10
Nowa le ŋgamaŋgama na orumburumbunjiŋgi
1 Riuriuke iyake Nowa le ŋgaŋga — Sem, Ham na Jepet orumburumbunji utuutuninji. Thenjighetoke iyake va thɨ ghambɨ na lenji ŋgamaŋgama thothoko e ghereiye.
Jepet orumburumbuyeŋgi
2 Jepet le ŋgaŋgaŋgiya:
Goma, Magog, Madai, Javan, Tubal, Mesek na Tiras.
3 Goma le ŋgaŋgaŋgiya:
Asɨkenas, Ripat na Togama.
4 Javan le ŋgaŋgaŋgiya:
Ilaisa, Tasis, Kiti na Roda. 5 Gharɨgharɨke thiyake orumburumbunji thiya yaku e njighɨ ghadidiye na e raurauŋgi Meditareiniyan Njighɨ ele valɨvaŋga. (Thiyake Jepet orumburumbuyeŋgi.) Tomethi u na u na vanautumaŋgi thiya yaku, na wabwi na wabwi mbe ghalɨŋanji.
Ham orumburumbuyeŋgi
6 Ham le ŋgaŋgaŋgiya:
Kus, Ijipt, Put, na Keinan.
7 Kus le ŋgaŋgaŋgiya:
Siba, Havila, Sabta, Rama na Sabteka.
Rama le ŋgaŋgaŋgiya:
Siba na Didan.
8 Ko Kus nariye regha Nimrod. Iye va lolo vurɨvurɨghegheniye na ragagaithɨ e yambaneke. 9 Kaiwae Loi va i thalavu, iye va rawowoidi laghɨye na thovuye moli, iya kaiwae gharɨgharɨ mbaŋa thɨ utuŋa lolo regha, thɨŋa, “Iye ŋgoreiya Nimrod rawowoidi laghɨye na thovuye moli iye Loi va i thalavu.” 10 Va i viva le ghamba mbaro Babilon, Uruk, Akad na Kalne inanji Babiloniya e tɨne. 11 I ri e valɨvaŋgako iyako amba i wa Asiriya na ve vatadɨŋgiya ghembaghembake thiyake: Ninive, Rehobot Irɨ, Kala 12 na Risen, ina Ninive na Kala e ghanjilughawoghawo, iye ghemba laghɨye regha.
13 Ijipt orumburumbuye iya gharɨgharɨniye thiya yaku e ghembaghembake thiyake: Lud, Anam, Lehab, Nepɨtu, 14 Patɨrus, Kaslu na Kurit. Pilistiya gharɨgharɨniye thiye thɨ rimbun Kaslu.
15 Keinan nariye virɨ viva Saidon na Hiti i virɨ reghamba. 16 Keinan vambe orumburumbuyeŋgiva gharɨgharɨŋgike thiyake: Jebusi, Amori, Gigasi, 17 Hivi, Aki, Saini, 18 Aved, Jemari na Hamati.
Va muyai amba Keinan ghe u thɨ meila 19 na lenji valɨvaŋga, i ri Saidon ve wo Gera ele valɨvaŋga na ve wo Gaja, e boimako i wa Sodom, Gomora, Adma na Seboyim na gheghad Lasa.
20 Gharɨgharɨŋgike thiyake Ham orumburumbuyeŋgi. Uuŋgike thiyeke vambe e lenji ghambayaku na mbe tomethi ghalɨŋanji.
Sem orumburumbuyeŋgi
21 Sem iye ghaghae laghɨyeninji Jepet. Sem orumburumbuyeŋgiya Eba gharɨgharɨniyeŋgi.
22 Sem le ŋgaŋgaŋgiya:
Ilam, Asur, Apaksad, Lud na Aram.
23 Aram orumburumbuyeŋgiya:
Us, Hul, Gethe na Mes.
24 Apaksad nariya Sila na Sila nariya Iba.
25 Iba le ŋgamaŋgama thenjighewo:
Regha idae Peleg, kaiwae amalaghɨniye va ghe mbaŋa e tɨne yambaneke gharɨgharɨniye thɨ meghaghathɨ na thɨ yala; na nariye theghewoniye idae Joktan.
26 Joktan orumburumbuyeŋgiya:
Almoded, Selep, Hesamavet, Jera, 27 Hadoram, Usal, Dikla, 28 Obal, Abimael, Siba, 29 Opi, Havila, na Jobab. Thiyake thɨ rimbun weya Joktan.
30 Gharɨgharɨŋgike thiyake va vethɨ yayaku Mesa na Sepa e ghanjilughawoghawo, inanji e boimako na valɨvaŋgako iyako mbe bobokulu eŋge.
31 Gharɨgharɨke thiyake Sem orumburumbuyeŋgi. Thɨ yaku tomethi wabwi na u, na tomethi mbe lenji valɨvaŋga na ghalɨŋanji.
32 Gharɨgharɨŋgike vara thiyake Nowa mbe orumburumbuyeŋgi eŋge, tomethi mbe ghambanji, tomethi mbe lenji wabwi na uu. Thothoko va e ghereiye vanautumake wolaghɨye e yambaneke va thɨ rimbun weŋgi vara Nowa le ŋgaŋga.