1 Leeme Silok ga vaase ri leeme silok tarak keretna, “Unat kis de saparap lakngak tino, se nenia ana lok li limixin munepen minu na ngan loxot burubut ti luxangkedek taram.” 2 Leeme Silok naba lox asilok mo lixitkis amgomgo ram naba ruka i ro Saion. La unabam gomgonga nedi limixin munepen minu. 3 At levenaleng at leesep limixin esep taram diba xulubi aleng kusu ti esep. La no mun at lenmaxantamak suubu, luvuraau radi ram dibat pot pasa u ro vana at lempatkaana i xaala.

4 La Leeme Silok gara xaape vam la kopmen noxo lox ekun bok ba lodoxoma ren. Neni ga lok keretna, “At levenaleng axap i tu melamgo nenu unaba nemen amisik ngan lamaasa kerekngan ne Melkisedek.”

5 Leeme Silok mo i tu at lenep taram ti lok see ram, la neni naba vas adamda lavaorong silok ap mo laaleng neni naba lox asuusu lebelemamao ren. 6 Neni naba viila mumu loklok at larabung mixin axap, la naba lili bubua lenbantuxu at limixin ni ga sev amet pam di, la na sak tup mi limixin amgomgo at lavatbung menemen axap. 7 Loorong naba in dan to at ladan sen saparap langas ti lox alolos amu i. Kuren la neni naba sak tup mi limixin munepen axap teren.