7
Issakarning ewladliri
1 Issakarning oghulliri: — Tola, Puah, Yashub we Shimron dégen töteylen idi. 2 Tolaning oghulliri: — Uzzi, Réfaya, Yériyel, Yahmay, Yibsam we Samuildin ibaret, bularning hemmisi jemet béshi idi. Dawutning zamanida Tolaning adem sani nesebnamilerde yigirme ikki ming alte yüz batur jengchi dep xatirilen’gen.
3 Uzzining oghli Izraqiya idi, Izraqiyaning oghulliri Mikail, Obadiya, Yoél we Ishiya idi. Bu besheylenning hemmisi jemet béshi idi. 4 Nesebnamiler boyiche ular bilen bille hésablan’ghanlardin jenggiwar ottuz alte ming adem bar idi; chünki ularning xotun, bala-chaqiliri nahayiti köp idi.
5 Bularning Issakarning barliq jemetliri ichidiki batur jengchi qérindashliri bilen qoshulup, neseb boyiche tizimgha élin’ghan jemiy seksen yette ming adimi bar idi.
Binyaminning ewladliri
6 Binyaminning Béla, Beker we Yediyayel dégen üch oghli bar idi. 7 Bélaning Ézbon, Uzzi, Uzziel, Yerimot we Iri dégen besh oghli bolup, hemmisi jemet béshi idi; ularning nesebnamilirige tizimgha élin’ghan jemiy yigirme ikki ming ottuz töt batur jengchi bar idi.
8 Bekerning oghulliri Zémirah, Yoash, Eliézer, Elyoyinay, Omri, Yeremot, Abiya, Anatot we Alamet idi. Bularning hemmisi Bekerning oghulliri bolup, 9 Jemet bashliri idi; ularning nesebnamilirige tizimgha élin’ghan jemiy yigirme ming ikki yüz batur jengchi bar idi.
10 Yediyayelning oghli Bilhan idi; Bilhanning oghulliri Yeush, Binyamin, Exud, Kenaanah, Zétan, Tarshish we Axishahar idi; 11 Bularning hemmisi Yediyayelning ewladliri, jemet bashliri we batur jengchiler idi. Ularning nesebnamilirige tizimlan’ghanlarning jengge chiqilaydighanliri jemiy on yette ming ikki yüz idi. 12 Shuppiylar we Xuppiylar bolsa yene Irning ewladliri idi; Xushiylar Axerning ewladliri idi.□ «Axer» — yaki «Axiram» («Chöl.» 26:38ni körüng).
Naftalining ewladliri
13 Naftalining oghulliri: Yahziel, Guni, Yezer, Shallom; bularning hemmisi Bilhahning oghulliri idi.
Manassehning ewladliri
14 Manassehning oghulliri: — Uning Suriyelik toqilidin Asriel törelgen; uningdin yene Giléadning atisi Makir tughulghan. 15 Makir Shuppiylar we Xuppiylar arisidinmu ayal alghan (Makirning singlisining ismi Maakah idi). Makirning yene bir ewladining ismi Zelofihad idi, Zelofihadning peqet birnechche qizila bolghan. □ «Makirning singlisi» — ibraniy tilida «uning singlisi». «Makirning yene; bir ewladining ismi...» — ibraniy tilida «Ikkinchisining ismi ...» déyilidu. Perzimizche «ikkinchisi» mushu yerde «(uning) yene bir ewladi» dégen menide.
16 Makirning ayali Maakah oghul tughup, uninggha Peresh dep at qoyghan; Pereshning inisining ismi Sheresh idi; Shereshning oghli Ulam we Rakem idi. 17 Ulamning oghli Bédan idi. Bularning hemmisi Giléadning ewladliri; Giléad Makirning oghli, Makir Manassehning oghli idi.
18 Giléadning singlisi Hammolekettin Ishhod, Abiézer we Mahalah tughulghan. □ «Giléadning singlisi» — ibraniy tilida «uning singlisi». 19 Shémidaning oghulliri Axiyan, Shekem, Likxi we Aniam idi.
Efraimning ewladliri
20 Efraimning ewladliri: Uning oghli Shutilah, Shutilahning oghli Bered, Beredning oghli Tahat, Tahatning oghli Éliadah, Éliadahning oghli Tahat, 21 Tahatning oghli Zabad, Zabadning oghli Shutilah idi (Ézer bilen Éliad Gatliqlarning charwa mallirini bulang-talang qilghili chüshkende, shu yerlik Gatliqlar teripidin öltürülgen. 22 Ularning atisi Efraim bu baliliri üchün xéli künlergiche matem tutqachqa, uning buraderliri uninggha teselli bergili kelgen. 23 Efraim ayali bilen bille qayta bir yastuqqa bash qoyghan. Ayali hamilidar bolup, bir oghul tughqan; Efraim uninggha ailem bala-qazagha yoluqti dep, Bériyah dep isim qoyghan. □ «Bériyah» — Bériyahning menisi «bala-qaza» bilen baghliq. 24 Uning qizi Üstün Beyt-Horon bilen Töwen Beyt-Horonni we Uzzen-Sheerahni bina qilghan).
25 Bériyahning oghli Réfah bilen Reshef idi; Reshefning oghli Télah, Télahning oghli Tahan, □ «Bériyahning oghli» — ibraniy tilida «uning oghli». Bezi alimlar «uning» dégenni yuqiridiki Shutilahni körsitidu, dep qaraydu. «Bériyahning oghli Réfah bilen Reshef idi...» — yaki «Bériyahning oghli Réfah idi, Réfahning oghli Reshef idi...». 26 Tahanning oghli Ladan, Ladanning oghli Ammihud, Ammihudning oghli Elishama, 27 Elishamaning oghli Nun, Nunning oghli Yeshua idi.□ «Yeshua» — bu «Yeshua» Yeshua peyghemberdur (mushu yerde «Yehoshua» déyilidu).
Efraimlarning sheherliri
28 Efraimlarning zémini we makanlashqan yerliri Beyt-El we uninggha tewe yéza-kentler bolup, künchiqish teripide Naraan, künpétish teripide Gezer bilen uninggha tewe yéza-kentler; Shekem we uninggha tewe yéza-kentler, taki Gaza we uninggha tewe yéza-kentlergiche sozulatti. 29 Manasseh qebilisining zéminigha tutashqan yene Beyt-Shéan we uninggha tewe yéza-kentler; Taanaq we uninggha tewe yéza-kentler; Megiddo we uninggha tewe yéza-kentler; Dor we uninggha tewe yéza-kentlermu bar idi. Israilning oghli Yüsüpning ewladliri mana mushu yerlerge makanlashqanidi.
Ashirning ewladliri
30 Ashirning oghulliri: — Yimnah, Yishwah, Yishwi we Bériyah; ularning Sérah dégen singlisimu bar idi. 31 Bériyahning oghli Xeber bilen Malkiel bolup, Malkiel Birzawitning atisi idi. 32 Xéberdin Yaflet, Shomer, Xotam we ularning singlisi Shuya törelgen.
33 Yafletning oghulliri Pasaq, Bimhal we Ashwat; bular Yafletning oghulliri idi. 34 Shemerning oghulliri Axi, Rohgah, Xubbah we Aram idi. □ «Shemer» — bu Shemer shübhisizki 32-ayettiki «Shomer»ning wariyanti. «Shemerning oghulliri Axi, Rohgah...» — bashqa birxil terjimisi: «uning inisi Shemerning oghulliri Rohgah,...». 35 Shemerning inisi Helemning oghli Zofah, Yimna, Shelesh we Amal idi; 36 Zofahning oghli Suah, Harnefer, Shual, Béri, Imrah, 37 Bézer, Xod, Shamma, Shilshah, Itran we Beerah idi. □ «Itran» — belkim «Yeter»ning bashqa bir shekli bolushi mumkin (38-ayetni körüng). 38 Yeterning oghulliri Yefunneh, Pispah we Ara idi. 39 Ullaning oghulliri Arah, Xanniel we Riziya idi. 40 Bularning hemmisi Ashirning ewladliri bolup, her qaysisi jemet bashliri, alamet batur jengchiler, yolbashchilar idi; ularning jemetliri boyiche nesebnamige tizimlan’ghanda, jengge chiqilaydighanliri jemiy yigirme alte ming idi.
□7:12 «Axer» — yaki «Axiram» («Chöl.» 26:38ni körüng).
□7:15 «Makirning singlisi» — ibraniy tilida «uning singlisi». «Makirning yene; bir ewladining ismi...» — ibraniy tilida «Ikkinchisining ismi ...» déyilidu. Perzimizche «ikkinchisi» mushu yerde «(uning) yene bir ewladi» dégen menide.
□7:18 «Giléadning singlisi» — ibraniy tilida «uning singlisi».
□7:23 «Bériyah» — Bériyahning menisi «bala-qaza» bilen baghliq.
□7:25 «Bériyahning oghli» — ibraniy tilida «uning oghli». Bezi alimlar «uning» dégenni yuqiridiki Shutilahni körsitidu, dep qaraydu. «Bériyahning oghli Réfah bilen Reshef idi...» — yaki «Bériyahning oghli Réfah idi, Réfahning oghli Reshef idi...».
□7:27 «Yeshua» — bu «Yeshua» Yeshua peyghemberdur (mushu yerde «Yehoshua» déyilidu).
□7:34 «Shemer» — bu Shemer shübhisizki 32-ayettiki «Shomer»ning wariyanti. «Shemerning oghulliri Axi, Rohgah...» — bashqa birxil terjimisi: «uning inisi Shemerning oghulliri Rohgah,...».
□7:37 «Itran» — belkim «Yeter»ning bashqa bir shekli bolushi mumkin (38-ayetni körüng).