1 Meke dogoria rau pa Maṉauru si keke vina gilagila arilaena pule meke variva magasana. Koa dia sari ka zuapa mateana meke hopeke dia oza vina betobeto. Ura pana ta evaṉa sari na oza hire, si beto tugo sa tinaṉaziri te Tamasa. 2 Meke dogoria rau si keke tiṉitoṉa sapu doṉo guana kolo, sapu bule sisigiti meke kekeṉoṉo guana qelasi viana, meke varihenie nika si asa. Meke dogori rau sarini pu koa mataqara hola nia sa kurukuru kaleana, meke sa bekuna sa, meke sa nabana sa pozana sa, sina lopu vahesia rini sa kurukuru. Korapa turu kapae dia si arini koasa kolo sapu guana qelasi, meke taṉini dia pa limadi sari na mike saripu poni ni Tamasa koa rini. 3 Meke kera nia rini sa kinera te Mosese, sa nabulu te Tamasa, koa sa guguana sa Lami, sapu guahe:* Ekd 15:1

5 Beto asa, si doṉo la si rau meke dogoria sapu ta tukele sa Zelepade sapu sa Ipi d Hopena te Tamasa pa Maṉauru.* Ekd 38:21 6 Meke vura mae pa korapana sa Zelepade sari ka zuapa mateana, saripu paleke mae ni sari ka zuapa oza. Meke pokopoko lineni sapu keoro meke ṉedaladi si arini, meke dikuru ni rini pa raqaraqadi sari na qolo. 7 Meke keke koari ka made kurukuru toadi si vala ni koari ka zuapa mateana sari na baolo qolo sapu siṉi na tinaṉaziri tanisa Tamasa sapu toa holana ninae rane ka rane. 8 Meke siṉia na tuṉaha sa korapana sa Zelepade sapu mae guana koasa ṉinedalana sa Tamasa meke koasa Nana ṉiṉirana. Ke loke tie hokara si boka nuquru la vasina, osolae tava gorevura beto tu sari ka zuapa oza tadi ka zuapa mateana.* Ekd 40:34; 1 Baṉ 8:10-11; 2 Koron 5:13-14; Ais 6:4