14  ✡ 1Sa 8:5“Maranai Bada ami God dobu e vereveremia o ruiruiana, ma o vaia, ma numa o voanaiei da o maeni. Ma ona riwa, ‘Dam ḡelaui ai gulau e mamae ma tauta menanare?’ 15 Ona inana-kauei da Bada ami dam nununai awariei ami gulau ina vinevinei, ma eḡa dobu ḡela ravai ona vinei. 16 Ma tauna eḡa ana horse maḡamaḡaui ina ḡamoi. Ma eḡa rava ina paritawanei au Egypt da horse ina gimarai. Aubaina Bada i riwa da natunatuna eḡa melanai ina naeme kampa. 17  ✡ 1Ki 11:1-8Ma gulau eḡa awawana ina maḡa, ma eḡa gold ma silver ina maurei da nuapouna ina vinua-raḡaraḡai. 18 Ma maranai i vigulau, tauna pirisi Levi ana damei maiteni ina kiala da nimanei tarawatu bukana ina giruma tauna aubaina. 19 Wei bukana au ririvana ina mae ma ina iava-nonoei ma lamnei Bada ina vivirei ma ana tarawatu ina vipatutuei. 20 Ma lamnei eḡa ina terepa-melei ma ana rava ina inana-ḡairei bo eḡa tarawatu ina mae-puputei ma ina deḡa au kelakelauna bo au oiena. Ma tauna ma ana epaepaia ina mae gulau au Israel da kimta maḡamaḡaui ina kwa.”