1 Meke sipu kamoa sia ṉavulu sia vuahenina se Ebarami, si vura koasa se Zihova meke zama: “Arau sa Tamasa pu tagoi sari doduru ṉiniraṉira. Mu va tabe Au. Mamu tavetia sapu toṉoto doduru totoso. 2 Kaqu tavetia Rau sa qua vinariva egoi koa goi, meke kaqu ponigo soku tutimu.” 3 Meke hoqa oporapaha pa pepeso se Ebarami, meke zama sa Tamasa, 4 “Tavetia Rau sa Qua vinariva egoi koa goi, va tatara nia Rau sapu agoi si kaqu na tiatamadia ri soku butubutu. 5 Sa pozamu si lopu kaqu e Ebarami* Sa pozapoza Ebarami sa ginuana pa zinama Hiburu sina tamana tava lavatana., ba e Ebarahami* Sa pozapoza Ebarahami pa zinama Hiburu sa ginuana si tamadia soku butubutu. tu, sina vata evaṉae nigo Arau na tamadia ri soku butubutu si goi.* Rom 4:17 6 Kaqu ponigo soku tutimu Rau si goi, meke kaiqa arini si kaqu na baṉara. Kaqu soku hola sari na tutimu, meke kaqu ta evaṉae soku butubutu sokudi si arini.

7 Kaqu kopu nia Rau sa Qua vina tatara koa goi meke koari na tutimu pude lulia, guana vinariva egoi sapu koa holana koari na sinage na sage vugo repere. Meke Arau si kaqu na mua Tamasa, meke na Tamasa tadirini pu tututi gore mae gua koa goi.* Lk 1:55 8 Sa pepeso hie sapu korapa koa ia goi na tie karovomu kamahire, si kaqu ponia Rau koa goi, meke koarini pu tututi gore mae gua koa goi. Meke sa doduruna sa pepeso pa popoa Kenani, si kaqu tadirini ninae rane, meke Arau si kaqu na dia Tamasa.”* TTA 7:5

9 Meke zama la koe Ebarahami sa Tamasa, “Agoi ba kaqu kopu nia sa vinariva egoi koa Rau. Agoi meke saripu tututi gore mae gua koa goi koari na sinage na sage vugo repere, 10 si kaqu va ego betoa pude ta magu sari doduru koreo koa gamu.* TTA 7:8; Rom 4:11 11-12 Podalae kamahire, si kaqu magui gamu sari doduru koburu haha koreo sipu ka vesu rane seunae gua ta podo si arini, meke sarini pu podo koari na pinausu pa mia vetu, meke sari na pinausu saripu ta vagi mae koari na votiki popoa. Sa minagu hie si kaqu na vina gilagilana pude vata dogoro nia sapu koa nana si keke vinariva egoi pa varikorapa mia gamu meke Arau. 13 Hopeke tie si kaqu ta magu, meke asa sa vina gilagila tanisa tini, pude va dogoro nia sapu sa Qua vinariva egoi koa gamu si koa hola. 14 Be keke koreo si lopu ta magu, si lopu kaqu ta balabala sapu keke koari na Qua tinoni si asa, sina lopu lulia sa sa vinariva egoi koa Rau.”

15 Meke zama sa Tamasa koe Ebarahami: “Sa mua barikaleqe si lopu kaqu poza nia Serai goi; podalae kamahire sa pozana sa si e Sera d tu. 16 Kaqu mana nia Rau si asa, meke kaqu ponigo Rau si keke tumu koreo koasa. Kaqu mana nia Rau meke kaqu ta evaṉae na tinadia ri na butubutu si asa, meke sari na baṉara si kaqu gore mae gua koasa tutina sa.”

17 Meke hoqa oporapaha pa pepeso se Ebarahami, ba podalae hegere si asa sipu balabala ia sa sapu lopu kaqu boka vagi koburu sa tie sipu ele keke gogoto vuahenina. Se Sera ba gua tugo sapu ele sia ṉavulu vuahenina, gua. 18 Meke nanasia Ebarahami sa Tamasa, “Be mate si rau, kote boka va egoa Goi se Isimeli pude tagoi sari doduru gua pu ele poni nau Goi?”

19 Ba zama sa Tamasa, “Lokari, sa mua barikaleqe sapu se Sera, si kote podoa si keke tumu koreo, meke kaqu poza nia goi e Aisake* Sa pozapoza Aisake pa zinama Hiburu sa ginuana si “hegere si asa.”. Kaqu kopu nia Rau sa qua vinariva egoi koasa, meke koarini pu tututi gore mae gua koasa ninae rane. Kaqu na vinariva egoi koa holana si asa ninae rane ka rane. 20 Ele avosi Rau sari na mua tinepa koasa guguana e Isimeli. Ke kaqu mana nia Rau si asa, meke kaqu ponia soku koburu meke soku tutina Rau si asa, kaqu na tamadia ri ka manege rua baṉara si asa, meke kaqu vata evaṉae nia na butubutu lavata Rau sari na tutina. 21 Ba kaqu kopu nia Rau sa qua vinariva egoi koe Aisake sapu sa tumu koreo, pu kaqu podoa Sera pa vuaheni maehe pa totoso kekeṉoṉo kamahire.” 22 Sipu beto zama koe Ebarahami sa Tamasa, si taluarae si Asa koa sa.

23 Meke koasa rane tugo sana si va tabea Ebarahami sa Tamasa, meke magua sa sa tuna koreo sapu se Isimeli meke sari doduru koreo pule koasa nana puku tatamana, meke sari nana pinausu saripu ta podo pa nana vetu, meke sarini pu ele ta holudi. 24 Ba se Ebarahami si ka sia ṉavulu sia vuahenina meke tiqe ta magu si asa, 25 meke se Isimeli sa tuna koreo, si ka manege ṉeta vuahenina. 26 Pa keke rane mo si ta magu beto si arini, 27 meke gua tugo sari doduru pinausu te Ebarahami.