128
Piniana sa Vina Tabe Koe Zihova
1 Tamanae tugo sarini pu pamaṉa nia se Zihova,
meke luli sari Nana hiniva!
2 Kaqu henai gamu vuadi sari na tinavete pa limamia;
kaqu qetuqetu si gamu, meke learane sa mia kinoa.
3 Kaqu podopodo va soku sa mua barikaleqe,
guana huda vaeni pu vua katakata pa mua kali vetu,
meke sari na tumu si kaqu guana huda olive vaqura pu toa vari likohae nia sa mua vasina henahenana.
4 Kaqu tamanae gua asa sa tie pu pamaṉa nia se Zihova.
5 Kaqu mana nigo e Zihova pa Zaione!
meke kaqu dogoria goi sa learane pa Zerusalema
doduru rane pa mua kinoa!
6 Kaqu dogori goi sari na tudia rina tumu!
Mani koa pa Izireli sa binule!