1 Aa ie nahajanjiñe zay t’Iekiz­kia, le rinia’e o siki’eo naho nisaron-gony vaho nimoak’ añ’an­jomba’ Iehovà ao. 2 Nirahe’e mb’am’ Iesaià mpitoky ana’ i Amotse amy zao t’i Eliakime mpifeleke i anjombay, naho i Sebnà mpanokitse naho o zokem-pisoroñeo songa nisaron-gony. 3 Le hoe ty enta’ iareo ama’e: Hoe t’Iekizkia: Androm-poheke naho trevoke vaho teratera ty andro toy; fa antitotse ho samake o ajajao fe tsy eo ty haozarañe hahatoly. 4 He ho janjiñe’ Iehovà Andrianañahare’o o saontsi’ i Rabsakè nañiraham-panjaka’ i Asore tale’eo hanigike an’ Andrianañahare veloñe, vaho hendaha’ Iehovà Andrianañahare’o i saontsy jinanji’ey; ehe mihalalia ho amy ze sehanga’e mbe eo. 5 Aa le nivo­trak’ am’ Iesaià eo o mpitoro’ Iekizkiao. 6 Le hoe t’Iesaià am’ iareo: Zao ty ho saontsie’ areo amy tale’ areoy: Hoe ty nafè’ Iehovà: ko hembañ’ amo entañe jinanji’oo, amo niteratera’ o mpitoro’ i Mpanjaka’ i Asoreo Ahikoo. 7 Inao te hajoko ama’e ty fañahy, le hijanjiñe tolom-boetse naho himpoly an-tane’e añe vaho hampikorovoheko am-pibara an-tane’e ao.

8 Aa le nibalike mb’eo t’i Rabsakè, vaho zoe’e nifañotake amy Libnà* Libnà; foty, mangarahara ty mpanjaka’ i Asore, fa tsinano’e t’ie nienga i Lakise. 9 Le hoe ty jinanji’e ty amy Tirhakà† Tirhakà: mpandohy; mpañontane; mpisamba derañe, mpanjaka’ i Kose, Miavotse mb’etoa re hialy ama’o. Ie jinanji’e zay le nañitrike am’ Iekizkia ty hoe: 10 Ty hoe ty ho saontsie’ areo am’ Iekizkia mpanjaka’ Iehodà: Asoao tsy henga’o hanigìke azo t’i Andrianañahare iatoa’o,  hanao ty hoe: Tsy hatolo­tse am-pitàm-panjaka’ i Asore t’Ierosalaime. 11 Inao, tsy jinanji’o hao ty nanoa’ o mpanjaka’ i Asoreo amo hene taneo? ie nampangotomomohe’e; aa havo­tsotse hao nahareo? 12 Fa rinomban-drahare’e hao o rinotsan-droaekoo: i Gozane‡ Gozane: volon’añondry; fiandrazañe; naho i Harane§ Harane: Tane am-bohibohitse, naho i Retsefe* Retsefe: solike an-dalañe; vae mibelabela vaho o ana’ i Edene† Edene: fivaraneahañe; hafaleañe e Telasareo‡ Telasare: tavaneñe mb’eo; mamotry? 13 Aia ty mpanjaka’ i Kamàte naho ty mpanjaka’ i Arpade naho ty mpanjakan-drova’ i Sefarvaime, ty a i Henà vaho Ivà?

14 Aa ie rinambe’ Iekizkià i taratasy am-pità’ o nampihitrifeñeoy naho vinaki’e; le nionjomb’ añ’ anjomba’ Iehovà mb’eo t’Iekizkia, vaho vinela’e añatrefa’ Iehovà. 15 Nihalaly am’ Iehovà t’Iekizkia ami’ty hoe: 16 Ry Iehovà’ i Màroy, Andrianañahare’ Israele, mpiambesatse ambone’ o kerobeo; Ihe ro Andrianañahare, Ihe avao, amy ze kila fifeleha’ ty tane toy; ry Andrianamboats’ i likerañey naho ty tane toy. 17 Atokilaño ty ravembia’o ry Iehovà naho janjiño; abolanaho o fihaino’oo ry Iehovà vaho vazohò; inao ze hene enta’ i Senkeribe, nahitri’e hañinje an’ Andrianañahare veloñe. 18 O ry Iehovà, Toe fonga nampangoakoahe’ o mpanjaka’ i Asoreo o fifeheañeo naho o tane’ iareoo, 19 vaho naretsa’ iareo añ’afo ao o ndrahare’ iareoo amy t’ie tsy Andrianañahare, fa sata-pità’ ondaty, hatae naho vato; aa le finongo’e. 20 Ie henaneo ry Iehovà Andria­nañahare’ay, rombaho am-pità’e zahay, soa te ho fohi’ ze kila fifeleha’ ty tane toy te Ihe ro Iehovà, Ihe avao.

21 Aa le nahitri’ Iesaià ana’ i Amotse am’ Iekizkia ty hoe: Hoe ty nafè’ Iehovà, Andrianañahare’ Israele: Amy te ihe ro nihalaly amako ty amy Senkeribe mpanjaka’ i Asore, 22 le hoe ty tsara nafè’ Iehovà ama’e:

36 Aa le nionjom-beo ty anjeli’ Iehovà nanjamañe ty Rai-hetse-tsi-valo-ale-tsi-lime arivo an-tobe’ o nte-Asoreo; le ie nivañoñe maraindray t’indaty, hehe te fonga nidondom-pate ty ey. 37 Niavotse amy zao t’i Senkeribe mpanjaka’ i Asore, nimpoly vaho nitoboke e Ninevèy ao. 38 Le teo t’ie niloloke añ’ anjomba’ i Nisroke§ Nisroke: aly; vente’e; sigike; marefo ndrahare’e ao, te namatsik’ aze am-pibara ty Adrameleke* Adrameleke: sarimbo; engeñe naho i Sarezere† Sarezere: roandriañ’afo; mpamandroñe ana’e vaho nifiotse mb’ an-tane Ararate‡ Ararate: ozoñe mampititititike añe. I Esar-kadone§ Esar-kadone: mpandrebake; hafaleañe; ana’e ty nandimbe aze ho mpifeleke.