwa; tau aiai?”

28  ✡ Mrk 6:14-15Ma taui i paribelei, “Ḡelaui e ririwa da tam, John Taubabataito. Ma ḡelaui Elijah. Ma ḡelaui e ririwa da peroveta wariaḡana tagogi.”

29 Ma Iesu, taui i paridadanei, “Wate taumi, mena o notanota-nei? O ririwa da tau aiai?”

Peter i paribelei, “Tam God ana Messiah - anona Keriso.”

30 Iesu, taui i viḡaei da eḡa aiai ina riwei da tauna aiai.

31 Ma Iesu i raukarei da ana tauvotaḡotaḡo i giuni i pa, “Rava Natuna ina vinuapoapoe kaua. Ma dogadogara, pirisi babadai ma tarawatu babadai, tauna ina pari-geduaiei ma ina viraḡeni. Ma au pom tonuḡa au murina ina vomairi me.” 32 Iesu jijimaninei wei kauai i bababaniei ma lamna aubaina Peter, tauna i taravaini au ririva ma enana i vikarei. 33 Wate Iesu i mae-tavirei ma ana tauvotaḡotaḡo i ʼnanai. Ma Peter i eni, i pa, “Satan ma nae au muriu! Tam am nota eḡa Godei ita nenei, eḡa da ravei.”

34 Ma Iesu, patara ma ana tauvotaḡotaḡo i raukwatuei ma i riwei, “Mepa da aiai ita votaḡotaḡoiu. Tauna ina boviana-melei ma ana korosi ina avarai ma ina votaḡotaḡoiu.† Wei lamna awanaina. Anona lamna Iesu ana tauvotaḡotaḡo anina vinimala ma apoapoei ina nelaḡai aubaina taui, tauna i votaḡotaḡoi. Tauna eḡa ita ririwa da ana tauvotaḡotaḡo au korosi ina iraḡe me tauna. 35 Aiai ana lawana e tatajijini, ina vine-boai. Ma aiai da ana lawana i verenei; Tau ma Riwana Aiaina aubaina. Tauna ana lawana ina vaimelei. 36 Ana aii bo anona aiwai, mepa da wei dobuna lawanana ma vigulauna ma vaipai ma am lawana maemae-nonoana ma vine-boai. 37 Wate aiwaiei am lawana ma gimara-melei. 38 Mepa da aiai: tau ma au viararamana ina vinimalei; ma i mae-puputeu; ma ana ḡoanei kaua apoapoe ina kaukauei. Rava Natuna, tauna ina vinimalei maranaina ina nememei; Amana ana au boruma anela vivivirei maiteni.”