1 Ma Samuel olive monamonana wagina i vaia ma monamona i waḡi Saul au kolana. Ma i vigia-laḡolaḡonei ma i riwei, “Wei a kaukauei aubaina Bada i terem ana rava vinualaulaunai Israel ma vibadei. 2 Amadodo rava ruaḡa ma nebelei Rachel ana kokoaga au ririvana au Zelsah, Benjamin ana au dobu. Taui ina riwem, ‘Donkina o baibaiei i nelaḡai. Ma marina amam eḡa donkey ita baibaiei wate tam e vivinuabolem, e paripari-dadana, Menanare natu ana nelaḡanei.’

5 —Ma ona nae God ana au Gibeah ola aburuna, weka mai Philistia ai sorodia i rauḡaravu. Ma ona ruirui au taon ma Peroveta borui olei ina ḡaiḡairai. Taui gitar* Eng. lyre ma harp, tambourine ma duraio ina vikalokaloei ma Bada ana babani ina garagararei. 6  Bada Aruana Vivivireina ana rewapanana oram ina naeni da ina vibadem, ma taui maiteni Bada ana babani ona jimei. Ma oram ina ravivouni da tam me rava ḡela. 7 Maranai wei kauai i tupua, aiwai Bada e viviatataiem ma kauei.”

8 Samuel i riwa, “Tam ma vinao au Gilgal, ma kampa ana nebelem da ḡamoḡamo ana vunui ma taputapuna ana apui ma ḡamoḡamo ḡelaui ana apui viturana pulona. Wate kampa ma vipaipai aupom 7 da ana ḡetai ma riwa ḡelaui ana riwei.”

9 Ma Saul i mae-tavirei da i nenae ma God ana nota i ruini ma orana i ravivouni. Wei marana aiwai anatapuna Samuel i ririwei i tupua. 10 Maranai Saul ana taunola maiteni au ola Gibeah i ḡeta, peroveta borui i ʼnanai i nenei awarii. Anina ma God Aruana Saul i ruini ma i vibadei da tauna maiteni God ana babani i garagaraei. 11 Maranai ravai Saul i araramaneia Saul i ʼnanai peroveta au borui i jimajima taui orai i auepai ma ai rava i ririwei, “Riwa kaua bo aiwai i tupua Kish natuna awarina? Saul i viperoveta bo?”

12 Ma nai dobuna ravana i paribelei i pa, “Amana aiai lamna avena aubaina maraḡela ravarava ota e viviperoveta.” Anina ma wei babanina i mae kampa, “Moina riwa kaua da Saul peroveta?” 13 Ma Saul jima i voterei ma i ḡae au ola au dobu vivivireina.

14 Muriai maiana Saul ana taunola maiteni i nelaḡai ma i paridadanei i pa, “Mepa o nae?”

Saul i riwa, “Donkey a baibaiei ma a baiana-avei da a nae Samuel awarina da ata paridadanei ḡamoḡamoi mepa.”

15 Maiana i riwa i pa, “Ma riweu Samuel aiwai i riwem.”

16  Saul i paribelei, “I riwelai da donkina i nelaḡai.” Wate maiana eḡa ita riwei Samuel aiwai i riwei, da tauna ina vigulau Israel aubaii.

17 Muriai Samuel mai Israel anatapui i ḡorei da ita riei au Mispa da Bada riwana ita nonori. 18 Ma Samuel i riwa, “Bada Israel ai God wei e ririwemi, ‘Tau noinoimi mai Egypt vivirewapanai au urai a vaitawanei. Ma a neiaimi wei au dobuna ma nanare ami ḡavia au ririvami a vovaiubai. 19 Wate amadodo tau ami God o geduaiei, i kauana-guratei ami au nuabola ma ami au piripiri.’ Ma o riwa, ‘Eḡa! Tauai gulau a ḡoeḡoei da ina vibadelai! Lamna aubaina dam damai ona opui tau ami Bada au naou.”

20 Maranai Samuel damdamai i neiai Bada au naona ma Bada Benjamin ana dam i vinei. 21 Ma Benjamin ana dam i neiai au naona ma Bada Matri ana epaepaia i vinei ma kampa Bada Kish natuna Saul i vinei. Ma maranai i baibaiei tauna kampa eḡa. 22 Ma lamna aubaina i raupari Bada awarina, “Tauna mepa?”

Bada i paribelei, “Tauna kampa purapura au orai e raraugovaḡa.”

23 Taui i nae da i taravaini da i neiai, tauna rava aena manamanaina ma i mairi ma rava anatapui i votani. 24  Samuel rava anatapui i riwei, “Bada rava i tereriei da ami gulau, o inainai bo eḡa? Eḡa aiai ḡelauna au orata me wei orotona.” Ma rava anatapui i garara, “Gulau ana lawana ina manawa.”