3
Messiah Pai Coeng
1 Te vaeng tue ah tuinuem Johan ha pawk tih Judea khosoek ah a hoe . 2 Mat 4.17; Mrk 1.15“Vaan ram a yoei coeng dongah yut uh laeh,” tila a thui. 3 Isa 40.3Anih tah, khosoek kah pang ol loh,
“Boeipa kah longpuei saelh uh lamtah
a caehlong boeih te a dueng la saii uh,”
tila tonghma Isaiah loh a thui a phong te ni. 4 2Mg 1.8Johan loh kalauk kah a mul himbai te a bai tih, a pumpu ah maehpho cihin a naak. Tangboeng neh kohong khoitui te a buh la om. 5 Te vaengah Jerusalem, Judah ram boeih neh Jordan pingpang boeih tah anih taengah cet. 6 Amih kah tholhnah te a phong uh dongah Johan loh Jordan tuiva ah a nuem uh.
7 Mat 12.34; 23.33Pharisee rhoek neh Sadducee rhoek khaw anih kah baptisma dang ham muep ha pawk uh te a hmuh. Te vaengah amih te, “Rhulthae cadil rhoek aka tawn uh kosi te rhaelrham tak ham unim nangmih aka tueng. 8 Te dongah yutnah neh a tiing la a thaih te saii uh. 9 Jhn 8.33A pa Abraham om tila nangmih khuiah thui ham poek uh boeh. Pathen loh hekah lungto rhoek lamloh Abraham kah ca rhoek a thoh sak thai te nangmih taengah kan thui. 10 Mat 7.19Thing kah a yung ah hai te a khueh oepsoeh coeng tih thaih then aka thaii mueh thingkung te boeih a vung vetih hmai khuila a voeih ni. 11 Yutnah ham ni kai loh nangmih tui dongah kan nuem. Tedae Kai hnuk ah aka pawk te tah kai lakah tlung. A khokhom dul ham pataeng ka koih pawh. Anih loh nangmih te Mueihla Cim neh hmai neh n'nuem ni. 12 Anih loh a kut dongkah cangcopcung neh a cangtilhmuen te a coeh vetih, a cang te khai khuila a khoem ni. Canghi te tah aka duek pawh hmai neh a tih ni,” a ti nah.
Jesuh Baptisma Loh nah
13 Te vaengah Jesuh tah Johan mah loh nuem sak ham te Galilee lamloh Jordan la ha pawk. 14 Tedae Johan loh anih te a mah tih, “Nang loh nan nuem ham te ka ngoe dae nang te kai taengah lat na pawk,” a ti nah.
15 Tedae Jesuh loh a doo tih, “Ng'rhoi laeh, duengnah cungkuem loh mamih taengah a soep la a om ham tueng tangloeng coeng,” a ti nah daengah anih te a rhoi pueng. 16 A nuem nen tah Jesuh khaw tui lamloh pahoi cet. Te vaengah anih hamla vaan te tarha ong uh tih Pathen kah Mueihla tah vahu bangla anih soah a thoeng pah te a hmuh. 17 Sue 22.2; Tgt 2.7; Isa 42.1; Mat 12.18; 17.5; Mrk 1.11; Luk 9.35Te phoeiah vaan lamkah ol loh, “Hetah ka capa thintlo ni, anih dongah ka lungtlun,” pahoi a ti.