115
115-küy •••• Butlarƣa qoⱪunƣanlar ⱨǝm Hudaƣa ibadǝt ⱪilƣanlar
1 Bizgǝ ǝmǝs, i Pǝrwǝrdigar, bizgǝ ǝmǝs —
Ɵzgǝrmǝs muⱨǝbbiting üqün, ⱨǝⱪiⱪǝt-sadaⱪiting üqün,
Ɵz namingƣa xan-xǝrǝp kǝltürgǝysǝn.
2 Əllǝr nemixⱪa «Ularning Hudasi ⱪǝyǝrdǝ?» dǝp mazaⱪ ⱪilixidu?
3 Biraⱪ Hudayimiz bolsa ǝrxlǝrdidur;
Nemini halisa, U xuni ⱪilƣandur.
4 Ularning butliri bolsa pǝⱪǝt kümüx-altundin ibarǝt,
Insanning ⱪolliri yasiƣinidur, halas.
5 Ularning aƣzi bar, biraⱪ sɵzliyǝlmǝydu;
Kɵzliri bar, kɵrmǝydu;■ Ⱪan. 4:28; Yǝr. 10:3, 4, 5, 9-16
6 Ⱪulaⱪliri bar, anglimaydu,
Burni bar, puriyalmaydu;
7 Ⱪolliri bar, siliyalmaydu;
Putliri bar, mangalmaydu;
Kaniyidin ⱨeqbir sada qiⱪarmaydu.
8 Ularni yasiƣanlar ularƣa ohxaxtur,
Ularƣa tayanƣanlarmu xundaⱪtur.
9 I Israil, Pǝrwǝrdigarƣa tayininglar;
U silǝrgǝ yardǝm ⱪilƣuqinglar ⱨǝm ⱪalⱪininglardur.
10 I Ⱨarun jǝmǝti, Pǝrwǝrdigarƣa tayininglar;
U silǝrgǝ yardǝm ⱪilƣuqi ⱨǝm silǝrning ⱪalⱪininglardur.□ «U silǝrgǝ yardǝm ⱪilƣuqi ⱨǝm silǝrning ⱪalⱪininglardur» — ibraniy tilida «U ularƣa yardǝm ⱪilƣuqi ⱨǝm ularning ⱪalⱪininglardur» deyilidu. 10-11-ayǝtlǝrdimu xundaⱪ.
11 Pǝrdǝrdigardin ǝyminidiƣanlar, Pǝrwǝrdigarƣa tayininglar;
U silǝrgǝ yardǝm ⱪilƣuqi ⱨǝm ⱪalⱪininglardur.
12 Pǝrwǝrdigar bizni ǝslǝp kǝldi;
U bǝht ata ⱪilidu;
U Israil jǝmǝtigǝ bǝht ata ⱪilidu;
U Ⱨarun jǝmǝtigǝ bǝht ata ⱪilidu;
13 Pǝrwǝrdigardin ǝyminidiƣanlarƣa,
Qongliri ⱨǝm kiqiklirigimu bǝht ata ⱪilidu.
14 Pǝrwǝrdigar silǝrgǝ ⱪoxlap beridu,
Silǝrgǝ ⱨǝm pǝrzǝntliringlarƣa;
15 Silǝrgǝ Pǝrwǝrdigar tǝripidin bǝht ata ⱪilinƣan,
Asman-zeminni Yaratⱪuqidin bǝrikǝtlǝngǝn!
16 Asmanlar bolsa Pǝrwǝrdigarning asmanliridur;
Biraⱪ zeminni bolsa insan baliliriƣa tapxurƣandur.
17 Ɵlüklǝr Yaⱨni mǝdⱨiyiliyǝlmǝydu,
Süküt diyariƣa qüxüp kǝtkǝnlǝrmu xundaⱪ;
18 Biraⱪ bizlǝr ⱨazirdin baxlap Yaⱨⱪa ǝbǝdil’ǝbǝdgiqǝ tǝxǝkkür-mǝdⱨiyǝ ⱪayturimiz!
Ⱨǝmdusana!
■115:5 Ⱪan. 4:28; Yǝr. 10:3, 4, 5, 9-16
□115:10 «U silǝrgǝ yardǝm ⱪilƣuqi ⱨǝm silǝrning ⱪalⱪininglardur» — ibraniy tilida «U ularƣa yardǝm ⱪilƣuqi ⱨǝm ularning ⱪalⱪininglardur» deyilidu. 10-11-ayǝtlǝrdimu xundaⱪ.