13
Musaning Ⱪanaanni qarlap kelixkǝ on ikki qarliƣuqi ǝwǝtixi
1 Pǝrwǝrdigar Musaƣa sɵz ⱪilip: —
2 Mǝn Israillarƣa miras ⱪilip bǝrgǝn Ⱪanaan zeminini qarlap kelixkǝ adǝmlǝrni ǝwǝtkin; ⱨǝrbir ata jǝmǝtkǝ tǝwǝ ⱪǝbilidin birdin adǝm qiⱪirilsun, ular ɵz ⱪǝbilisidiki ǝmir bolsun, — dedi. 3 Musa Pǝrwǝrdigarning ǝmri boyiqǝ, ularni Paran qɵlidin yolƣa saldi; ularning ⱨǝmmisi Israillarning baxliri idi.
4 Tɵwǝndikilǝr ularning isimliri: — Rubǝn ⱪǝbilisidin Zakkurning oƣli Xammuya, 5 Ximeon ⱪǝbilisidin Horining oƣli Xafat, 6 Yǝⱨuda ⱪǝbilisidin Yǝfunnǝⱨning oƣli Kalǝb, 7 Issakar ⱪǝbilisidin Yüsüpning oƣli Igal, 8 Əfraim ⱪǝbilisidin Nunning oƣli Ⱨoxiya, 9 Binyamin ⱪǝbilisidin Rafuning oƣli Palti, 10 Zǝbulun ⱪǝbilisidin Sodining oƣli Gaddiyǝl, 11 Yüsüp ⱪǝbilisidin, yǝni Manassǝⱨ ⱪǝbilisidin Susining oƣli Gaddi, 12 Dan ⱪǝbilisidin Gimallining oƣli Ammiyǝl, 13 Axir ⱪǝbilisidin Mikailning oƣli Sǝtur, 14 Naftali ⱪǝbilisidin Wofsining oƣli Naⱨbi, 15 Gad ⱪǝbilisidin Makining oƣli Geuǝl. 16 Mana bular Musa qarlap kelinglar dǝp Ⱪanaan zeminiƣa ǝwǝtkǝn adǝmlǝrning ismi. Musa Nunning oƣli Ⱨoxiyani Yǝⱨoxuya dǝp atidi.□ «Ⱨoxiya» — ibraniy tilida «u ⱪutⱪuzidu», «Yǝⱨoxua» — «Pǝrwǝrdigar (Yaⱨwǝⱨ) ⱪutⱪuzidu» degǝn mǝnidǝ. «Əysa» ibraniy tilida dǝl xu isimdur.
17 Musa ularni qarlap kelixkǝ Ⱪanaanƣa sǝpǝrwǝr ⱪilip: — Silǝr muxu yǝrdin Nǝgǝw qɵli tǝrǝpkǝ ⱪarap menginglar, andin taƣliⱪ rayonƣa qiⱪinglar.□ «Nǝgǝw qɵli» — «Nǝgǝw» degǝn qɵl Pǝlǝstinning jǝnubi tǝripidǝ bolup, muxu yǝrdǝ wǝ kɵp baxⱪa yǝrlǝrdǝ «jǝnub»ni bildüridu. 18 U yǝrning ⱪandaⱪ ikǝnlikini, u yǝrdikilǝrning küqlük-ajizliⱪini, az yaki kɵplükini kɵrüp beⱪinglar; 19 ular turuwatⱪan yǝrning ⱪandaⱪ ikǝnlikini, yahxi-yamanliⱪini kɵrünglar; ular turuwatⱪan xǝⱨǝrlǝrning ⱪandaⱪ ikǝnlikini, bargaⱨliⱪ xǝⱨǝr yaki sepil-ⱪǝlǝlik xǝⱨǝr ikǝnlikini; 20 u yǝrning munbǝt yaki munbǝtsiz ikǝnlikini, dǝl-dǝrǝhlirining bar-yoⱪluⱪini kɵrüp kelinglar. Yürǝklikrǝk bolup, mewǝ-qiwiliridin alƣaq kelinglar, — dedi.
Bu qaƣ dǝl üzüm pixip ⱪalƣan waⱪit idi. 21 Ular xu tǝrǝplǝrgǝ qiⱪip, zeminni Zin qɵlidin tartip taki Ⱨamat eƣizining yenidiki Rǝⱨobⱪiqǝ berip qarlaxti. 22 Ular jǝnub tǝrǝptǝ Ⱨebronƣa bardi, u yǝrlǝrdǝ Anaⱪiylarning ǝwladliridin Aⱨiman, Xixay, Talmay degǝnlǝr olturuxluⱪ idi. Əslidǝ Ⱨebron xǝⱨiri Misirdiki Zoan xǝⱨiridin yǝttǝ yil ilgiri yasalƣanidi.□ «jǝnub» — iIbraniy tilida «Nǝgǝw». 23 Ular «Əxkol jilƣisi»ƣa kǝldi, u yǝrdǝ bir sap üzümi bar bir üzüm xehini kesip, bir baldaⱪⱪa esip ikki adǝmgǝ kɵtürgüzüp mangdi; ular azraⱪ anar bilǝn ǝnjürmu elip ⱪaytip kǝldi.□ «Əxkol» — mǝnisi «üzümlǝr». 24 Israillar xu yǝrdǝ kesiwalƣan ǝxu üzüm sǝwǝbidin u yǝr «Əxkol jilƣisi» («üzüm sapiⱪi jilƣisi») dǝp ataldi.
25 Ular ⱪiriⱪ kündin keyin u yǝrlǝrni qarlap tügitip, ⱪaytip kǝldi.
Qarliƣuqilarning mǝlumati
26 Ular kelip, Paran qɵllükidiki Ⱪadǝxtǝ Musa, Ⱨarun wǝ pütün Israil jamaiti bilǝn kɵrüxti. Ular ikkiylǝngǝ ⱨǝm pütkül Israil jamaitigǝ mǝlumat bǝrdi ⱨǝm zeminning mewilirini ularƣa kɵrsǝtti. 27 Ular Musaƣa mǝlumat berip: —
Biz ɵzliri beringlar degǝn yǝrlǝrgǝ barduⱪ, rasttinla süt bilǝn ⱨǝsǝl eⱪip turidiƣan yǝr ikǝn, mana bular xu yǝrning mewiliri.■ Mis. 3:8; 33:3 28 Biraⱪ u yǝrdikilǝr bǝk küqtünggür ikǝn, xǝⱨǝrlǝr sepilliⱪ bolup ⱨǝm puhta-ⱨǝywǝtlik ikǝn. Uning üstigǝ, biz u yǝrdǝ Anaⱪiylarning ǝwladlirinimu kɵrduⱪ. 29 Amalǝklǝr jǝnub tǝrǝptǝ turidikǝn; Ⱨittiylar, Yǝbusiylar, Amoriylar taƣlarda turidikǝn; Ⱪanaaniylar dengiz boylirida wǝ Iordan dǝryasi boylirida turidikǝn, — dedi.
30 Kalǝb Musaning aldida kɵpqilikni tinqitip: —
Biz dǝrⱨal atlinip berip u yǝrni igilǝyli! Qünki biz qoⱪum ƣalip kelimiz — dedi.
31 Lekin uning bilǝn billǝ qiⱪⱪan baxⱪilar bolsa: —
Ular bizdin küqlük ikǝn, xunga ularƣa ⱨujum ⱪilsaⱪ bolmaydu, — deyixti. 32 Andin qarliƣuqilar ɵzliri qarlap kǝlgǝn zeminning ǝⱨwalidin Israillarƣa yaman mǝlumat berip:
— Biz kirip qarlap ɵtkǝn zemin bolsa ɵz aⱨalisini yǝydiƣan zemin ikǝn; biz u yǝrdǝ kɵrgǝnlǝrning ⱨǝmmisi yoƣan adǝmlǝr ikǝn. 33 Biz u yǝrlǝrdǝ «Nǝfiliylǝr» degǝn gigant adǝmlǝrni kɵrduⱪ (dǝrwǝⱪǝ Anaⱪiylarning ǝwladliri Nǝfiliylǝrdin qiⱪⱪandur); biz ɵzimizgǝ ⱪarisaⱪ qekǝtkidǝk turidikǝnmiz, biz ularƣimu xundaⱪ kɵrinidikǝnmiz, — dedi.□ «Nǝfiliylǝr» — topandin ilgiri pǝyda bolƣan gigantlar idi. Ⱨǝmmisi topanda yoⱪitilƣan bolƣaqⱪa, qarliƣuqilarning xu gepi pǝⱪǝt ɵzlirining toⱪuƣan ǝpsaniliri, halas. Gǝrqǝ «Anaⱪiylar»mu gigantlar bolsimu («Ⱪan.» 9:1-2ni kɵrüng), ularning «Nǝfiliylǝr» bilǝn ⱨeqⱪandaⱪ munasiwiti yoⱪ idi.
Ⱨalbuki, roⱨiy jǝⱨǝttin bu gigantlarning «Nǝfiliylǝr»ning ǝslidiki kelip qiⱪixi bilǝn munasiwiti boluxi mumkin («Yar.» 6:1-4).
Ⱨalbuki, roⱨiy jǝⱨǝttin bu gigantlarning «Nǝfiliylǝr»ning ǝslidiki kelip qiⱪixi bilǝn munasiwiti boluxi mumkin («Yar.» 6:1-4).
□13:16 «Ⱨoxiya» — ibraniy tilida «u ⱪutⱪuzidu», «Yǝⱨoxua» — «Pǝrwǝrdigar (Yaⱨwǝⱨ) ⱪutⱪuzidu» degǝn mǝnidǝ. «Əysa» ibraniy tilida dǝl xu isimdur.
□13:17 «Nǝgǝw qɵli» — «Nǝgǝw» degǝn qɵl Pǝlǝstinning jǝnubi tǝripidǝ bolup, muxu yǝrdǝ wǝ kɵp baxⱪa yǝrlǝrdǝ «jǝnub»ni bildüridu.
□13:22 «jǝnub» — iIbraniy tilida «Nǝgǝw».
□13:23 «Əxkol» — mǝnisi «üzümlǝr».
□13:33 «Nǝfiliylǝr» — topandin ilgiri pǝyda bolƣan gigantlar idi. Ⱨǝmmisi topanda yoⱪitilƣan bolƣaqⱪa, qarliƣuqilarning xu gepi pǝⱪǝt ɵzlirining toⱪuƣan ǝpsaniliri, halas. Gǝrqǝ «Anaⱪiylar»mu gigantlar bolsimu («Ⱪan.» 9:1-2ni kɵrüng), ularning «Nǝfiliylǝr» bilǝn ⱨeqⱪandaⱪ munasiwiti yoⱪ idi. Ⱨalbuki, roⱨiy jǝⱨǝttin bu gigantlarning «Nǝfiliylǝr»ning ǝslidiki kelip qiⱪixi bilǝn munasiwiti boluxi mumkin («Yar.» 6:1-4).