11
Uraata ru to Maaron tipariaaŋ saveeŋ tooni
1 Murei ra, tigham leg ai ee to tovaaŋ gabua, ve tisaav payau tighe: “Ula utoov Rumei Tiina tomania artaal, ve unin yes tau tisuŋsuŋ ila loolo na. * Tovaaŋ Rumei Tiina ŋgara, ene vene: Maaron tauu pale iŋgin tamtamon tooni ve maata pazi. Ughita Sek 2:1-5. * Ezek 40:3+; Sek 2:1-5
2-3 Eemon didiiŋ tiina tau ilivut rumei ziige na, utoova sov. Pa Maaron ipul sooso tawe pa nugh nugh tau Yuda mako na, leso tiŋgini irau kaiyo tamoot ru ve geege ru (42). Mboŋ 1,260 tana, yes pale tivaghaaz nugh patabuyaaŋ Yerusalem. Saawe tana, yau aat nambaaŋ uraata tsiau ru to tivotia aliŋag pa tamtamon, leso tighur ilam tsiau. Yesuru pale tinonogh zi pa nonoghiiŋa gabgabuai to moŋiiŋ.” * Dan 7:24+; Lu 21:24; Syg 12:6, 13:5
4 Yesuru timin ai oliv ru ve lam aia ru tau tiyooz izi Tiina toit tau iŋgin taan isov na naagho. † Yes tau tivotia Maaron aliiŋa pa tamtamon na, tighamgham tapirizi ila to Maaron Avuvu, ve titotoi ghazooŋa tooni pazi imin lam. * Sek 4:1-4, 11-14; Mt 5:14
5 Isaav ighe koiazi eta itoova to ivaghamunia yesuru, ene aat yav ivot ila yesuru avozi ve ighani. Tauvene tamtamon tau ighe itoova to ivaghamunia yesuru, ene aat imaat pa eez tane. * Yer 5:14
6 Maaron tapiri igheen to yesuru. Tauvene saawe tau tileep izi taan ve tivotia Maaron aliiŋa pa tamtamon, yes irau tigham pataŋani maata maata tivot izi taan. Yesuru irau tipoon sambam saamba, leso uman izi sov. Ve irau titoor yaa imin siŋ paam. Saawe sindei tau tighe tigham tauvene, yesuru irau tighamu. * Igham 7:17+; 1King 17:1; Yems 5:17
7 Tauvene yesuru pale tipariaaŋ tamtamon to tighur ila Maaron aliiŋa. Ve saawe tau tipasov uraat toozi tawe, ene pale gabua saghati ipul puura tau le puughu mako na, ve izaa gha iparav tomani zi. Mako iliiv zi ve irav zi timaat. * Dan 7:21; Syg 13:1-7
8 Ve tamtamon pale tipul yesuru patazi tigheen sorok izi eez ziige tau igheen nugh tiina ‡ Nugh tiina tane, ene aat izaa to Rom, Babilon, Yerusalem, ma nugh tiina sindei tau titaghon sasaghati ŋgar to taan, ve tighurghur koi pa uraata to Maaron.
loolo. Nugh tawe, tauta tirav Tiina toozi izala ai pambarooŋ gha imaat. Ve tipaleel pa nugh tawe eeza tighe Sodom ve Isip. * Is 1:10+; Mk 10:33+; Lu 13:34
9 Eval tiina pale tila timarar yesuru patazi irau mboŋ tol ve sirivu. Yes to nughmariŋ. Ve tinizi tomania aliŋazi ve gabuazi, ene ite ite. Ve yes irau tiyok pa tamtamon eta to itavia patazi mako. 10 Pa muuŋ, propet ru tawe tighur pataŋani tintiina izazaa to tamtamon to taan. Tauvene saawe tau yesuru timaat, tamtamon to taan lolozi poia ve tintinizi, ve tivarei gabua pa tauzi. * Yo 16:20
11 Eemon mboŋ tol ve sirivu tana isov, ra Maaron iviv Avuvu maata yaryaare iloŋ ila yesuru patazi, ve tiburig tiyooz. Tauvene yes tau tighit zi na, roiŋ tiina igham zi. * Ezek 37:5+
12 Malau mako ve tilooŋ bobaaŋ tiina sambam ve izilam ighe: “Yamru azalam sene!” Ra zeran ru tawe koiazŋa timarar zi, ve taitai indai zi gha tizala pa nugh sambam. * 2King 2:1+; Mbaŋ 1:9; 1Tes 4:17
13 Saawe duduuŋ tana, yogyoog tiina kat itok nugh tiina tawe, le ruum katini tipolpol ve timbiriis. Nugh eŋaeŋa eŋaeŋa tau ruum saŋavul tigheen ila na, toozi ee ipol, ve liim ve paaŋ popoiazi. Yogyoog tawe irav tamtamon ndiŋndiŋ ndiŋndiŋ liim ve ru (7,000) timatmaat. Ve yes tau popoiazi na, roiŋ tiina kat igham zi ve tipait Maaron to sambam eeza.
14 Ene pataŋani tiina ta imin ru. Ve ite imin tol, paita ivot.
Tavuur imin liim ve ru itaŋ
15 Mako aŋela imin liim ve ru, aana iviv tavuur tooni, ve nalooŋ eval tiina tau tileep izi sambam we tisaav toman aliŋazi tiina tighe: “Aa ŋgarig gha ŋgar saghati tau muuŋ ighamgham pooz pa taan na tapiri isov, ve gabua naol isov titaghon pooz to Maaron toit ve Mesia tooni.
Ve i aat ighamgham pooz tauvene irau saawe!” * Igham 15:18; Mbo 10:16; Syg 10:7
16 Ra yes ŋginiiŋa tamoot ee ve paaŋ (24) tipul niazi to ghamuuŋ pooz tau igheen izi Maaron naagho na, ve titap tizi gha tipait eeza tighe:
17 “O Maaron, Tiina tsiei, yo saksakim ve uŋgin gabua naol isov. Yo uleep muuŋ geeg ve ilam.
Yei lolomai poia payo, ve nipait ghom. Pasaa, tapirim tiina tomania pooz tsio, tauta utotoia ivot ighazooŋ wa. * Mbo 93:1, 97:1, 99:1; Syg 1:4, 8
18 Nugh nugh tau tiwatagh ghom mako na, atezi yavyav payo. Eemon aazne, ene saawe to utotoi aatyavyav tsio ivot ighazooŋ, ve ugabiiz yes mateegha, ve ughur atuya pazi.
Tauvene yes propet tau muuŋ tibesbees payo, tomania tamtamon tsio patabuyaaŋa tau tiroi payo ve titaghon ŋgar tsio na, yo aat ugham lezi atuya poia. Yes tau ezazi tintiina, ve yes tau lezi ezazi mako na paam.
Eemon zeran tau tivavaghamunia gabua izi taan na, yo aat uvaghamun zi.” * Mbo 2:1, 46:6, 110:5; Mbo 115:13; Mt 20:8; Ro 2:5+
19 Tisavsaav le isov, ra ataman to Rumei Tiina tau igheen izi sambam na ikaak, ve Bokis to Saveeŋ Mbuaaŋ igheen mataghare. Mako nugh ighani milia, lalaav luutu guruŋguruŋia, yogyoog itok, ve ais paatu tintiina titaptap sambam ve tizizi. * Igham 9:24, 19:16; Hib 9:4; Syg 8:5
*11:1: Tovaaŋ Rumei Tiina ŋgara, ene vene: Maaron tauu pale iŋgin tamtamon tooni ve maata pazi. Ughita Sek 2:1-5.
*11:1: Ezek 40:3+; Sek 2:1-5
*11:2-3: Dan 7:24+; Lu 21:24; Syg 12:6, 13:5
†11:4: Yes tau tivotia Maaron aliiŋa pa tamtamon na, tighamgham tapirizi ila to Maaron Avuvu, ve titotoi ghazooŋa tooni pazi imin lam.
*11:4: Sek 4:1-4, 11-14; Mt 5:14
*11:5: Yer 5:14
*11:6: Igham 7:17+; 1King 17:1; Yems 5:17
*11:7: Dan 7:21; Syg 13:1-7
‡11:8: Nugh tiina tane, ene aat izaa to Rom, Babilon, Yerusalem, ma nugh tiina sindei tau titaghon sasaghati ŋgar to taan, ve tighurghur koi pa uraata to Maaron.
*11:8: Is 1:10+; Mk 10:33+; Lu 13:34
*11:11: Ezek 37:5+
*11:12: 2King 2:1+; Mbaŋ 1:9; 1Tes 4:17
*11:15: Igham 15:18; Mbo 10:16; Syg 10:7
*11:17: Mbo 93:1, 97:1, 99:1; Syg 1:4, 8
*11:18: Mbo 2:1, 46:6, 110:5; Mbo 115:13; Mt 20:8; Ro 2:5+
*11:19: Igham 9:24, 19:16; Hib 9:4; Syg 8:5