36
Iso orumburumbuye
1 Iso orumburumbuye tha na tha utuutuninjiya iyake. Tembe idaeva Idom.
2 Iso le ovo thiye Kenan wanakauniye. Le ovo theuto: Ada, Oholibama na Basimata. Ada ramae iye Het loloniye regha idae Elon. Oholibama ramae idae Ana na rumbuye ghɨmoru idae Sibiyon, iye Hivi loloniye. 3 Basimata ramae idae Ismel na louye idae Nebaiyot.
4 Iso na le ovo thɨ ghambɨŋgi ghɨmoghɨmoruke thiyake. Ada i ghamba Elipas, Basimata i ghamba Riyuwel, 5 na Oholibama i ghambɨŋgiya Jeus, Jalam na Kora. Gamagaike thiyake le ovo thɨ ghambɨŋgi mbaŋa mbe inanji vara Kenan e tɨne.
6 Iso i vaŋguŋgiya le ovo, le ŋgaŋga ghɨmoghɨmoru na wanakau, na gharɨgharɨko wolaghɨye e ghayayaoko tɨne, tembe ŋgoreiyeva le sip na gout, burumwaka na doŋɨki na le bigibigiko wolaghɨye va i mbanɨvathavatha Kenan e tɨne. I iteta valɨvaŋgako iyako na i wa e valɨvaŋga regha seiwo i bwagabwaga weya ghaghae Jeikob. 7 Iso na Jeikob lenji bigibigiko vama lemoyo moli na maa tembe valɨkaiwanjiva thɨ yaku na regha. Lenji thetheghanɨko va thɨ ghanagha moli na thelauko va thɨ yakuŋako mava nana i pokuwe lenji thetheghanɨko kaiwanji. 8 Iya kaiwae Iso, mbowo va thɨ unova idae Idom, ve yaku e bobokulu thivathivaniye idae Seir.
Iso orumburumbuye inanji Seir
9 Iyake Iso orumburumbuye tha na tha utuutuninji. Amalaghɨniye Idom gharɨgharɨniye rumbunji, thiya yaku Seir, bobokulu thivathivaniye e tɨne.
10 Iso le ŋgaŋga idanji thiyake:
Elipas, Iso levo Ada nariye, na Riyuwel, Iso levo Basimata nariye.
11 Elipas le ŋgaŋgaŋgiya:
Timan, Oma, Sepo, Gatam na Kenas.
12 Iso nariye Elipas vambe le rakakaiwo wevova idae Timna. Vambe i ghambɨva weiye na nariye idae Amalek. Theghewonake thiyake Iso levo Ada orumburumbuyeŋgi.
13 Iso nariye Riyuwel le ŋgaŋga theghevarɨ:
Nahat, Sera, Sama na Misa. Thiyake Iso levo Basimata orumburumbuyeŋgi.
14 Iso levo Oholibama, iye Ana yawarumbuye na iye tembe Sibiyon rumbuyeva. Va i ghambɨ weiye Iso le ŋgaŋgaŋgiya thiyake:
Jeus, Jalam na Kora.
15-16 Idom gharɨgharɨniye na lenji randeviva thiya rimbun weya Iso thiyake:
E tɨnenji va Elipas, iye Iso nariye virɨviva, orumburumbuyeŋgi.
Randevivaŋgike thiyake: Timan, Oma, Sepo, Kenas, Kora, Gatam na Amalek. Thiyake Iso levo Ada orumburumbuyeŋgi.
17 Wabwike thiyake thɨ rimbun weya Iso nariye Riyuwel:
Nahat, Sera, Sama na Misa. Thiye Iso levo Basimata orumburumbuyeŋgi. Te vambe thɨ yakuva Idom e tɨne.
18 Wabwike thiyake, Jeus, Jalam na Kora, va thɨ rimbun weya Iso levo Oholibama, iya tɨnae idae Ana.
19 Thiyake va Iso onanariyeŋgi na wabwi regha na regha va thɨ rimbun weŋgi.
20 Thiyake Seir orumburumbuyeŋgi thɨ mena wabwi Hor e tɨne, thiya yakukai e valɨvaŋgake iyake:
Lotan, Sobal, Sibiyon, Ana, 21 Dison, Esa, na Disan. Iya Seir orumburumbuyeke thiyake inanji Idom na thiye Hor gharɨgharɨniye lenji randevivaŋgi.
22 Lotan le ŋgaŋgaŋgiya ghɨmoghɨmoruke thiyake:
Hori na Homam. Na Lotan louye idae Timna.
23 Sobal le ŋgaŋgaŋgiya ghɨmoghɨmoruke thiyake:
Alvan, Manahat, Ibal, Sipo na Onam.
24 Sibiyon le ŋgaŋga ghɨmoghɨmoruke thiyake:
Aiya na Ana. Ana iye va i vaidiya mbwarowou i dayagha e vuruvuru vwatavwata e tɨne mbaŋaniye i njimbukikiŋgiya ramae Sibiyon le doŋɨki.
25 Ana le ŋgaŋga thiyake:
Dison na Oholibama, elaghɨniye Ana yawarumbuye.
26 Dison le ŋgaŋga ghɨmoghɨmoruke thiyake:
Hemdan, Esban, Itɨran na Karan.
27 Esa le ŋgaŋga ghɨmoghɨmoruke thiyake:
Bilhan, Saavan na Akan.
28 Disan le ŋgaŋga ghɨmoghɨmoruke thiyake:
Us na Aran.
29-30 Thiyake randevivaŋgi Hor gharɨgharɨniye e tɨnenji:
Lotan, Sobal, Sibiyon, Ana, Dison, Esa, na Disan. Thiye va thɨ mbaro weŋgiya Hor gharɨgharɨniye Seir e tɨne.
Rambarombaro Idom e tɨne
31 Amba muyai Isirel gharɨgharɨniye va e lenji kiŋ, Idom e tɨne kiŋ vama inanjiwe thɨ mbaro. Iya idaidanjiyake:
32 Bela, iye Beor nariye. Va ina e ghemba Dinhaba na i mbaro Idom e tɨne.
33 Mbaŋa Bela i mare, Jobab iye Sera nariye i mena e ghemba idae Bosra kaero i rothɨghɨva.
34 Mbaŋa Jobab i mare, Husam iye i ri e valɨvaŋga regha idae Timan kaero i rothɨghɨva.
35 Mbaŋa Husam i mare, Haded, iye Beded nariye kaero i tabona kiŋɨva. Va i kivwalaŋgiya Midiyan gharɨgharɨniye Mowab e tɨne. Va i yaku e ghemba idae Avit na i mbarowe.
36 Mbaŋa Haded i mare, Samla kaero i rothɨghɨva. Iye i mena e ghemba regha idae Masreka.
37 Mbaŋa Samla i mare, Saul kaero i rothɨghɨva. Va i yaku e ghemba regha idae Rehobot ina e walaghɨta* Walaghɨtake iyake mbwata idae Yupreitis. ghadidiye.
38 Mbaŋa Saul i mare, Baal-Hanan kaero i rothɨghɨva. Iye Akba nariye.
39 Mbaŋa Baal-Hanan, Akba nariye, i mare, Haded kaero i rothɨghɨva na i tabo kiŋ. Va i yaku e ghemba regha idae Pau. Levo idae Mihitabel, Matred yawarumbuye na rumbuya Me-Saheb.
40-43 Wabwike thiyake ghanji riuriu rɨgheya Iso. Lenji randevivaŋgi Timna, Alva, Jetet, Oholibama, Ela, Pinon, Kenas, Timan, Mibɨsa, Magɨdiyel na Iram. Thiyako thɨ yaku Idom e tɨne. Na ghambanji thivathivaniye idaidanji thɨ mena weya lenji randeviva idaidanji.
Gharɨgharɨke thiyake ghanjiwabwi rɨghe Iso, Idom gharɨgharɨniye orumburumbunji.