24
God agnɨgep kal awl ak gɨ tɨmel gɨnɨgabal
(Mak 13.1-2, Luk 21.5-6)
1 Jisas ne God agnɨgep kal awl kab wali kus gɨl yek ak kelɨgɨl seŋ amnaknɨŋ, bɨne okok nop apɨl agɨlak, God agnɨgep kal awl kab wali kus gɨl yek ak, kal anɨb okok wali mɨgan ayaŋ mɨdeb ak nɨgan agɨlak. 2 Jer 26.18, Mai 3.12, Luk 19.44 Agelak kɨlop pen agak, Nɨbi kal anɨb okok mɨdupsek nepɨm akaŋ agak? Yad nɨbop nɨŋɨd agebin, Kɨdek bɨ ogɨnap apɨl, kal anɨb okok gɨ tɨmel gel, kab olap kab olap adek ak ma yenɨgab, pɨsnep pɨpag pakɨl dɨyokɨnɨgabal agak.
Mɨŋel ogɨnap ownɨgab
(Mak 13.3-13, Luk 21.7-19)
3 Mat 24.27, 24.37-39, Mak 13.3, 1 Te 5.1 Jisas anɨb agɨl, amɨl dum Olip besɨgɨl mɨdaknɨŋ, bɨne okok kɨli nep apjakɨl nop agnɨŋɨd agɨlak, Chɨnop agñan, tap agesɨpan ak, ñɨn akal tek gɨnɨgab agɨlak? Pen tap tay gek chɨn nɨŋɨd anɨb agɨnɨgabun, Ñɨn kɨdek ak apɨl, nad wulep ownɨgeban agɨnɨgabun agɨlak?
4-5 Jer 14.14, 23.21, 23.25, Mat 24.23-24, Jon 5.43, Apo 5.36-37, 1 Jo 2.18 Agelak Jisas kɨlop agak, Nɨgtep gɨnɨmɨb agak. Bɨ kuŋay yɨbɨl yepɨs agɨl, yɨb yɨp ak dɨlɨg agɨnɨgabal, Yad nep Bɨ God nop aglup ak apebin agɨnɨgabal agak. Anɨb agel, binɨb kuŋay yɨbɨl takaw yepɨs anɨb ak nɨgɨnɨgabal ak pen, nɨbi ma nɨgɨnɨmɨb agak. 6 Man okok penpen gɨnɨgabal agak. Pen binɨb agɨnɨgabal, Man okok penpen gebal agɨnɨgabal agak. Anɨgɨnɨgab ak pen, gos nɨgtep gɨl gos kuŋay ma nɨgɨnɨmɨb agak. Tap anɨb okok gonɨmuŋ tek lup ak pen, ñɨn kɨdek ak ownɨgeb agɨl gos ak ma nɨgɨnɨmɨb agak. 7 2 Sto 15.6, Ais 19.2, Hag 2.22, Sek 14.13, Apo 11.28 Man ogɨnap tɨkjakɨl, man ogɨnap ayɨp penpen ñagɨnɨgabal agak. Binɨb wakay ogɨnap tɨkjakɨl, binɨb wakay ogɨnap ayɨp penpen ñagɨnɨgabal agak. Pen man keke okok yuwan awl gɨl, monmon awl dɨnɨgab agak. 8 Tap gɨnɨgab mɨdupsek anɨb okok, bin ñapay ñɨbosup, wulep mɨdeb agɨl nepal tek nep gɨnɨgab agak.
9 Mat 10.22, Mak 13.9, Luk 21.12, Jon 15.18-20, Apo 4.2-3, Lep 2.10, 2.13 Pen yɨp yɨl mɨdebɨm tek nɨbop mɨmug gɨl, gɨ tɨmel gɨl pɨsnep paklɨnɨgabal agak. Binɨb man okok mɨdupsek nɨbop mɨlɨk nɨgɨnɨgabal agak. 10 Mat 11.6, 13.57, 2 Ti 1.15 Ñɨn anɨb ak, binɨb kuŋay God nop gos ak kelɨgɨl, kɨli ke okok mɨlɨk nɨŋɨd, mɨmug gɨl bɨ ñagep okok ñɨn adek ak lɨnɨgabal agak. 11 Mat 7.15, 24.5, 24.24, Apo 20.29, 1 Ti 4.1, 2 Pi 2.1, 1 Jo 4.1 Pen bɨ kuŋay God takaw agobun agɨl yepɨs apal okok, binɨb okok kɨlop yepɨs gel kuŋay nɨgɨnɨgabal agak. 12 Kɨli gɨ tɨmel gep adek ak nep gel amnɨgab agak. Anɨb ak, binɨb kuŋay kɨli binɨb okok kɨlop mapen lep ak sawl gɨnɨgabal agak. 13 Mat 10.22, Mak 13.13, Hib 3.6, 3.14 Pen binɨb an kɨles gɨl yɨp yɨl yenɨgab ak, mɨd dad amɨl ñɨn kɨdek ownɨgab ak, God nop tɨg asɨk dɨnɨgab agak. 14 Mat 9.35, 10.18, 28.19, Lom 10.18, Kol 1.6, 1.23 Pen God binɨb dɨl kɨlop kod yenɨgab takaw teplep ak, lum awl ak mɨdupsek agñɨnɨgabal agak. Agñel, binɨb man okok mɨdupsek nɨgɨnɨgabal ak nɨm, ñɨn kɨdek ak ownɨgab agak.
Tap tɨmel yɨbɨl gɨnɨgab
(Mak 13.14-23, Luk 21.20-24)
15 Dan 9.27, 11.31, 12.11 Jisas takaw olap agak, Tap tɨmel asɨkep yɨbɨl olap, bɨ God gos ñek agñeb Danyel ne bɨlel tap anɨb ak nop takaw ogɨnap tɨkɨl agak. Pen tap anɨb ak, God agnɨgep kal awl mɨgan ak lel yenɨgab ak nɨgɨnɨgabɨm agak. Takaw tɨkebin anɨb awl, nɨgtep gɨnɨmɨb. 16 Pen agak, Tap tɨmel asɨkep yɨbɨl nɨgenɨgabɨm ñɨn anɨb ak, binɨb Judiya plopens yenɨgel okok, pɨlɨk dum oklaŋ okok amnɨgel agak. 17 Luk 17.31 Binɨb kal adek alaŋ yenɨgel okok, tap dɨnɨg adɨkɨd kal mɨgan ma amnɨgel agak. 18 Binɨb wog day okok ajenɨgel okok, chech tap okok dɨnɨg adɨkɨd kal ma amnɨgel agak. 19 Ñɨn anɨb ak, bin ñapay kogmeg yenɨgabal okok sek, ñapay tul ñɨnɨgabal okok sek, koslam pɨlɨk amnɨgabal agak. 20-21 Dan 9.26, 12.1, Jol 2.2, Lep 7.14 Tap gɨnɨgab anɨb okok, tap tɨmel awl yɨbɨl gɨnɨgab agak. God alwol gɨlak ñɨn ak tɨkɨl, mɨd dad apɨl mɨdobun ñɨn awl, tɨmel awl yɨbɨl anɨb ak tek ma gak, kɨdek abe anɨb ak tek ma gɨnɨgab agak. Anɨb ak tek, God nop agnɨgem, yobup lɨnɨmuŋ ñɨn ak sek, Juda añɨŋ lep ñɨn awl ak sek ma gɨnɨmuŋ agak. 22 Ais 65.8-9, Sek 14.2-3 Tap tɨmel awl yɨbɨl anɨb okok gɨ nep yobɨkop, binɨb mɨdupsek kum dɨpɨlap agak. God pen binɨb ne dɨnɨg aglak okok kɨlop gos nɨŋɨd, tap tɨmel anɨb okok yep won olap nep gɨnɨmuŋ agak.
23 Mat 24.5, 24.11, Mak 13.21, Luk 17.23, 21.8 Pen ñɨn anɨb ak, binɨb ogɨnap nɨbop agɨnɨgabal, Nɨgɨm, Bɨ God nop aglup ak mɨdeb awl akaŋ, Ne mɨdeb adaŋ agenɨgel, nɨŋɨd apal agɨl ma nɨgɨnɨmɨb agak. 24 Lo 13.1-3, Mak 13.22, 2 Te 2.8-9, Lep 13.13-14 Bɨ ogɨnap apjakɨl agɨnɨgabal, Yad nɨm Bɨ God nop aglup ak akaŋ, Yad nɨm bɨ God gos ñek agñeb olap agɨl, yepɨs yepɨs agɨlɨg, tap mageptek awl yɨbɨl ogɨnap gɨnɨgabal agak. Bɨ anɨb okok, kɨli binɨb okok kɨlop yepɨs agon takaw chɨnop nɨgɨnɨgabal agɨl gos nepal agak. Pen kɨli God binɨb ne aglak okok kɨlop abe yepɨs agun agɨl, tap anɨb okok anɨgɨl gɨnɨgabal agak. 25 Nɨgɨm, tap tɨtay kɨdek gɨnɨgab ak, nɨbop agen nepɨm agak.
26 Luk 17.23-24 Anɨb ak binɨb ogɨnap agɨnɨgel, Nɨgɨm, ne man nep binɨb ma yelak nab okok mɨdeb agenɨgel, nɨgɨnɨg ma amnɨmɨb agak. Pen agɨnɨgel, Nɨgɨm, ne kal mɨgan ayaŋ mɨdeb agenɨgel, nɨŋɨd apal agɨl ma nɨgɨnɨmɨb agak. 27 Mat 24.37-39 Nɨgɨm. Añɨñak bol ak dup tek, sub apjakup ayɨm nɨb ak saŋɨd amub oŋɨd gaknɨŋ binɨb okok kɨli nepal agak. Anɨb ak tek ak, Bɨ Olap Ñɨne ownɨgab ñɨn ak, ne anɨgɨl owaknɨŋ, binɨb okok mɨdupsek nop nɨgɨnɨgabal agak. 28 Luk 17.37, 2 Pi 3.10 Tap ogɨnap wog bɨg yɨnɨg lɨnɨgab ak, man anɨb ak yawl apnan gɨnɨgabal agak.
Bɨ Olap Ñɨne ownɨgab
(Mak 13.24-27, Luk 21.25-28)
29 Ais 13.10, 34.4, Ese 32.7, Jol 2.10, 2.31, 3.15, Lep 6.12-13 Jisas takaw olap agak, Pen mɨŋel awl anɨb okok gɨ tek dak, won anɨb ak sub ak gach gɨl, takan ak mɨlek ma gɨnɨgab agak. Gap okok wɨsɨp alaŋ nɨb pugju apyapɨl, tap adekab alaŋ okok, okok nɨb okok nɨb gɨnɨgab agak. 30 Dan 7.13, Sek 12.10-14, Mak 13.26, Lep 1.7, 6.12-13 Anɨgenɨgab, Bɨ Olap Ñɨne ownɨg gaknɨŋ, adekab alaŋ ke lek, binɨb man okok keke mɨdebal tek, nɨŋɨd chaŋ lɨnɨgabal agak. Bɨ Olap Ñɨne, kɨles awl sek mɨlek awl sek dɨl, wɨsɨp bad sek owaknɨŋ, binɨb okok mɨdupsek nop nɨgɨnɨgabal agak. 31 Ais 27.13, Mat 13.41, 1 Ko 15.52, 1 Te 4.16 Pen akɨl awl agaknɨŋ, ensel ne okok agyokenɨgab, man ak mɨdupsek am kus gɨl, adekab sek lum awl sek puŋɨlek amnak ak, binɨb God kɨlop aglak okok mɨdupsek dɨ yɨpɨlɨg dap nan gɨnɨgabal agak.
Mab sɨlup lup ak nɨŋɨd gos nɨgɨnɨmɨb
(Mak 13.28-31, Luk 21.29-33)
32 Jisas takaw olap agak, Mab sɨlup lup ak nɨŋɨd gos nɨgɨnɨmɨb agak. Mab okok sɨlup lɨl wos gaknɨŋ, mɨñɨl sub lɨnɨgeb agɨl nepɨm agak. 33 Jem 5.9 Anɨb ak tek, tap anɨb okok agebin ak gaknɨŋ nɨgɨnɨgabɨm, Bɨ Olap Ñɨne ownɨg gɨnɨgab ñɨn ak wulep mɨdeb, kanɨbtub wulep sɨŋak yenɨgab agak. 34 Mat 16.28, 23.36, Mak 13.30, Luk 21.32 Yad nɨbop nɨŋɨd agebin agak. Binɨb jɨj mɨñɨl mɨdebal adek awl ogɨnap yelaknɨŋ, tap anɨb okok mɨdupsek gek nɨŋɨd kɨdek kumnɨgabal agak. 35 Sng 102.26, Ais 40.8, Mat 5.18, Mak 13.31, Luk 21.33, Hib 1.11 Adekab sek, lum awl sek kul gɨnɨgab ak pen, takaw yad ak ma kul gɨnɨgab agak.
Bɨ Olap Ñɨne ñɨn akal ownɨgab ak ma nopun
(Mak 13.32-37, Luk 17.26-30, 17.34-36)
36 Sek 14.7, Apo 1.7, 1 Te 5.1-2 Pen Jisas takaw olap agak, Ñɨn akal akaŋ, won akal tap anɨb okok gɨnɨgab ak, binɨb okok ma nepal, ensel God man ne alaŋ mɨdebal okok ma nepal, Ñɨ abe ma nɨgup agak. Nap ne nokom nɨgup agak. 37 Stt 6.5-8 Bɨ Olap Ñɨne ownɨgab ñɨn anɨb ak, binɨb bɨlel Nowa yek ñɨn ak gak tek gɨnɨgabal agak. 38 Stt 6.3-5, Luk 17.26, 1 Pi 3.20 Nowa yek ñɨn anɨb ak, ñɨg ak binɨb okok kɨlop ma yu gak won ak, binɨb okok tap ñɨbɨlɨg, ñɨg ñɨbɨlɨg, bin penpen ñɨlɨg gɨ yelaknɨŋ, Nowa sip mɨgan ayaŋ amnak ñɨn ak agak. 39 Stt 7.6-24, 2 Pi 3.6 Pen kɨli tap olap gɨnɨgab agɨl gos ma nɨgɨlak agak. Anɨgɨl gos ma nɨgel, man awl yɨbɨl ak pakɨl, ñɨg wɨlɨk apɨl, binɨb anɨb okok kɨlop mɨdupsek dad amnak agak. Bɨ Olap Ñɨne ownɨgab ñɨn ak, anɨb ak tek nep gɨnɨgab agak. 40 Ñɨn anɨb ak, bɨ omɨŋal wog day yenɨgayl ak, God bɨ olap nop dɨl olap nop kelɨgɨnɨgab agak. 41 Pen bin omɨŋal bilet jɨmñɨl gɨ yenɨgayl ak, olap nop dɨl olap nop kelɨgɨnɨgab agak.
42 Mat 25.13, Mak 13.33, Luk 21.36 Anɨb ak, Bɨawl nɨbi ownɨgab ñɨn ak ma nepɨm tek, nɨgtep gɨl yenɨmɨb agak. 43 1 Te 5.2, 2 Pi 3.10, Lep 3.3, 16.15 Luk 12.39-40 Pen anɨb ak gos nɨgɨnɨmɨb agak. Bɨ kal nap nɨb ak, ne bɨ tap si dep ak won akal apeb agɨl nɨŋɨd nɨm, wɨsɨn ma kɨnɨl nɨg yek, bɨ tap si dep ak kal bog tɨkɨl kal mɨgan ma ownɨmuŋ agak. 44 Mat 25.13, 1 Te 5.6 Anɨb ak tek nɨbi abe nɨgtep gɨl yenɨmɨb agak. Mel ak, Bɨ Olap Ñɨne ma apeb agɨl, sawl gɨl yenɨgabɨm ñɨn ak ne ownɨgab agak.
Bɨ wog gɨñeb olap ne gos tep nɨgak agɨl takaw paladaŋ lɨl agak
(Luk 12.42-46)
45 Jisas takaw olap agak, Bɨ wog gɨñeb ak an gos tep yek, wog gɨtep yɨbɨl gɨnɨgab ak, bɨawl ne ak amnɨg gɨl nop agɨnɨgab, Binɨb wog gɨñeb yad okok kɨlop kod yenɨmɨn agɨnɨgab agak. Tap ñɨŋeb kɨlop okok bɨlok ñɨlɨg gɨ yenɨmɨn agɨnɨgab agak. 46 Lep 16.15 Kɨdek bɨawl ne adɨkɨd apɨl nɨgɨnɨgab, bɨ wog gɨñeb anɨb ak agɨnɨgab tek gek, nop dɨtep yɨbɨl gek mɨñmɨñ gɨnɨgab agak. 47 Mat 25.21-23 Yad nɨbop nɨŋɨd agebin, bɨawl ne nop agek tap anɨb okok mɨdupsek kod yenɨgab agak. 48 Pen bɨ wog gɨñeb anɨb ak, ne bɨ tɨmel mɨdeb tek, gos ne ke nɨŋɨd agɨnɨgab, Bɨawl yad ak kasek ma ownɨgab agɨl, 49 binɨb wog gɨñeb okok ayɨp wog gɨpal okok, kɨlop tapɨn pakɨnɨgab agak. Pakɨl, tap ñɨbɨl, ñɨg kɨles ñɨbɨl, bɨ ogɨnap ñɨg kɨles ñɨbɨl sawl lek mɨdebal okok ayɨp yenɨgabal agak. 50 Pen bɨawl ne ak kasek ma ownɨgab agɨl gos nɨgɨnɨgab ñɨn ak apɨl, 51 Mat 8.12, 25.30 nop tɨmel yɨbɨl gɨl, binɨb God nop gos nopun agɨl yepɨs yɨbɨl gɨpal okok, kɨli mɨdebal nab okok nop aglɨnɨgab agak. Pen binɨb mɨdebal anɨb okok ayɨp meg sulɨlɨg, chaŋ lɨlɨg yenɨgabal agak.
24:2 Jer 26.18, Mai 3.12, Luk 19.44
24:3 Mat 24.27, 24.37-39, Mak 13.3, 1 Te 5.1
24:4-5 Jer 14.14, 23.21, 23.25, Mat 24.23-24, Jon 5.43, Apo 5.36-37, 1 Jo 2.18
24:7 2 Sto 15.6, Ais 19.2, Hag 2.22, Sek 14.13, Apo 11.28
24:9 Mat 10.22, Mak 13.9, Luk 21.12, Jon 15.18-20, Apo 4.2-3, Lep 2.10, 2.13
24:10 Mat 11.6, 13.57, 2 Ti 1.15
24:11 Mat 7.15, 24.5, 24.24, Apo 20.29, 1 Ti 4.1, 2 Pi 2.1, 1 Jo 4.1
24:13 Mat 10.22, Mak 13.13, Hib 3.6, 3.14
24:14 Mat 9.35, 10.18, 28.19, Lom 10.18, Kol 1.6, 1.23
24:15 Dan 9.27, 11.31, 12.11
24:17 Luk 17.31
24:20-21 Dan 9.26, 12.1, Jol 2.2, Lep 7.14
24:22 Ais 65.8-9, Sek 14.2-3
24:23 Mat 24.5, 24.11, Mak 13.21, Luk 17.23, 21.8
24:24 Lo 13.1-3, Mak 13.22, 2 Te 2.8-9, Lep 13.13-14
24:26 Luk 17.23-24
24:27 Mat 24.37-39
24:28 Luk 17.37, 2 Pi 3.10
24:29 Ais 13.10, 34.4, Ese 32.7, Jol 2.10, 2.31, 3.15, Lep 6.12-13
24:30 Dan 7.13, Sek 12.10-14, Mak 13.26, Lep 1.7, 6.12-13
24:31 Ais 27.13, Mat 13.41, 1 Ko 15.52, 1 Te 4.16
24:33 Jem 5.9
24:34 Mat 16.28, 23.36, Mak 13.30, Luk 21.32
24:35 Sng 102.26, Ais 40.8, Mat 5.18, Mak 13.31, Luk 21.33, Hib 1.11
24:36 Sek 14.7, Apo 1.7, 1 Te 5.1-2
24:37 Stt 6.5-8
24:38 Stt 6.3-5, Luk 17.26, 1 Pi 3.20
24:39 Stt 7.6-24, 2 Pi 3.6
24:42 Mat 25.13, Mak 13.33, Luk 21.36
24:43 1 Te 5.2, 2 Pi 3.10, Lep 3.3, 16.15
24:43 Luk 12.39-40
24:44 Mat 25.13, 1 Te 5.6
24:46 Lep 16.15
24:47 Mat 25.21-23
24:51 Mat 8.12, 25.30