1  Bada, wenanare i babani Moses ma Aaron awarii au Egypt, 2  * Ai madeḡa iavana (Calenda) weka i vikarei“Marina da e nenai wei nawaravina lamna nawaravi tagogi ma weka ona vikarei da ami madeḡa ona iavi. 3 Ona vinolanola mai Israel anatapui awarii, ‘Au pom vi-10-na wei au nawaravina oroto tagotagogi ava sipu ḡaubona bo gote ḡaubona ina rautani ana numa ravai aubai. Ḡamoḡamo tagogi numa tagogi aubaina.’ 4 Mepa da numa tagogi ana rava i viruaḡa ma sia i rata guratana, lamna mae-turai maiteni sia ina ḡutai rava ai maḡa ma ai am ana au ruva nanare. 5 Ḡamoḡamo e rarautani lamna orotona ma ana madeḡa tagogi ma aiaina eḡa ana apoapoe aiwai. 6 Ona ḡamo-kauei da au pom vi-14-na wei au nawaravina. Ma maranai madeḡa e arearere, mai Israel anatapui ai ḡamoḡamo ina viraḡeni. 7 Metauna au numana sia e aniani kampa tara ina taraiḡui ma metaeta au tepana, au gabaurina ma au ririvana ina pasi-naiei. 8 Waguvaranaina tagogina taui siana ai moniana au tepana ina apui, ma palawa eḡa yist maiteni ma sipeni viviḡorai maiteni ina ani

12 —Wei waguvaraina, Tau Egypt ana naeni ma ḡamoḡamo da rava natuevoui ororotoi anatapui ana viraḡeni, ma Egypt ai god anatapui ana tuvaidoedoei. Tau Bada. 13 Wate tara au metaeta ina vimataira da taumi kampa o mamae. Ma maranai wei matairana ana inanai, ana raḡonimi. Ma eḡa aiwai apoapoena awarimi ina tupua maranai mai Egypt ana kovoḡi, 14 Wei torelana ona nota-nonoei madeḡana patapatana, da Tau Bada aiwai a kauei nuanuami eḡa melanai ina vuru. Ami epaepaia anatapui wei marana ina vivirei ai mara au anatapuna.”

15 “Au pom 7 au orana Palawa eḡa yist maiteni ona ani. Ma torela au karena, au numa yist anatapui ona tawanei. Aiai da palawa yist maiteni i apui ma i ani, wei ravana anina da mai Israel ai damei ona viopuni. 16 Au pom tagogi torela au karena ona vitagogiemi ma nanare torela au damona, ma Bada ona voepaepai ma ona viborumei. Wei au marai eḡa aiai ina nola dadana, Wate ami lam ava ona lauvoa.

17 —Taumi palawa eḡa yist maiteni torelana ona kauei da eḡa nuanuami ina vuru aubaina wei au marana, mai Israel au Egypt a taravaina-opunei. Am epaepaia wei torelana ina kaukauei madeḡana au patapatana.”

21 Ma Moses Israel dam nununai babadai i kwatuei ma i riwei, “Ona nae ma sipu bo gote natuna orotona ona vunui ma ami numa ravai maiteni Raḡona torelana ona ani. 22 Rugurugu ona turautuvi sipu au tarana au aboma ma ami numa metaetana au tepana ma au adana ona pasi. Ma eḡa aiai numa ina opu-tawanei da ubaubanai. 23 Ma waguvarai Bada Egypt anatapuna ina naeni ma mai Egypt ai natuevou ina viraḡeni. Wate maranai tara ina inanai metaeta au tepana ma au adana, Bada wei numana ina raḡoni ma iraḡe-anelana ina viḡaei da eḡa ina rui da ina viraḡenimi.

24-25 —Ma maranai Bada dobu i paripari-vainuaḡanimi ona ḡeta, taumi eḡa nuanuami ina vuru da madeḡana patapatana Raḡona torelana ona kaukauei. Taumi natunatumi maiteni wei tarawatuna ona vojijina-nonoei. 26 Maranai natunatumi ina paridadana, ‘Wei torelana anona aiwai?’ 27 Ma taumi ona paribelei, ‘Wei torelana lamna Raḡona viegualau pulona Bada awarina, aubaina wariaḡa au Egypt Bada mai Israel ai numa i raḡoni, ma mai Egypt ai natuevou i pupuni, ma tauai natunatuiai i voterei.” Ma mai Israel i mae-ḡaira au doa ma Bada i raudunelei. 28 Ma mai Israel i nae ma Bada aiwai Moses ma Aaron i riweia i kauei.

29 Waguvarai nubautuva Bada natuevou nelarai anatapui i viraḡeni au Egypt. Pharaoh natuna, ana epaia awarina i vikarei, ma i ḡaira da panipani ai natuevou nelarai awari. Ma ḡamoḡamo ororotoi natuevoui anatapui maiteni i pupuni. 30 Waguvara au pouna Pharaoh ma ana gabemani babada ma mai Egypt anatapui i vomairi. Numa tagotagogi ava au Egypt tevera tagogi i ʼraḡe, ma tou ma tarakwatu ḡaeḡaena i ḡae. 31  Pharaoh wei waguvaraina Moses ma Aaron ai riwa i paritawanei da i nei awarina ma i egari, “Ami rava mai Israel maiteni ona vomairi ma au dobu ona oputawanei! O vivibaḡei nanare ona nae ma ami Bada ona voepaepai! 32 Taumi ami ḡamoḡamo anatapui ona vaia ma ona opu, ona nae, wate ami God ona vibaḡai da ina viaiainiu.”

33 Mai Egypt anatapui mai Israel i egari da ina vipaparana ma Egypt ina opu-tawanei ma i riwa, “Mepa da eḡa ona nae tauai anatapuiai ana iraḡe.”

37 Mai Israel dobu Rameses i netawanei ma i babara-nae au Sukoth. Nelara anatapui 600,000 nanare, waivine ma roaroa eḡa ita iavi. 38 Patara ḡaeḡaena ḡelauna i vomairi mai Israel maiteni. Taui ḡamoḡamo boruna ḡaeḡaena maiteni i nae. 39 Maranai mai Egypt i viaḡaḡana-opunei taui eḡa ai tamaina ita vokaukauei ma laḡilaḡina i opu, taui palawa pasipasi nonoana eḡa yist maiteni i vaia ma palawa bagibagina i apui.

40  ✡ Gen 15:13Mai Israel madeḡa 430 i mae au Egypt.

43 Ma Bada Moses ma Aaron i riwei,