1 Ngɛ Yeésu waadáŋmátɩ wɛ na tɔm‑gɛɛzɩrɛ sɩsɩ: 2 «Wenbí bɛ́ngɛɛzɩ́náa nɛ́ nɖɔ́: Wúro naárʊ waayaa ná ɖíína ibiyaalʊ́‑dɛ́ɛ hiije‑rɔ. 3 Ngɛ weedíri ɩdɛ́ɛ bɔwʊtá‑dɩnáa sɩsɩ bóbo bakáyaa wenbá bayáa wɛ ɖíína nɛ́. Amá bɛlɛ́ beegízi kɔnɖɛ́. 4 Ngɛ weedétíri bɔwʊtá‑dɩnáa kɩ́faláa sɩsɩ bóbo befééri wenbá bayáa wɛ nɛ́ sɩsɩ: "Máágbɩ́ɩ́rɩ kíɖíím, máágʊ́ mɛ́dɛ́ɛ náánɩ abaaláa na mávʊ́ńdɩ kpɩná ajɔɔ́ɔ núm nɛ́. Bɩrɩ́ŋa biizúluki. Ɩgɔ́nɩ hiije‑dɛ́ɛ ɖíína." 5 Amá bɛlɛ́ badatáńbɩsɩná laakáarɩ. Báa weení wɛɛɖɛ́ɛ gɛ ɩnɩɩná ɩdɩ. Nɛbɛ́rɛ wɛɛɖɛ́ɛ bɔvɔɔ́‑daá, nɛbɛ́rɛ ɩɖɛ́ɛ bɛdɛ́ɛ kɩyakʊ. 6 Nɛbɛ́rɛ bɛlɛ́ beegbí bɔwʊtá‑dɩnáa banáázɩ wɛ bɩka bakʊ wɛ. 7 Wúro wɛɛyɛ́ɛ baaná, ngɛ weedíri ɩdɛ́ɛ sɔ́ɔ́jawá bakágʊ́ ɩráa‑gʊ́ʊ́ráa bɛḿ, bɩka beɖéézi bɛdɛ́ɛ tɛ́ɛ́dɩ nimíni. 8 Ngɛ wɔɔdɔ́ ɩdɛ́ɛ bɔwʊtá‑dɩnáa sɩsɩ: "Hiije‑dɛ́ɛ ɖíína waagbɩ́ɩ́rɩ, amá wenbá baayáa wɛ ɖíi nɛ́, badatála beɖi kɩ. 9 Bɩlɛ́ nɛ́, ibó nɩ́báadará ɩkáyaa wenbá rɩ́ŋa sɩ ɩna wɛ nɛ́ sɩsɩ bɔ́kɔnɩ beɖi hiije‑dɛ́ɛ ɖíína." 10 Ngɛ ɩdɛ́ɛ bɔwʊtá‑dɩnáa waalɩ́ɩ nɩ́báánɩ‑daá botúúzi wenbá rɩ́ŋa baana nɛ́, kazɔ́ɔ ńba na badaavé nɛ́. Ngɛ ɩráa woozu hiije ɖaána‑daá.

11 Wúro waagázʊʊ sɩ ɩbɛ́ɛ́m wenbá baagáyaa wɛ nɛ́, ngɛ waana ɩrʊ́ naárʊ badaá; ɩlɛ́ idosúu hiije tóko. 12 Ngɛ wɔɔdɔ́ yɩ sɩsɩ: "Mɔɖɔndɩ, nŋɩ́nɩ́ gɛ nyáálá ngázʊʊ cé bɩka nyɛ́vɛ́yɩ́na hiije tóko?" Ɩrʊ́ ceení tana kɩ́tɔ́ḿtɩ. 13 Ngɛ wúro wɔɔdɔ́ ɩdɛ́ɛ bɔwʊtá‑dɩnáa sɩsɩ: "Ɩvɔ́kɩ ɩnʊ́ʊ́zɩ na ɩnʊvɔ́ ɩkpɔ́ɔ yɩ ɩlɔ temeenuú‑dáa asʊ. Ńna gɛ wénwií ɩlá mányɩ lé." 14 Toovonúm, ɩráa ɖabata gɛ baayáa, amá cʊ́kɔ gɛ sɩ balɩzɩ́.»

15 Ńna gɛ woobó bakála sááwʊ́ra nŋɩ́nɩ́ bayɩ́ Yeésu nɔɔ́‑jɔ́ na ɩŋmátɩ na bobúu yɩ kɔdɔká nɛ́. 16 Ngɛ beedíri bɛdɛ́ɛ na Eróódi‑dɛ́ɛ ‑daá ɩráa sɩsɩ bóbo befééri Yeésu sɩsɩ: «Kʊ́bɔnɩ́, ɖányɩ sɩsɩ toovonúm gɛ nyánŋmatɩ́ bɩka nyánwɩlɩ́ɩ Ɩsɔ́ɔ‑dɛ́ɛ nɩ́bááwʊ na toovonúm, ngʊ́ bɩlɛ́ gɛ ńdánnɩɩ naárʊ nɩndáárɛ bɩka ndɛ́nbɛɛmná ɩrʊ́ ɩzá‑daá na nŋmátɩ. 17 Bɩlɛ́ nɛ́, feeri ɖáa wentí nyánmaazɩ́ tɔ́m tɩna tɩrɔ nɛ́: "Bɩɩva nɩ́bááwʊ yáá bɩdafa sɩsɩ ɖɩ́fɛrɛ Róóma wúro kʊ́bɔnɩ́ lampóo?" 18 Amá Yeésu nyɩ bɛdɛ́ɛ lɔ́nɩ‑rɔ nɛ́, ngɛ sɩsɩ: «Munáávikíwá bana! Wé‑rɔ gɛ mɩ́nÿɩ́m ma kɔdɔká? 19 Ɩwɩ́lɩ ma lideé mɩ́nvɛrɛnáa lampóo nɛ́.» Ngɛ baawɩ́lɩ yɩ lideé jɩtɔ́ɔ kʊ́ɖʊmʊ́ʊ. 20 Ngɛ Yeésu wɔɔbɔ́ɔ́zɩ wɛ sɩsɩ: «Weení kʊjʊʊ́ na yɩ́ɖɛ gɛ kʊrɔ?» 21 Ngɛ boobúsi yɩ sɩsɩ: «Róóma wúro kʊ́bɔnɩ́ gɛ.» Ńna gɛ Yeésu wɔɔdɔ́ wɛ sɩsɩ: «Ijéle Róóma Wúro Róóma wúro‑dɛ́ɛ ńbɩ bɩka icéle Ɩsɔ́ɔ Ɩsɔ́ɔ‑dɛ́ɛ ńbɩ.» 22 Yeésu wɔɔdɔ́ bɩlɛ́ nɛ́, ngɛ bɩɩbá bɩɩlá wɛ bítí bɛɖɛ́ɛ beyéle yɩ.

23 Bɩdɛ́ɛ wɩ́rɛ ɖɩḿ, ‑dɩnáa wenbá bɔ́ndɔ́m sɩsɩ nɛ́, boogóduu ɩjɔ́ bɔbɔ́ɔ́zɩ yɩ sɩsɩ: 24 «Kʊ́bɔnɩ́, wɔɔdɔ́ sɩsɩ a ɩrʊ́ abaalʊ́ talʊ́rʊ gɛ waazɩ́, igoobú wɔ́ngbɔwʊ́ʊ leelú na ɩlʊ́rʊ bíya babɩ́sɩ koobúu waazɩ nɛ́ ɩdɛ́ɛ bíya. 25 Ngʊ́ ɖɔ́ɔ́ ɖɛ́dɛ́ɛ, koobíya lʊbɛ wɛná. Kaɖaa ńnɩ́ weení wɔɔgbɔ́ɔ alʊ́ nɛ́ waazɩ́, ńŋɩnáa ɩdalʊ́rʊ nɛ́, inewú wɔɔgbɔ́ɔ leelú, 26 bɩlɛ́ gɛ bɩɩlaná sɩɩlɛ ńnɩ́ na toozo ńnɩ́ hálɩ lʊbɛ ńnɩ́. 27 Barɩ́ŋa baazɩ́ wɔ́rɔ́ nɛ́, ngɛ leelú ɖʊɖɔ waazɩ́. 28 Tɔ́ɔ, ńŋɩ́náa barɩ́ŋa bɔgbɔ́ɔ yɩ nɛ́, wɩ́rɛ wenɖé ɩsɩɖáa sɩ befé bɩlɛ́ nɛ́, badaá weení gɛ leelú waalʊ́?» 29 Yeésu woobúsi wɛ sɩsɩ: «Mɩ́wɛ yɩsɩ́tɩ‑daá! Káma mɩ́ɩ́sɩ Ɩsɔ́ɔ‑dɛ́ɛ tɔ́m tákaraɖá belenté ɩdɛ́ɛ yíko. 30 Ɩsɩɖáa wénvém nɛ́, aláa na abaaláa bɔdɔ́ndɔkpɔwʊ́ ɖamá. Amá bɔ́njɔwʊ́ʊ gɛ nyazɩ ɩsɔ́ɔ́dáá. 31 Bɩɩga ɩsɩɖáa‑dɛ́ɛ fém tɔ́m nɛ́, mɩ́dákála Ɩsɔ́ɔ‑dɛ́ɛ tɔ́m‑daá baaŋmáa sɩsɩ: 32 «Mɔ́ɔ́ gɛ Ibrahím na Isaáka na Yaakúbu bɛdɛ́ɛ Ɩsɔ́ɔ nɛ́? Ɩdɛkɛ́ɛ ɩsɩɖáa‑dɛ́ɛ Ɩsɔ́ɔ, amá weezíni‑dɩnáa dɛ́ɛ ńnɩ́ gɛ ɩgɛ́ɛ.» 33 Zamɔ́ɔ waanɩ́ɩ bɩlɛ́ nɛ́, ngɛ ɩdɛ́ɛ wɩlɩ́ɩ waalá wɛ bítí.

34  waanɩ́ɩ sɩsɩ bɩlɛ́ gɛ Yeésu waagá tɔ́m nɛ́, ngɛ boodúúzi ɖamá. 35 Ngɛ badaá kʊ́ɖʊḿ weení ɩgɛ́ɛ nɛ́ sɩ ɩyɩ́ Yeésu kɔdɔká nɛ́, wɔɔbɔ́ɔ́zɩ yɩ sɩsɩ: 36 «Kʊ́bɔnɩ́, Mará‑daá wenɖé gɛ kʊ́bɔńɖɛ?» 37 Yeésu woobúsi yɩ sɩsɩ: «Nyɔ́nzɔɔlɩ́ Nyádʊ́ʊ Ɩsɔ́ɔ na nyéwénbiré rɩ́ŋa na nyégézeŋa rɩ́ŋa na nyólomaazɛ́ rɩ́ŋa.» 38 Mará‑daá kʊ́bɔńɖɛ nbɩlɛ́, ɖɩnáa kaɖaa ńɖɛ. 39 Kʊ́bɔńɖɛ sɩ́ɩ́lɛ ńɖɛ ɖɩɩlɩ́ɩ ɖɛ nɛ́ nɖɔ́: «Nyɔ́nzɔɔlɩ́ nyɔ́rɔwʊ́ nyazɩ nyádɩtɩŋa.» 40 Mará amʊ́ alɛ́ɛ́nɩ́ gɛ ‑dɛ́ɛ Mará na anɖébiwá‑dɛ́ɛ wɩlɩ́ɩ tɛlɛsɛ́ɛ́na.

41  tuuzée bɩlɛ́ nɛ́, ngɛ Yeésu wɔɔbɔ́ɔ́zɩ wɛ tɔ́m 42 sɩsɩ: «Wentí gɛ mɩ́nmaazɩnáa ? Weení biyaalʊ́ gɛ ɩgɛ́ɛ? Ngɛ boobúsi yɩ sɩsɩ: «Ɖáwʊɖa biyaalʊ́ gɛ ɩgɛ́ɛ.» 43 Ngɛ Yeésu wɔɔdɔ́ wɛ sɩsɩ: «Bɩɩlá nŋɩ́nɩ́ gɛ Kezeŋa ɖacɩrɩ‑cɩrɩ ńga waaŋmatɩná yɩ ɩyáa Lɛɛrʊ́ sɩsɩ "Mádʊ́ʊ". Káma wɔɔdɔ́ gɛ sɩsɩ:

45 «A bɩlɛ́ gɛ waayáa yɩ sɩsɩ "Mádʊ́ʊ'', bɩɩlá nŋɩ́nɩ́ gɛ ɩgɛ́ɛ ibiyaalʊ́ ɖʊɖɔ? 46 Badaá naárʊ toyuú tɔ́m‑bú ibúsi. Bɩdɩ́ŋa‑rɔ gɛ naárʊ tokúti ɩbɔ́ɔ́zɩ yɩ tɔ́m.