1  Bada Moses ma Aaron i riwei i pa, 2 “Mepa da aiai kero bo paramaitua i vaia bo opina i lebara ma e notanotai da wei kerona e viviopidoriana, lamna ana rava tauna ina naiei pirisi Aaron bo natuna tagogi awarina. 3 Pirisi kero vioana ina inanai. Mepa da apara au kero e vivimairiana i arapoira ma dogona i ḡaira lamna opidoriana. Ma pirisi ina riwa da tauna eḡa aiaina Bada au matana.

45 —Rava aiai opidoriana i vaia, tauna gara wanasikasikana ina oteni, aparana eḡa ina jinai ma naona ina purui ma ina kwatu ina pa, ‘Tau eḡa aiaiu! Eḡa ona nei au ririvau!’ 46 Maranai doriana awarina e mamae lamna tauna anina miramirana, Tauna ainelana ina mae au tano.”