Rotsake! Rotsake t’i Babolone Jabajaba* Ies 21:9!

ie fa akiban-kokolampa henaneo, naho

lakato’ ze fonga anga-draty, vaho

zoho’ ze hene voroñe maleotse naho mampangorý. 3 Fa hene ninoñe amy divain-kadraon-

kakarapiloa’ey ze kilakila ondaty.

naho fonga niolots’ ama’e

o mpanjaka’ ty tane toio,

vaho nitampe-draha irieñe

o mpanao balibali’ ty tane toio

amy halosoran-katea-mena’ey. 4 Tsinanoko ka ty fiarañanañañe boak’ andindìñe ey nanao ty hoe:

Miengà ama’e ry ondatiko, tsy

hitraok’ amo hakeo’eo,

naho tsy handrambe o angorosi’eo† Iir 51:6, 9, 45; Iir 50:8, 13, 28; 5 fa mitoabotse pak’andindìñe ey o tahi’eo vaho tiahin’ Añahare o sata-rati’eo. 6 Ondroho ama’e mira ami’ty natolo’e;

le avaho ama’e in-droe’ o fitoloña’eo;

vaho trobotrobò in-droe

i fitovy nilaroe’ey. 7 Ampanahafo ami’ty nienge’e naho ty

fierañerañan-tro niaiña’e,

ty samporerahañe naho anahelo

hatolotse aze.

Inao ty fisengean-tro’e :

Miambesatse raho

fa mpanjaka-rakemba,

Tsy vantotse,

vaho tsy hahatrea fioremeñañe. 8 Aa le hivovo ama’e añ’ andro raike o hankà’eo: ty angorosy, ty hòntoke, vaho ty kerè,

le ho hotomomohe’ ty afo;

amy te maozatse i Talè Andrianañahare

mizaka azey. 9 Ie isa’ o mpanjaka’ ty tane toio, ie nifandia-tihy ama’e naho ni-mpitrao­k’ amy fiagaregaña’ey, ty hatoe’ i fanodo­rañ’ azey, le hangololoike ty tañy naho handala, 10 hizorazora eroan-koe am-pirevendreveñañe i sarerahañ’ aze, hanao ty hoe:

Hoy hoy abey, Ry rova jabajaba! I Babolone rovan-kaozarañey!

 Ie ora raik’ avao te pok’eo ty fizakañ’azo. 11 Mirovetse naho mandala aze o mpampibalibali’ ty tane toio, amy te tsy eo ka ty hikalo o kilanka’ iareoo: 12 entañe volamena naho volafoty naho vatosoa naho hange, le leny marerarera naho malo-mavo, le lande naho mena mañabarà, naho ze karazan-katae malàñe, naho ze fanake aman-tsifan-drimo‡ toe tsifa’ ty elefanta (biby jabajaba), naho ze fanake aman-katae sarotse, le torisìke naho viñe naho vato sanga; 13 le kanely§ kanely: holi-katae mañitse fampifiriañe naho fampafiriañe naho soli-pañosorañe naho rame le divay naho solik’ oliva, le mona’e naho vare-bolè le añombe naho añondry; le soavala naho sarete le ondevo vaho fiai’ ondaty. 14 Nisitak’ azo o voka-tsoa nirìen-tro’oo, naho nihànkañe ama’o, tsy ho isa’o ka ze atao tave naho o raha fiain-taneo. 15 Hañarafiake eñe o nanao balibalike amy raha rezaio, o nimpañaleale ty ama’eo, am-pirevendreveñañe amy halovilovia’ey, le hangoihoy ty rovetse vaho handala 16 ty hoe:

 Hoy! Hoy! i rova ni-ra’elahiy,

nisaron-deny marerarera malo-mavo

naho mena mañabarañe,

vaho niragorago volamena

naho vatosoa vaho hange! 17 fa ora raik’ avao ty nahakafoake

o vara beio!

Aia ka ty hañirinkiriñe i rova jabajaba zay? 19 le nampibobò deboke añambone’e, naho nangoihoy ty rovetse vaho nitoreo ty hoe:

Hoy! Hoy, I rova foloaingitrokey!

ze nampañaleale ze nanan-tsambo

an-driak’ añe añamy vara’ey!

amy te ora raik’ avao

ty nampikoahañ’ aze! 20 Irebeho ry likerañeo!

naho ry noro’e naho Firàheñe

vaho mpitokio!

Inahareo ro nizakàn’ Añahare aze. 21 Ie amy zao, rinambe’ ty anjely fanalolahy ty vato bey hoe vato-fandi­sanañe jabajaba, le navokovoko’e an-driake eñe nanao ty hoe:

Zay ro handretsahañe i Babolone

rova jabajabay ambane tsy ho oniñe ka. 22 Le tsy ho janjiñeñe ama’o ao ka

ty feo’ o mpititike marovanio,

naho o sairio,

naho o mpitioke soly naho antsivao,

naho tsy ho trea ama’o ka

ze mpitsene an-satam-pitàñ’inoñ’inoñe,

vaho tsy ho janjiñeñe ama’o ao ka

ty fikosaokosaom-bato fandisañe. 23 le tsy hiiloilo ama’o ao ka

ty hazavàm-pailo,

mbore tsy ho janjiñeñe ama’o ao ka

ty fifañòhahohà’ i engavaoy

naho i mañengay;

ni-fanalolahy an-tane-bey atoy

o mpanao balibalik’ ama’oo,

amy te nampikalitahe’ o famoreha’oo

o fifeheañeo,

24 naho ama’e ao ty nahatendrehañe

ty lio’ o mpitokio naho o noro’eo,

vaho ze hene vinono an-tane atoy* Mat 23:30, Lke 11:50.