48
48-küy •••• Zion — Xudaning shehiri
1 Neghmichilerning béshigha tapshurulup oqulsun dep, Korahning oghulliri üchün yézilghan küy: —
Ulughdur Perwerdigar,
Xudayimizning shehiride, Uning muqeddesliki turghan taghda,
U zor medhiyelerge layiqtur!
2 Égizlikidin körkem, Zion téghi,
Pütkül jahanning xursenlikidur;
Shimaliy terepliri güzeldur,
Büyük padishahning shehiridur!□ «Shimaliy terepliri güzeldur» — yene birxil terjimisi «Zafon téghi choqqiliridek güzeldur». Kona butpereslik riwayetliri boyiche, «Zafon téghi» dunyadiki eng égiz, eng muqeddes, eng ulugh jay idi. Mumkinchiliki barki, küy muellipi mushu yerde Zionni uninggha oxshitidu. ■ Mat. 5:35
3 Xuda qorghanlirida turidu,
Bu yerde U égiz panahgah dep tonulidu;
4 Mana, padishahlar yighildi,
Ular sheherni bésip ötüp, jem boldi.
5 Sheherni körüpla ular alaqzade boldi;
Dekke-dükkige chüshüp beder qéchishti.
6 U yerde ularni titrek basti,
Tolghaq yégen ayaldek ular azablandi;
7 Sen Tarshishtiki kémilerni sherq shamili bilen weyran qiliwetting.□ «Tarshishtiki kémiler» — bu ayet belkim bir bésharettur. Dunyadiki barliq padishahlar jem bolup Yérusalémgha hujum qilmaqchi. Ulargha Tarshishtiki kémilermu (kona zamanlarda eng küchlük kémiler) yardem béridu. Biraq Xuda Öz shehirini qoghdap ularni halak qilidu.
8 Quliqimiz anglighanni,
Samawi qoshunlarning Serdari bolghan Perwerdigarning shehiride,
Xudayimizning shehiride,
Biz hazir öz közimiz bilen shundaq körduq;
Xuda menggüge uni mustehkem qilidu.
Sélah.
9 Biz séning muqeddes ibadetxanang ichide turup, i Xuda,
Özgermes muhebbitingni séghinduq.
10 Naminggha layiqtur,
Jahanning chet-chetlirigiche yetküzülgen medhiyiliring, i Xuda;
Séning ong qolung heqqaniyliq bilen tolghan.
11 Séning adil hökümliringdin,
Zion téghi shadlan’ghay!
Yehuda qizliri xushal bolghay!□ «Yehuda qizliri xushal bolghay!» — «Yehuda qizliri» bu yerde Yehudaning sheher-yézilirini körsitidu.
12 Zion téghini aylinip méngip,
Etrapida seyli qilinglar;
Uning munarlirini sanap béqinglar;
13 Kéyinki ewladqa uni bayan qilish üchün,
Sépil-istihkamlirini köngül qoyup közitinglar,
Qorghanlirini közdin kechürünglar.
14 Chünki bu Xuda ebedil’ebed bizning Xudayimizdur;
U ömürwayet bizning yétekchimiz bolidu!
□48:2 «Shimaliy terepliri güzeldur» — yene birxil terjimisi «Zafon téghi choqqiliridek güzeldur». Kona butpereslik riwayetliri boyiche, «Zafon téghi» dunyadiki eng égiz, eng muqeddes, eng ulugh jay idi. Mumkinchiliki barki, küy muellipi mushu yerde Zionni uninggha oxshitidu.
□48:7 «Tarshishtiki kémiler» — bu ayet belkim bir bésharettur. Dunyadiki barliq padishahlar jem bolup Yérusalémgha hujum qilmaqchi. Ulargha Tarshishtiki kémilermu (kona zamanlarda eng küchlük kémiler) yardem béridu. Biraq Xuda Öz shehirini qoghdap ularni halak qilidu.
□48:11 «Yehuda qizliri xushal bolghay!» — «Yehuda qizliri» bu yerde Yehudaning sheher-yézilirini körsitidu.