2
1 Le niheo amako ty tsara’ Iehovà, nanao ty hoe: 2 Akia mikoiha an-dravembia’ Ierosalaime ao ty hoe:
Hoe t’Iehovà:
tiahiko ty hatea’ i hatora’oy,
ty fikokoa’o, ihe nienga-vao;
i fireketa’o amako an-dratraratray
an-tane mboe tsy nitongisañe añe.
3 Niavake am’ Iehovà t’Israele,
ty lohavoan-kavokara’e;
hanan-kakeo ze mampibotseke ama’e
hankàñe ty hizò iareo, hoe t’Iehovà.
4 Mijanjiña ty tsara’ Iehovà,
ry anjomba’ Iakobe* Iakobe: Tomitse; Gegeañe hahazoañe, naho
ry hene fifokoan’anjomba’ Israele;
5 Hoe t’Iehovà:
Ino ty tsi-havañonañe nizoe’
o roae’ areoo amako,
kanao nihankaña’e,
naho nañorike ty tsy jefa’e,
vaho nifotsake ho kafoake?
6 Mbore tsy nanao ty hoe iereo:
Aia t’Iehovà nanese antika niakatse
an-tane Mitsraime† Egipte: Mpamorekeke, mampisotry,
niranga i fatram-beiy,
i tanen-diolio naho koboñey,
i tanem-paosa an-talinjon-kavilasiy,
tane mb’e lia’e tsy nitsahe ‘ondaty,
vaho tsy fimoneña’ ty ana’ ondaty.
7 Nendesako mb’an-tane mamokatse,
hikama’ areo ty hasoa’e;
fa ie nizilik’ ao te mone tiniva’ areo i tanekoy,
vaho vineta’ areo i lovakoy.
8 Tsy nanao ty hoe o mpisoroñeo:
Aia t’Iehovà?
Namoea’ o mpamandroñe Hàke iabio raho,
nandilatse ahy o mpiarakeo‡ Iir 10:21, 12:10-11, 50:6-7,
nitoky añamy Baale§ Baale: Talè, Tompo o mpitokio,
vaho nañorike raha tsy vara.
9 Aa le hiatreatreako, hoe t’Iehovà,
vaho hatreatrèko o anan’ana’ areoo.
10 Mitsahà mb’an-tokonosen’
te-Kitìmeo* Kitime: mamolake; mamonodroboke kedeke; volamena; añe naho mandrendreha
naho ampañitrifo mb’e Kedare† Kedare: hamoromoroñañe, hontoke mb’eo
vaho mitsoeha,
hera ho oni’ areo te fa teo, o hoe zao:
11 Tane aia ty nañova o ‘ndrahare’eo,
ie toe ‘ndrahare tsie avao?
fe nasolo’ ondatiko raha tsy manjofake ty enge’ iareo.
12 Ilatsao ry likerañeo,
minevenevèra naho mijehàra,
hoe t’Iehovà.
13 Nanao hakeo roe ondatikoo:
Nifarie’ iareo raho,
i Rano Veloñe‡ Jao 4:10,11, 7:38 migoangoañey,
hihalia’iareo kadaha,
kadaha señake tsy mahatan-drano.
14 Ondevo hao t’Israele?
Fetrek’oro hao?
Aa le ino ty idohirañ’ aze?
15 Fa nitroñe ama’e o liona tora’eo,
nipoña-peo hampangoakoak’ i tane’ey,
kòake iaby o rova’eo,
tsy amam-pimoneñe.
16 Hinara’ o ana’ i Nofe§ Nofe: papin-tantele; ze mitsopatsopake
naho i Tak’penkeseo* Tak’penkese: fanjiziañe mietake ty hevo’o.
17 Tsy zao hao ty tali’ i raha zay,
te naforintse’o t’Iehovà
Andrianañahare’o,
i niaolo azo amy lalañeiy.
18 Ino mb’arè ty atao’o an-dalam-b’e Mitsraime añe,
hitohoke ty ranon-tSikore† Sikore: Hamainte’e hao?
Ino ka ty hanoe’o an-dalañe mb’e Asore mb’eo, he hitrinike i ranon-tSàkay hao?
19 Ty halò-tsere’o avao ty hitrevok’ azo,
naho hañendak’ azo ty fidisa-voli’o;
mahaoniña arè, vaho mahaisaha
te raha raty naho mafaitse
ty fitsambolitio’o an’ Andrianañahare’o,
naho te tsy ama’o
ty fañeveñañe Amako,
hoe t’i Talè, Iehovà’ i Màroy.
20 Fa pinozako haehae ty joka’o,
rinafadrafako o vahotseo,
le hoe rehe: Tsy ho toroñeko, te mone nandrea’o vaho nanao hakarapiloañe ambone’ ze hene haboañe
naho ambane’ ze fonga hatae mandrevake
21 Ie naketsako am-bahem-panjàka,
toe am-boa’e soa do’e;
inom-barè ty nifotera’o ho hatae
tsy jefa’e, ho vahe alik’amako?
22 Aa ndra te ihe mikitroñe an-kilìny,
vaho milipotse an-tsavony ao,
mboe komatrao amako o tahi’oo,
hoe t’i Talè, Iehovà.
23 Aa vaho ino ty atao’o ty hoe:
Tsy aman-kila raho, zaho tsy nihitrike
mb’amo Baaleo?
Isao ty sata’o am-bavatane ao,
mahafohina o anoe’oo;
kiloan-drameva malisa rehe,
manivalativala o lala’eo;
24 tamanam-birike lý zatse am-patrañe ao,
mañantson-tioke am-pañirian-tro’e,
ia ty mahafikalañe i fitongoña’ey?
Tsy ho mokotse ty mipay aze,
ho oni’ iareo amy fivola’ey.
25 Tano o fandia’oo tsy ho afa-kana,
ty tretra’o tsy haran-drano;
fe hoe rehe:
Tsy aman-ko tamaeñe, Aiy!
amy te nikoko ambahiny raho,
le tsy mete tsy heañeko.
26 Hambañe ami’ty hasalara’
ty mpikizo, ie tendreke,
ty hameñara’ ty anjomba’ Israele:
ie naho o mpanjaka’eo, o roandria’eo,
o mpisoro’eo, vaho o mpitoki’eo.
27 Ie manao ami’ty hatae ty hoe:
Raeko rehe, naho ami’ty vato:
Ihe ty niterak’ ahy,
toe nampiatre-boho amako iereo
fa tsy ty laharañe;
fe an-tsa maha am-poheke
ro hanoa’iareo ty hoe:
Miongaha, rombaho zahay.
28 Aia heike o ‘ndrahare tsinene’o
ho azoo? Angao hiongake iereo,
naho mete handrombak’ azo
an-tsan-kankà’o ao;
fa mira ami’ty hamaro’ o rova’oo
ty ndrahare’o, ry Iehodà.
29 Akore t’ie miatreatre ahiko?
Ie fonga nanao hakeo amako,
hoe t’Iehovà.
30 Tsy jefa’e ty nandafàko o ana’ areoo,
ie tsy mete avohotse;
toe nabotsem-pibara’ areo
o mpitoki’areoo,
hoe namotsahan-diona.
31 Ry tariratseo, inao ty tsara’ Iehovà:
Nifatram-bey am’ Israele hao raho?
ndra tane migobon-kaiem-bey?
Ino ty atao’ ondatikoo ty hoe:
Votsotse zahay; tsy homb’ama’o ka?
32 Handikofa’ ty somondrara hao
o rava’eo, ndra ty enga-vao o saro’eo?
Fe haliño’ ondatikoo
andro tsy fotofoto raho.
33 Ino ty ihamina’o
ty lalam-pipaia’o koko?
Toe nanare’o amo sata-rati’oo ka
o kalalijakeo.
34 Mbore oniñe an-jipo’o ao
ty liom-piai’ o rarake vañoñeo;
tsy nirendre’o t’ie niboroboñake ama’o;
ie amy hoe rezay 35 manao ty hoe:
Zaho tsy aman-kakeo;
fa mitolik’ amako ty haviñera’e—
ingo mikai-jaka amako rehe
ami’ty atao’o ty hoe:
Tsy aman-tahin-draho.
36 Ie mikanifokanifoke avao
ami’ty fiovà’o lalañe;
Toe ho salare’ i Mitsraime ka
manahake ty hameñara’o amy Asore.
37 Boak’ atoy ty hiakara’o,
taña-mitan-doha;
fa napo’ Iehovà o niatoa’oo,
vaho tsy hiraorao am’ iereo rehe.
*2:4 Iakobe: Tomitse; Gegeañe hahazoañe
†2:6 Egipte: Mpamorekeke, mampisotry
‡2:8 Iir 10:21, 12:10-11, 50:6-7
§2:8 Baale: Talè, Tompo
*2:10 Kitime: mamolake; mamonodroboke kedeke; volamena;
†2:10 Kedare: hamoromoroñañe, hontoke
§2:16 Nofe: papin-tantele; ze mitsopatsopake
*2:16 Tak’penkese: fanjiziañe mietake
†2:18 Sikore: Hamainte’e
DRAFT VERSION