1 Jac'a rat Tito can otz ruc'utic tabana' cha re utzulaj enseñanza✡ 1 Ti 1.10; 6.3. chiquivach re hermanos. 2 Re rejeta'k tak achi'a' can-ta niquina' jabal re ye'quiban, conojel-ta ye'yi'o quik'ij, man-ta niquiya' k'ij cha re mac, tiquibana' confiar-qui' riq'uin re otz tak enseñanzas, que'jovan,✡ 2 Ti 3.10. y que'coch'on chuka'. 3 Quire' chuka' re rejeta'k tak ixoki',✡ 1 Ti 2.9; 1 P 3.3. ye'k'alajin-ta jabal chiquivach re vinak che can c'o-va quik'ij, man-ta ye'camalun tzij chiquij vinak, man-ta ye'k'abar, y niquic'ut-ta jun utzulaj c'aslen chiquivach re nic'aj chic. 4 Y chuka' tiquic'utu' chiquivach re k'apoji' tak ixoki', che que'quijo' re quichijlal y re cal,✡ 1 Ti 5.14. 5 che man tiquiya' k'ij cha re mac, tiquic'uaj jun c'aslen ch'ajch'oj, can-ta je samajel pa tak cachoch, otz tiquibana' quiq'uin conojel re vinak, que'quinimaj re quichijlal,✡ Col 3.18. chin che man tiyok' re ruch'abal re Dios.

6 Tabij chuka' chique re achi'a' re c'a je c'ajola', che man tiquiya' k'ij cha re mac. 7 Y chuka' rat nic'atzin che nojel tiempo tac'uaj jun c'aslen otz chin quire' nac'ut chiquivach andex che c'aslen re niquic'uaj reje'. Y tak ya'tijoj cha re ruch'abal re Dios, can ja ancha'l rubanon, can ja quire' re tac'utu'. Y chuka' taya' ruk'ij re ruch'abal re Dios. 8 Can tachajij-avi' jabal riq'uin re nabij tak yatijon,✡ 1 Ti 6.3. ronojel can ja rubixic tabana' cha, chin che man jun cosa nibex chij. Y re ye'tzelan chin re ruch'abal re Dios can xque'q'uixbitaj, roma man niquivel-ta andex niquibij chivij yex re yix hermanos.

9 Y re hermanos re c'o qui-patrón,✡ Ef 6.5; 1 Ti 6.1, 2. tabij chique che tiquinimaj quitzij, y man que'ch'olin cha re qui-patrón. Xa jabal tiquibana' cha ronojel samaj re nibex chique. 10 Y man que'lak' quiq'uin re qui-patrón. Y can otz tiquibana' cha ronojel, chin otz ye'tz'et coma conojel re vinak, y re vinak re' xtiquiya' ruk'ij✡ 1 Ti 6.1. re ruch'abal re Dios re nicola kachin chach re kamac.

11 Roma re Dios xutak-pa re Jesucristo vova' chach re ruch'ulef.✡ Jn 1.9. Y jare' re xbano chaka che konojel xojcolotaj chach re kamac yoj re yoj vinak, roma re Dios camas utzil c'o riq'uin. 12 Y chuka' nuc'ut chakavach che takaya' can ronojel re man nika-ta chach re Dios y ronojel re itzel tak rayibal chin re ruch'ulef. Re c'a yojc'o vova' chach re ruch'ulef, man takaya' k'ij cha re mac, xa takac'uaj jun c'aslen choj,✡ Lc 1.75. jun c'aslen re nika chach re Dios. 13 Roma kayaben re k'ij tak xtipa chic jun bey re Jesucristo.✡ Col 1.5, 23; 3.4. Y can yojqui'cot kayaben re k'ij re'. Y jare' tak xtik'alajin ruk'ij re namalaj ka-Dios y re Jesucristo re xcola kachin chach re kamac. 14 Reja' man xupokonaj-ta chin xquimisas pa kaq'uixel, chin che xojrucol✡ Ex 15.16. chach ronojel rach mac y chin chuka' xuch'ojersaj re kac'aslen.✡ Mal 3.3; Mt 3.12; Hch 15.9; He 9.14; Stg 4.8. Quire' xuban chin che re xojniman richin xojoc chin reja'.✡ Dt 7.6; 14.2. Y reja' nrajo' che niba kánma chubanic re otz.

15 Ca'tijoj re nic'aj chic cha ronojel re'. Tabij chique re otz quic'aslen quic'uan, che man tiquiya' can. Y re itzel quic'aslen, tabij chique che tiquiya' can re itzel c'aslen re'. Man taxibij-avi' naban quire', roma ja re Dios ya'yon re samaj re' chava. Y reje' can yatquinimaj.✡ 1 Ti 4.12.