5
1 Omukangasi omunene owa *awoozia ki Omukangasi omunene owa awoozia alowolwa agati ya awantu. Emirimo giae giri okuwaimerra ku amangʼana aga-ambaane ni Katonda, okufumizia Katonda ewintu ewia awantu wafumiizie, alala no okukola emisango, ku owuoni owua awantu wakorre. 2 Awa na amasaasra na awantu awawula no okumanya na awarekere engira endamu, aeniki iye oona ari no owugata mala kiomo awantu awa aindengʼera awo. Awaib 2:17–18; 4:15; 7:28 3 Ekio nikio ekigera ni kumunigirizia mbwe paka afumie omusango ku owuoni wuae omwene, alala no owuoni owua awantu. Awal 9:7; 16:6; Awaib 7:27; 9:7 4 Awulao omuntu ooza yawa Omukangasi omunene owa awoozia mala ku okuagala mbwe atuukre owunene owuo, yaaya. Ni paka aetwe ni Katonda okukola emirimo egia owuozia mala kiomo Aruuni yaetwa. Okuf 28:1
5 *Kristo oona ngakaitwika owunene owua okuwa Omukangasi omunene owa awoozia. Ni, ni Katonda nio owamulaga mbwe,
“Ori Omuzia wange;
6 Kandi ansi andi yoona Katonda yawoola otino,
“Iwue ori omuozia amiire goona,
mala kiomo Melkizedeeki.Ӡ Zabu 110:4 Awaib 6:20
7 Mu amiire aga Yesu yawanga ku ekialo kuno, yasawanga kandi yaisasaama Katonda, owaesanga okumununula mu olumbe, no omwoyo ogwa kungulu amaziga ni gamuyooka. Kandi okusawa kwae kwatuuka aeniki yasawanga Katonda no owuti owungi. Mari 14:32–42 8 Kukawa mbwe Yesu yawanga Omuzia owa Katonda otio, ni yaigerera okuwa omuntu ori no owuti ni kuwitra ku eminyako-nyaako egia yawitamo Filiip 2:8; Awaib 3:6; 4:15 9 kandi olwa yamala okuteewua awa omuntu osugre owulako embala, yairana awa omuntu owa awantu awamuere owuti woona watuukrako owuinunuzi owuira awantu mu owulamu owutariwua. Awaib 7:27 10 Kandi Katonda yawoola mbwe Yesu nio Omukangasi omunene owa awoozia mu engira efwana ne eya Melkizedeeki. Awaib 4:14; 6:20
Okusiagiziwua ku okureka okuwa no okuganya ku Kristo
11 Turi na amangʼana amangi aga tuesa okuwalaga ku amangʼana gano, ni ngakuri kunyoowu okugawoola goona gawaingirre aeniki okuigerera kwinyu kugia mpola. 12 Kuwuene, kukawa mbwe nyingeeno mwona kusugaane kuwe mbwe muri awagerezi, ni mukia-agala okugererwa owuyia, engerera enyoowu ezitanikwa nazio mu okumanya amangʼana aga Katonda. Mukia-agala okunywa mala amaweere ki awaana awakiari awangʼengʼe, ni ngʼano okuria okukalu yaaya! 13 Omuntu-umuntu okiamenyere ku okunywa mala amaweere, iye akiari omwana muto kandi kiwulao ekia amanyire ku igerera eriri ku owuigolovu. 1Kori 3:1–2; 1Pet 2:2 14 No okuria okukalu, no okwa awantu awamiire okuwa awantu wakulu, awa ku okunala no okuria okuria okwo, wamiire okuigerera aweene okugawula ewintu ewilootu ne ewiwiiwi. Awaru 16:19; 1Kori 14:20; Efee 4:14; Awaib 13:9
5:2 Awaib 2:17–18; 4:15; 7:28
5:3 Awal 9:7; 16:6; Awaib 7:27; 9:7
5:4 Okuf 28:1
*5:5 Namba nkulagaane ki Omuzia wange.
†5:5 Zabu 2:7
5:5 Awaib 1:5
†5:6 Zabu 110:4
5:6 Awaib 6:20
5:7 Mari 14:32–42
5:8 Filiip 2:8; Awaib 3:6; 4:15
5:9 Awaib 7:27
5:10 Awaib 4:14; 6:20
5:13 1Kori 3:1–2; 1Pet 2:2
5:14 Awaru 16:19; 1Kori 14:20; Efee 4:14; Awaib 13:9