7
1 Tondroke tañandro’ i Akhaze ana’ i Otame, ana’ i Ozià, mpanjaka’ Iehodà, te nionjoñe haname Ierosalaime t’i Retsine* Retsine; mpañitrike talily; soa fisatria mpanjaka’ i Arame† Arame: enge, ty mpamañahy; fatse naho i Pèkae‡ Pekae: i mpanokakey; ie midada ana’ i Remaliàho§ Remialaho: ty fañonjonañe Iehovà, mpanjaka’ Israele, f’ie tsy naharotsake aze. 2 Natalily amy anjomba’ i Davidey ty hoe: Nitraok’ amy Efraime t’i Arame. Le ninevenevetse ty arofo’e naho ty arofo’ ondati’eo, manahake ty fañezeñezeñan-tioke o hatae añ’alao.
3 Aa le hoe t’Iehovà am’Iesaià, Akia henaneo, mifanalakà amy Akhaze, ihe naho i Sear’iasobe* Sear’iasbe: himpoly o nisisao ana’o, am-pigadoña’ ty talaha’ i antara amboney, an-damo’ i tondam-panasay eo; 4 le isaontsio ty hoe:
Mitaoa, mianjiña, ko hembañe,
ko mangonotse
ty amy foroha mahatoeñe roe rey,
ami’ty fidabadoà’ i Retsine
rekets’ i Arame,
naho ty ana’ i Remaliaho.
5 Amy fikiniàn-draty nanoe’ i Arame
naho i Efraime
vaho ty ana’ i Remaliaho ama’oy,
ami’ty hoe:
6 Antao hionjoñe haname Iehodà,
hampalovilovy aze,
hamakian-tika jeba
vaho hatroan-tika ty ana’ i Tabeale† Tabeale: Andrianañahare soa
ho mpanjaka añivo’e ao.
7 Hoe t’Iehovà Talè: Tsy hitroatse re,
vaho tsy ho tondroke zay.
8 I Damesèke‡ Gony pea lio; hoe afo mirebareba ty loha’ i Arame,
I Retsine ty loha’ i Damesèke;
(le añate ty taoñe enem-polo
lim’ amby ty hikorovoha’
i Efraime tsy ho ondaty ka;)
9 Fehe’ i Someròne§ Somerone: vohi-pijilovañe t’i Efraime,
le fehè’ ty ana’ i Remaliaho ty Someròne.
Aa naho tsy gañe ty fatokisa’areo,
le toe tsy hioreñe.
10 Aa le nitsara amy Akhaze indraike t’Iehovà nanao ty hoe:
11 Mihalalia viloñe am’Iehovà Andrianañahare’o;
ke ami’ty halale’ i tsikeokeokey,
he ami’ty haabo i likerañey.
12 Aa hoe t’i Akhaze: Zaho tsy hihalaly, tsy hitsoke Iehovà. 13 Aa le hoe re:
Janjiño arè ry anjomba’ i Davide :
Loho kede ama’areo hao ty hanosotse ondaty, kanao tsohe’ areo ka
ty fahaliñisan’ Añahareko?
14 I Talè arè ro hanolo-biloñe anahareo:
Heheke! hiareñe i somondraray,
naho hitoly ana-dahy,
vaho hatao’e Imanoele* Imanoele: Andrianañahare-Amantika ty añara’e.
15 Habobo naho tantele ty ho hane’e
ampara’ te fohi’e ty mikiho ty raty,
vaho hijoboñe ty soa.
16 Aolo’ ty haharendreha’ i ajajay
ty hitribahatse ty raty, hijoboña’e ty soa,
le ho farieñe ty tane’ i mpanjaka roe irevendreveña’o rey.
17 Hasese’ Iehovà ama’o naho am’ondati’oo
naho aman’ anjomban-droae’o
ty mpanjaka’ i Asore,
ami’ty andro mbe lia’e tsy nifetsake sikal’ami’ty nienga’ i Efraime t’Iehodà.
18 Ho tendreke amy andro zay
te ho tiofe’ Iehovà i laletse
añ’olo’ i saka’ i Mitsraimey† Mitsraime: Egipte, mpamorekeke
naho i rene-tantele an-tane’ i Asorey.
19 Homb’eo iereo hipetake
amo goledoñe bangiñeo naho
an-tsifi’ o vatoo naho
amy ze atao fatike vaho
amo tane fiandrazañe iabio.
20 Amy andro zay, le ho hitsifa’ i Talè
ami’ty fiharatse nikaramae’e boak’ alafe’ i Sakay añe,
(i mpanjaka’ i Asorey ‘nio),
ty maroin’añambone naho ty volon-tomboke, vaho hafaha’e ka ty tanteahetse.
21 Ho tondroke amy andro zay te
hihare kiloa raike
naho añondry roe t’indaty;
22 Eka, ho tendreke te,
ami’ty hamaro ronono homei’e
le hikama deron-kabobo re;
toe hikama habobo naho tantele
ze hene sehanga’e amy taney.
23 Ho tondroke amy andro zay te ze toetse amam-bahem-baloboke arivo,
mañeva volafoty arivo,
ty ho hisatse naho fatike avao.
24 Hinday fale rekets’ ana-pale
ze homb’eo, amy te
ho ropiteke naho fatike avao i taney.
25 Ze hene tamboho nitrabahe’ ty fangaly taolo le tsy homba’o ami’ty fatahora’o fatike naho ahe-draty,
le ho fiandrazan’ añombe
naho fandialiàn’ añondry ty ao.
*7:1 Retsine; mpañitrike talily; soa fisatria
†7:1 Arame: enge, ty mpamañahy; fatse
‡7:1 Pekae: i mpanokakey; ie midada
§7:1 Remialaho: ty fañonjonañe Iehovà
*7:3 Sear’iasbe: himpoly o nisisao
†7:6 Tabeale: Andrianañahare soa
‡7:8 Gony pea lio; hoe afo mirebareba
§7:9 Somerone: vohi-pijilovañe
*7:14 Imanoele: Andrianañahare-Amantika
†7:18 Mitsraime: Egipte, mpamorekeke
DRAFT VERSION