KOLOSIITE
Suh Pool Ih Raang Arah Le
Ephangjatjih
Pool ih Kolosiite Chaas ni le maat raangta ah langla Ephisas samthung Esia Minor saanop ko hadaang adi angta. Erah Chaas ah Pool ih dongsiit arah bah tah angta, ang abah uh erah rum dowa Chaas loong ah heh ih sokboi jih angta, erah thoi heh ih Ephisas hadaang Room hate juungkhuung Esia hah dowa mootkaatte loong daapkaatta. Tumeah, Pool ih Kolosi Chaas ni tiit huung nyootte loong eje ih jat eta, neng ih amiisak Rangte ah jat suh nyia khopiiroidong ah chosuh bah o ih ang abah uh “Chiiala lam phansiitte nyia nengchaan nengphaan ah soomtu jaatjaat etheng ih nyoot rum arah ah ban jat eta. Erah damdi uh, erah enyootte loong rah ih amah nep ih baat rumta tih, o ih ang abah uh, seng banlam jun ih khoopkhan nyia phak asat banlam loong ah ekap jaatjaat etheng eah.
Pool ih erah loong tiit ah daan ano amiisak Kristaan tiit ah huk baattaan suh ih maat raangta. Heh ih ngaakbaatta tiit ah langla, Jisu Kristo ih ba khopiiroidong ah jen koh ah, jaat hoh banlam tiit loong ah ih bah Jisu jiin nawa emoong lamko ih kiisiit ah. Jisu Kristo jun ih bah Rangte ih Mongrep ah dongsiitta nyia heh thung jun ih heh jiinko we jen ngaaktoon ah. Kristo damdoh roop ano luulu ba mongrep raangtaan ih khopiiroidong ah chosuh laalom je ah. Pool ih hanpiite loong mina suh erah elongthoon tiit ah huk renbaat korumha. Pool jiin nawa Kolosiite suh arah le huikaatte wah Tiichikas damdi kaatte wah Onismas heh mendi Pool ih le maat kaatta wah ah Philimoon dah angta.
Hemong Dowa Jatjih
Ephangjatjih(1:1-8)
Kristo mootkaat nyia heh jojang tiit(1:9—2:19)
Kristo damdoh ena roidong tiit(2:20—4:6)
Hethoonhemat(4:7-18)
1
1 Pool Rangte thungpun jun ih Jisu Kristo kaamwah ih danjeeta nyia seng phono Timothi jiin nawa arah le ah—
2 Kolosi nawa Rangte mina, marah Kristo damdi roong roopte seng mongnook joon awaan loong asuh:
Seng loong wah Rangte ih sen suh tenthet nyia semroongroong ah toom kohan.
Lakookmi rangsoom
3 Seng ih sen suh rangsoom koh idi Teesu Jisu Kristo Wah, seng Rangte suh saarookwih lakookmi kali ih. 4 Tumeah seng ih, sen loong Jisu Kristo suh tuungmaang anrah nyia Rangte mina loong damdi minchan ih tongtha an rah ejap chaat etti. 5 Maatokdi sen jiinni amiisak tiit nyia Ruurang Ese ah phang thok taha adi, sen ih laalom thaang ah echojih eje ih chaattan. Erah thoih sen hanpi nyia minchan ah sen marah suh laalom lan erah di jeela, eno erah rangmong ni sen suh punpiipi ih banthiin kohalan. 6 Rangte tiitkhaap adi romseetam ah banje ruh ela, Heh minchan ah ephang di sengdung ni japchaat ano amiimi boh angka ih jattan ah likhiik mongrep ni jaatjaang ruh ih kala. 7 1:7 Kol 4:12; Phm 23Sen ih Rangte minchan ah Kristo laksuh seng* 1:7 SengMararah leedap adi raangha Sen loong dakbi ih mootkaatte, seng joonwah Epapras jiinko nawa japchaat tan. 8 Heh ih sen suh Esa Chiiala ih minchan tumjaat kotahan erah tiit ah baat et tahe.
9 Erah raangtaan ih seng ih sen tiit japchaatti dowa ih sen suh saarookwih rangsoom kohi. Rangte thung atak jun ih ejat esam toom ang an nyia jaatrep doh mongwah maakwah nyia thungse takmi ah Esa Chiiala ih toom kohan ih seng ih Rangte dowa suhi. 10 Eno ba, sen ah Teesu ih jamha jun doh tongsong an nyia saarookwih heh tenroonjih ih re an. Sen roidong doh jaatrep eseejih loong ah sen reeraang pakna nah dong tiikngook anrah je ah, erah dam ih sen ah Rangte thung atak jun doh hak an. 11-12 Sen loong asuh hechaan hephaan nah rongkopkop tah apah toom kohan, eno ba sen ih jaatrep ah ese lam ih ejen naan et an. Eno Rangte suh tenroon lam ih lakookmi li an, tumeah Rangte ih heh mina loong raangtaan ih weephaak hasong ban thiinha adi sen uh ejen roong chowang ejih ih hoonkoh halan. 13 Heh ih seng ah laamang chaan aphaan ih pan tahe dowa dok pang heeno, heh Sah hasong adi punpiipi ih thoksiit hali, 14 1:14 Eph 1:7 heh sih janhaatta thoi ih ba seng ah pongwan angli, erah langla seng rangdah loong ah biin anaan hali.
Kristo roidong nyia mootkaat
15 Kristo ah miktup di mik ih latupke Rangte ah likhiik. Heh ah miwah Sah phangkhothoon ih tup arah, jaatrep dongsiitta dowa o nang ih uh elongthoon. 16 Tumeah, heh dowa ih ba Rangte ih rang nyia hah dowa jaatrep ah dongsiitta, miktup nyia mik ih latupke hukkhaak loong ah dongsiit eta, erah damdi chiilala chaan aphaan loong, teesu loong, phansiitte loong nyia ngoong awang loong ah dongsiitta. Rangte ih arah mongrep ah heh dowa ih nyia heh raangtaan ih dongsiitta. 17 Kristo ah jaatrep hukkhaak loong maang dong di dook eje angta, eno heh dowa ih ba jaatrep ah phanjangjang ih marah doh angtheng ah erah di dong hoonta. 18 1:18 Eph 1:22,23 Kristo ah heteewah sak adi khoroopthoon angta, erah ah Chaas; heh ah sakpuh asuh roidong kotte. Heh ah phangkhothoon ih tup arah Sah phokhoh, tek nawa ngaakthingte warah ah, erah thoih ih jaatrep hukkhaak nganah heh ju ba ngakhothoon angjih. 19 Tumeah heh Sah rah Rangte dang ajang likhiik angtheng ih, Rangte heteewah kaanthot jun ih angta. 20 1:20 Eph 2:16 Erah lidi, Rangte ih mongrep thoontang ah heh teewah jiinko heh Sah jun ih ngaak siitwan suh kaanthotta. Rangte ih heh Sah ah semroongroong raangtaan ih bangphak ni heh sih † 1:20 heh Sah sih; or heh Sah tekthoih janhaat thuk ano rangmong nyia hatoh nawa jaatrep loong ah heh jiinko ih ngaaksiit rumta.
21 Pootsiit bah sen loong ah Rangte piiara ang anno heh jiin nawa haloot ni angtan, tumeah sen ih ethih tenthun nyia ethih reeraang re thoidi ah. 22 Enoothong amadi, hansi ni heh Sah ah tek haat thoi ba, Rangte ih heh joonte ih hoon halan, tumeah heh ih sen ah heh jiinnah esa, saachamcham, nyia emoong muh, ih ngaaksiit suh thun halan. 23 Erah thoih sen ah, rongkopkop nyia amiisak tuungmaang nah ban tongruh jaatjaat ejih, eno sen ih ruurangese japchaat han dowa ih sen teeteewah erah laalom lan dowa lakah lengli theng ih tong an. Erah ah juuba Rangte tiitkhaap, ngah Pool, heh laksuh ih hoonlang—arah Rangte tiit ah mongrep noongrepwih ni jaatjaang tumbaat kaatte wah ah.
Pool ah chaas ni laksuh ih mota
24 Amadi, ngah sen raangtaan ih chamnaang lang asuh eroon elang, tumeah, ngah hansi ni chamnaang lang ah langla, Jisu Kristo ih heh Sakpuh, Chaas, ah raangtaan ih mathan we boot chamjih angta rah ngah ih roongthoon hui hang. 25 Ngah ah Rangte ih Chaas laksuh ih hoon halang, arah mootkaat ah sen loong ese raangtaan ih moh thuk halang. Arah mootkaat ah langla heh tiitkhaap ah laanlang ruh ih tumbaat jih, 26 husah tiitkhaap teewah dowa ih dook mina roirep suh labaat thang ih huthiinta rah, heh mina loong suh amadi dongjat thuk ha. 27 Rangte kaankoong ah langla heh mina loong suh husah tiitkhaap ah jatthuk suh angta, erah husah tiit ah rapne changteng tiit nyia chaan aphaan tiit heh mina loongtang raang ih angta. Eno Kristo sen damdi ang hala ajuuba husah tiit, erah langla sen ah Rangte chaan aphaan adoh roong chophaak an. 28 Erah thoih seng ih Kristo tiit ah mirep suh tumbaat hi. Seng ih hethung hetak jun ih heh tiit ah choophaan baat hi nyia nyootsoot hi, warep ah Rangte pandoh thungsek taklek Kristo damdoh roop lam ih thoksiit suh ah. 29 Erah jen re suh ngaatah ngaapah Kristo ih mathan kohalang erathan ih sapreelang nyia chamnaang lang, eno erah chaan aphaan nawa ih juuba nga roidong ni moh ra hala.