Balbaal patabuyaaŋ tau Yoova ighe yes Israela tigharaata leso imin niia to lepoogh na, i tauu isavia ŋgara pa Mose pataghaaŋ wa. Ve Yoova ighur tamtamon ru, ezazi Besalel ve Oliap, timuuŋ pa uraat to balbaal tawe. Ve igham Avuvu izeev yesuru, ve igham lezi ŋgar, leso tigham poghania uraat tawe. Tauvene yesuru timuuŋ pa uraat, ve yes Israela titartar pa malimooŋ to balbaal tawe.