ry anam-panalolahy* anan’Añahare, ndra firimboñañ’ Anjely,

manoloro engeñe naho haozarañe am’Iehovà.

Mañengà volonahetse mañeva i tahina’ey,

mitalahoa am’ Iehovà ami’ty hafanjakam-piavahañe.

3 Ambone’ o ranoo

ty fiarañanaña’ Iehovà,

mangotroke i Andrianañahare rengeñey;

ambone’ rano mihenehene t’Iehovà.

4 Maozatse ty fiarañanaña’ Iehovà;

lifotse volonahetse

ty fiarañanaña’ Iehovà.

5 Mampipozapozake o tezao

ty fiarañanaña’ Iehovà,

eka mamatsimpatsike o mendorave’

i Lebanoneo t’Iehovà.

6 Ampitsamboañe’e hoe tarabao

hoe te anan-drimo t’i Lebanone

naho i Sirione.

7 Mampiriaria lel’ afo

ty fiarañanaña’ Iehovà.

8 Ampanginikinihe’ ty fatram-bey

ty fiarañanaña’ Iehovà,

ampihondrahondrae’ Iehovà

ty fatrambei’ i Kadese.

9 Mampiterake o dierao

ty fiarañanaña’ Iehovà,

vaho ampikorendahe’e o alao;

le añ’anjomba’e ao,

songa miredoñe ty hoe : Engeñe!

10 Niambesatse ambone’ i fiepoepoañey

t’Iehovà.

eka miambesatse ho

mpanjaka nainai’e t’Iehovà.

11 Ho tolora’ Iehovà faozarañe ondati’eo;

ho tolora’ Iehovà fañanintsiñe ondati’eo.