26
Awakangasi awa ediini eya Awayaudi wagala okuita Yesu
(Mari 14:1–2; Luuk 22:1–6)
1 Olwa Yesu yamala okuwoola ewintu wino, yalaga awalonzi waae otino, 2 “Mumanyire mbwe gakiari amiire awiri, omugomo ogwa *Pasaaka gutuuke. *Omuzia owa Omuntu aaza okuteewua mu amakono aga awantu awaaza *okumuwamba ku omusalaaba.” Mari 8:31
3 Awakangasi awa *awoozia na *awagaaka awa *Awayaudi waaikumia alala ku omugizi ogwa Omukangasi omunene owa awoozia owaetwanga mbwe Kaifa, Luuk 3:2; Yowa 11:49; 18:13, 24; Awat 4:6 4 okuagala engira eya okuamba Yesu owuiwisi wamuite. 5 Na aweene waawoola watino, “Ngatuesa okumuamba mu omugomo guno yaaya, aeniki awantu waaza wareeta erioga.” Math 21:46
Yesu afukirweko amavuta aga iguzi eria kungulu
(Mari 14:3–9)
6 Ni Yesu yawanga ku omugizi ogwa Bethania, mu enyumba eya omuntu owaetwanga mbwe Simioni, omuntu owawanga no owugenge kale, 7 omukazi wundi yamuuzako ni ichupa eria amavuta agawunya esaami kandi aga iguzi eria kungulu ino. Omukazi oyo yatoola *amavuta ago afuka ku omutwe ogwa Yesu owawanga na aigoloole na aria ku emeesa.
8 Olwa awalonzi waae waawona ekiaikola ekio, waawurra uwiiwi ino. Waawuuzia watino, “Omukazi ono aona amavuta gano otino kolaki? 9 Amavuta gano gakaguziiwue ku iguzi eria kungulu kandi amasendi gaeewue awataka.”
10 Yesu yamanya ekintu kino kutio yawalaga otino, “Munyaasia omukazi ono kolaki? Ankoriire ekintu ekilootu ino. 11 Awataka mukiaza okuwa nawo amiire goona, ni inze ngamuuza okuwa ni inze amiire goona. Owuiz 15:11 12 Olwa amfukreko amavuta gano, akorre otio kugere omuwiri gwange guikagre owuawizi. 13 Mbalaga kuwuene mbwe asi-uasi aa *injiili eno eeza okulanziwua mu ekialo kiona, ekia omukazi ono akorre kino kiiza okugamba-gambwako, na awantu wamuingirizia.”
Yudaasi aganyire okuguzia Yesu
(Mari 14:10–11; Luuk 22:3–6)
14 Nikuemao omulala ku awalonzi ikumi ni wawiri, ku eriina Yudaasi Iskarioti yafuma agia ku awakangasi awa awoozia 15 awawuuzia otino, “Niki ekia muuza okumpa ni muteere mu amakono giinyu?” Kutio waamuwalra efeedha amakumi asatu wamu-aa atoola. Okuf 21:32; Zaka 11:12 16 Okuemera nyanga olwo, Yudaasi yatanika okuagala iwaga ilungi eria okumuta mu amakono gaawu. Yowa 11:57; 13:2
Okuikagra omugomo ogwa Pasaaka
(Mari 14:12–16; Luuk 22:7–13)
17 Owuire owusookere mu *omugomo ogwa Omukaati ogutazogrwe na amamera, awalonzi awa Yesu waamuuzako waamuwuuzia watino, “Omwami, na ai aa wagala mbwe tukuikazizie Pasaaka orie?”
18 Yawairania mbwe, “Mugie mu omugizi* Omugizi ogwa Yerusaleemu. guuria ku omuntu wundi ao mumulage mbwe, ‘Omugerezi awoorre ti: Enyinga ezia nyateerwa ziri ampi. Inze na awalonzi wange tuuza okuria omugomo ogwa Pasaaka omwao.’ ” 19 Kutio awalonzi waae waakola kiomo Yesu yawalaga, wagia wamuikazizia Pasaaka.
Yesu awoorre ooza okumuguzia
(Mari 14:17–21; Luuk 22:21–23; Yowa 13:21–25)
20 Olwa kwatuuka igulo, Yesu yawanga na aigoloole na aria na awalonzi waae ikumi ni wawiri ku emeesa. 21 Kandi ni waarianga, yawalaga otino, “Mbalaga kuwuene mbwe omulala ku inywe aaza okunguzia.”
22 Waawurra uwiiwi ino kandi watanika okumulaga omulala-lala mbwe, “Kuwuene oyo ngʼani inze yaaya Omwami?”
23 Yesu yairania na awoola mbwe, “Omuntu oiniizie omukaati ni inze mu oludaawo ono, nio ooza okunguzia. Zabu 41:9 24 Omuzia owa Omuntu aaza okufwa aemeo mala kiomo kwajojwa ku iye. Ni kuriweera omuntu omuguziizie wululu ino! Kukaweere geeza ku iye, ni yareka okuiwulwa.” Isaa 53:8–9; Math 18:7; Luuk 24:26–27
25 Nikuemao Yudaasi owagianga okumuguzia yamulaga otino, “Omugerezi, kuwuene ngowoola mbwe oyo ni inze, yaaya?”
Yesu yamuirania mbwe, “Ee, ni iwue mala kiomo omwene owoorre.” Yowa 13:2, 21–30
Amasaai aga endagano empia
(Mari 14:22–25; Luuk 22:19–20; 1Kori 11:23–25)
26 Ni waarianga, Yesu yatoola omukaati aikazia Katonda, agugenyula nikwo agu-aa awalonzi waae na awalaga otino, “Mutoole murie. Guno no omuwiri gwange.”
27 Nikuemao yatoola ekikombe, aikazia Katonda nikwo aki-aa awalonzi waae na awalaga otino, “Mutoole munywere ekikombe kino inywe mwona. 28 Gano na amasaai gange aga *endagano, agafukwa kugere Katonda arekere awantu awangi amawi gaawu. 1Kori 10:16; 11:23–26 Okuf 24:6–8; Zaka 9:11; Mari 14:24; Awaib 9:20; 10:29; 13:20 29 Mbalaga mbwe ngʼanyiza okunywa edivaai eema ku ensaafu eya *omuzabiibu kandi, nawuno kutuuke olwa ndirinywa edivaai empia mu owuami owua Soifu Katonda.”
Yesu awoorre mbwe awalonzi waae waaza okumurumuka
(Mari 14:26–31; Luuk 22:31–34; Yowa 13:36–38)
30 Olwa waamala okuemba olwembo otino, waafuma ni wawariire ekigiri ekia *Zaituuni. Luuk 22:39
31 Nikuemao Yesu yawalaga otino, “Owuire wuno ni wukiari okukia, kirio ekintu ekigia okunyiikorra, ekiiza okugera inywe mwona mundumuke. Ni kutio mala kiomo kwajojwa mbwe:
“ ‘Nyiza okuita omwayi,
kandi amagondi agari mu olwizo, gaaza okutanyika.’† Zaka 13:7 Math 26:56; Yowa 16:32
32 Ni, ni Katonda amiire okunziusia, nyiza okukangata emberi iinyu, ngie Galiili.” Math 28:7, 10, 16
33 Petro yamuirania mbwe, “Omwami, namba na awandi woona wakurumuuke, inze nanyiza okukurumuka, yaaya.”
34 Yesu yamuirania otino, “Nkulaga kuwuene mbwe owuire owua turiko wuno, ooza okulowa kasatu mbwe ngomanyire, engoko ni zikiari okulagula.”
35 Ni Petro iye yamulaga mbwe, “Namba ni kuri okufwa ni iwue, nanyiza okukulowa, yaaya.” Kandi awalonzi waae wandi woona waawoola watio. Luuk 22:34–35; Yowa 13:36–38
Yesu asawa Gethsemaani ku ekigiri ekia Zaituuni
(Mari 14:32–42; Luuk 22:39–46)
36 Nikuemao Yesu na awalonzi waae waagia watuuka asi aetwa mbwe Gethsemaani. Yesu yawalaga otino, “Muikale ano, inze ngia okusawa aaria.” 37 Yatoola Petro na awazia wawiri awazia awa Zebeedi agia nawo. Yatanika okuwurra owululu kandi okuinyaasia ino mu omwoyo gwae. 38 Nikuemao yawalaga mbwe, “Mpurra owululu mu omwoyo gwange ino, aa wuagala okunzita. Muweere ano kandi muwe amiiso alala ni inze.”
39 Yesu yagia emberi wutono nikwo agwa amafunikira kandi asawa otino, “Soifu, ni kuesekana, ganya ekikombe ekia eminyako-nyaako kino kimbite. Ni kutaaza kwawa ku okuagala kwange yaaya, ni kuwe kiomo omwene wagala.” Math 6:10; 20:22; Yowa 18:11; Awaib 10:9
40 Yairana ku awalonzi waae atuukra ni wagona. Kutio yawuuzia Petro otino, “Okuwa amiiso ni inze namba ku enyinga endala engʼene kuwakirre? 41 Muwe amiiso kandi musawe kugere mutagwa ni mugeezaniwua. Omwoyo guagala, no omuwiri mudewenyu.” Math 6:13; Efee 6:18; 1Pet 5:8
42 Yawareka kandi olwa okuwiri agia asawa otino, “Soifu, ekikombe ekia eminyako-nyaako kino ni kuesekana okitooleo ntakinyweramo, ni reka okuagala kwao kuikole.” Math 6:10
43 Olwa yawairanako kandi, yawatuukra ni wagona, aeniki amiiso gaawu gaawanga amazito. 44 Kutio yawareka agia okusawa kandi olwa okusatu na awoola mala amangʼana amalala ago. 2Kori 12:8
45 Nikuemao yairana ku awalonzi waae awalaga otino, “Owuo mukiagona, kandi muigoloole muwuluuka? Muwone, enyinga ziri ampi ezia Omuzia owa Omuntu aaza okuguziwua ateewue mu amakono aga awooni. Yowa 12:23; 13:1; 17:1 46 Mulamuke tugie! Omuguzi wange nguno aaza!” Luuk 5:16; Awaib 5:7–8
Yesu aguziiwue kandi a-ambrwe
(Mari 14:43–52; Luuk 22:47–53; Yowa 18:1–11)
47 Yesu ni yawanga na akiagamba-gamba, Yudaasi omulala ku awalonzi ikumi ni wawiri yawatuukako, na ari no omurima ogwa awantu awagingre emiambe egia olugangala ne ewirungu. Awantu wano waawanga ni watumirwe na awakangasi awa awoozia alala na awagaaka awa *Awayaudi okuuza okuamba Yesu. 48 Kuno kwatuukra no omuguzi yawanga na amiire okuwurzania nawo mbwe, “Omuntu owa munawona ni nuunre, niye. Mumuambe, mugie nae.” 49 Yudaasi yagia ku Yesu owuigoloole, amulaga otino, “Oikaziwue Omugerezi,” nikuemao amunuuna.
50 Yesu yamuirania mbwe, “Omwiko wange, kino nikio ekikureetre ano?”
Nikuemao awantu awo waaza emberi, wa-amba Yesu. 51 Okwo kwagera omulala ku awalonzi waae yaira okukono, azomola omwambe gwae ogwa olugangala, aguta ku owemirimo owa Omukangasi omunene owa awoozia, amukewa okutwi kuwuera ansi chee.
52 Yesu yamulaga otino, “Irania omwambe mu ensawo yagwo! Awantu woona awalwana no olugangala waaza okuitwa no olugangala. 53 Kusi oingirizia mbwe ngʼanyesa okueta Soifu kandi wuangu-wuangu ampe emiganda egikirre ikumi ni iwiri egia *enyankoi? 54 Ni, ni nkorre otio, endagano ewoola mbwe wino paka winyiikorre, ekatuusiwua otie?”
55 Ku enyinga ezio, Yesu yalaga omurima ogwo otino, “Munyiziire ne emiambe egia olugangala ne ewirungu ki awagia okuamba omukangasi olwania esirikaali otino kolaki? Nyamiire okuwa ni nyikala ni inywe mu olwanyi olwa *ekaalu ni ngerera owuire ki owuire, mutampamba? 56 Ni kino kiikorre kugere amangʼana aga *awagambi awa Katonda waajoja gatuuke kuwuene.” Nikuemao awalonzi waae woona waarumuka wamureka. Math 26:31; Luuk 24:44
Yesu airrwe ku oluwuga olwa awagaaka
(Mari 14:53–65; Luuk 22:54–55, 63–71; Yowa 18:12–14, 19–24)
57 Awantu awa-amba Yesu wano, waamutoola wamuira ku Kaifa Omukangasi omunene owa awoozia. *Awagerezi awa endagirra na awagaaka waawanga ni waikumiizie aa Kaifa. 58 Ni Petro yamulonda enyima ale wutono nawuno watuuka ku olwanyi olwa Omukangasi omunene owa awoozia. Yaingira aikala na awarinzi okuwona ekiagianga okuikola.
59 Awakangasi awa awoozia no *oluwuga olwa awagaaka awa Awayaudi, waagarizia amangʼana ku awawoni awa owuweeyi agawaesanga okuingirra Yesu nago kugere akengerwe ekiina ekia olumbe. 60 Ni ngawakatuukra, kukawa mbwe awawoni awangi awa owuweeyi waaza emberi wawoola amangʼana gaawu.
Owutuukre wawiri waaza emberi 61 wawoola watino, “Omuntu ono yawoola mbwe, ‘Nyesa okuona ekaalu eya Katonda kandi ngiomboke ku amiire asatu.’ ” Yowa 2:19
62 Nikuemao Omukangasi omunene owa awoozia yaimerra alaga Yesu otino, “Ngoirania ingʼana ku ewintu ewia wakuwoolako wino, kolaki?” 63 Ni Yesu yasarigira-usarigira kiri.
Omukangasi owa awoozia yamulaga otino, “Ifuuwa ku eriina eria Katonda omulamu mbwe ni iwue *Meesia Omuzia owa Katonda.”
64 Yesu yamuirania otino, “Ee, kuri mala kiomo iwue omwene owoorre mbwe ni inze. Ni mbalaga inywe mwona mbwe muuza okuwona Omuzia owa Omuntu na aikaale nyakukono okusaaza okwa Katonda aa amaani gari, kandi na aaza ku amare aga ku igulu.” Dani 7:13; Mari 12:36; 13:26
65 Nikuemao Omukangasi omunene owa awoozia yatandula enguwo yaae na awoola otino, “Omuntu ono aifwanania ni Katonda! Tuagarraki omuwoni wundi kandi? Ee, aweene muema okumuwurra na aifwanania ni Katonda. Awal 24:16; Yoel 2:13; Yowa 10:33; 19:7 66 Inywe muingirizia mutie ku amangʼana gano?”
Waamuirania mbwe, “Asugre no olumbe.”
67 Nikuemao waamufuuzako amate ni wamukuba ewifunzi, na awandi ni wamukuba empiu Isaa 50:6; 53:5; Math 27:30 68 ni wamulaga mbwe, “Tulageeko amangʼana aga owugambi, iwue Meesia. Okukubre naanu?” Math 21:11
Petro alowa mbwe ngamanyire Yesu
(Mari 14:66–72; Luuk 22:54–65; Yowa 18:25–27)
69 Kwatuukra Petro na aikaale enze ku olwanyi, olwa owemirimo owekiala yamugiako awoola otino, “Iwue oona wawanga ni Yesu Omugaliili ono.”
70 Ni Petro yalowa ingʼana erio emberi wa awaawanga ao woona na awoola mbwe, “Namanyire ekia owoola, iwue.”
71 Nikuemao yafuma agia ku ekikulo, aa owemirimo owekiala wundi yamuwona kandi alaga awantu awaawanga ao otino, “Omuntu ono yawanga ni Yesu Omunazareeti.”
72 Petro yalowa amangʼana ago na aifuuwa mbwe, “Inze namanyire omuntu ono!”
73 Ne enyinga entwini ziamala okuwita, awantu awaawanga ni waimeriire ao waagia ku Petro wamulaga otino, “Kuwuene ori omulala ku iwo, aeniki namba kiomo onawula amangʼana kwona kukuamba.”
74 Nikuemao yatanika okuifuuwa omwene na aria endagano na awalaga otino, “Awiifu inze omuntu ono, namumanyire, yaaya!”
Ao-ao, engoko yalagula. 75 Nikuemao Petro yaingirizia ingʼana eria Yesu yaa na awoorre mbwe, “Engoko ne ekiari okulagula, ooza okulowa kasatu mbwe ngomanyire.” Yafuma enze kandi arra wululu ino. Math 26:34
26:2 Mari 8:31
26:3 Luuk 3:2; Yowa 11:49; 18:13, 24; Awat 4:6
26:5 Math 21:46
26:11 Owuiz 15:11
26:15 Okuf 21:32; Zaka 11:12
26:16 Yowa 11:57; 13:2
*26:18 Omugizi ogwa Yerusaleemu.
26:23 Zabu 41:9
26:24 Isaa 53:8–9; Math 18:7; Luuk 24:26–27
26:25 Yowa 13:2, 21–30
26:28 1Kori 10:16; 11:23–26
26:28 Okuf 24:6–8; Zaka 9:11; Mari 14:24; Awaib 9:20; 10:29; 13:20
26:30 Luuk 22:39
†26:31 Zaka 13:7
26:31 Math 26:56; Yowa 16:32
26:32 Math 28:7, 10, 16
26:35 Luuk 22:34–35; Yowa 13:36–38
26:39 Math 6:10; 20:22; Yowa 18:11; Awaib 10:9
26:41 Math 6:13; Efee 6:18; 1Pet 5:8
26:42 Math 6:10
26:44 2Kori 12:8
26:45 Yowa 12:23; 13:1; 17:1
26:46 Luuk 5:16; Awaib 5:7–8
26:56 Math 26:31; Luuk 24:44
26:61 Yowa 2:19
26:64 Dani 7:13; Mari 12:36; 13:26
26:65 Awal 24:16; Yoel 2:13; Yowa 10:33; 19:7
26:67 Isaa 50:6; 53:5; Math 27:30
26:68 Math 21:11
26:75 Math 26:34