EPICOJ
Wargahng Poal Yihr Yaa Epicoj
Rob Ke Nying Warga
Wargahng ni, beehda Poal e naa agweed ngo yihr yaa ayiiho ge beed Epicoj. Ngo agweede maano e ngo nii thijin Roama ne ciihm cwihny yaa ayiiho kedea ne meehg cwihny gen ngahmo.
Poal agweehdo ke nying gihn agweehg Juoge. Gihn agweehge beehda ubeehn giih maalo kedea giih wiih piny unweehd gene naa acielo tien ruohdh Jeacuu (1:10). Ngo agweede piny yi warga thiow kejea boadh wahy gihn ayoado padh ke nying mar ngudo cog, abea ke nying ne puohnyo kedea ne moar wiih Juog. Lum ni kedea gihn agweehg Juoge ge beehda giih me dhiil ngaa maa ayiihe kaa ngahyo uyiihe gen.
Poal arubo thiow ke nying kaa ameehg Juoge gihn agweehge pahdh kare. Gihn atiihy Juoge umodho beehda muuny gihre e naa acube ne boadh dhaano utaahngo beere dhaano keewe ne doohr ke Juog. Batiene e doohr ayug Juoge kiin yaa wahy gen aboadhe ke dhe yoohn thon Ngad Boadh nyoge. Batien giih nu cang e deeh gihn me duohng moogo atiihy Juoge naa amade yihdh yaa aboadhe yi kuohm acielo ge beehda akuud yaa ayiiho. Kaa beehn gihn nu utiihye ree padh gihn me ngahy dhaan utaahnge, nea padh Juog e ne nyoadh ngo neehn kaa anyoadhe ngo yihr Poal (3:1-6).
Adiehr muon gihn agweehg Juoge anyoadhe awaahn ni beere akuud yaa yiiho, jaah kedea ruohdhe yi dhaahr maalo meehge ke ngahy ka nahg Juoge ngaa me ngahy luube ke dhog yiehdhe beehd (3:9-10). Wa gihn nu e ka beehd akuud yaa yiihoe padh gihr upiny cog, abea beehda gihr maalo tiehd. Maalo kaa amoar wiih Kriihjto ucube ukwiihy Juog. Abea keehd maano e beehdo wiih piny nud. Wiih piny e naa kaa abeehn Juoge ucube muuny giihe yihr yaa akuud ne meehg gen puohny lum Juog ke kiin gen. Yaa yihr gen ne tee ruohdh, atiihb ukeehg utaaj gene, adoohnge ke dhe yoohn kwaj.
Kaa Acaan Luube
Lum umodho 1:1-2
Kriihjto kedea akuud yaa ayiiho 1:3-3:21
Beehd nyaahn ke nying Jeacuu 4:1-6:20
Gug luube 6:21-24
1
1 * 1:1 Ngad oohr: Gal 1:1Epicoj: Tiihy 18:19-21; 19:1 Beehda an, a Poal naa akwany Juoge uoohre an ne puohny lum Jeacuu Kriihjto wa ka daahde ke kar cwihnye, a ne gweehdo yihru, wu yaa ayiiho ge beed geen Epicoj kedea ge beehda anweehd ke Jeacuu Kriihjto.
2 Beehn Juog wuro kedea Jeacuu Kriihjto Ruohdho cub gene muuny kedea doohr yihru.
Dhe Yoohn Agwiir Juoge Ne Boadh Wahy
3 1:3 2:6; 2Kor 1:3 Muohjo koohr Juog e beehda wur Jeacuu Kriihjto Ruohdho. Juog e naa ngaa adooj won yi dhaahr maalo ucube kwaad giih daahdo ke nying anweehd keehd Ngad Boadh nyoge. 4 1:4 5:27; Jon 15:16; 17:24; 2Th 2:13 Bang gihn wo akwany Juoge unahgo anweehd keehd Ngad Boadh nyoge e piny poohd keá caa beere wo niide niido ne nyoge maa adhemuohm wale kihd gihn me raaj me ne rogo tooro. Ke nying nhyaahro gihr Juog 5 1:5 Jon 1:12 e Juog wo akwanye kuu umodho coon ne yaae beere wo udoohng ne nyethene ke dhe yoohn Jeacuu Ngad Boadh nyoge. Ne yug won ne yaaye e naa gihn nhyaare kedea e naa gihn nahg cwihnye tiihy ngo. 6 1:6 Mat 3:17; Rom 5:2; Klo 1:13 Puojo Juog ke nying muuny gihre naa acube yihro e cinge be rode ke nying waahde e nhyaare keraahyo. 7 † 1:7 Luog adhemuohme oogo: Klo 1:13-14; Epi 2:13; Rom 3:25-26; Klo 1:20; 1Jon 5:7Diih muuny: Epi 2:7 Rem Jeacuu adhemuohme giiho aluoge oogo uduoge won bang Juog. Diih muuny gihr boadh wahy 8 acub Juoge yihro e cinge be rode ke dhe yoohn ngahy luube kedea dead yihdh nyepinye. 9 1:9-10 1:22; Klo 1:16, 20 Juog gihre naa agweehge ngo ayuge kedea urobe yi lum gihn agweehge coon yihro. Gihn nu agweehge e naa gihn uthaahbe ke dhe yoohn Ngad Boadh wahy. Gihn agweehge keá naa anyoadho yihr dhaano utaahngo abea ngo anyoadhe awaahn ni. 10 Gihn agweehg Juoge upahdh kare wong cahng arob. Gihn agweehge beehda ubeehn giih maalo kedea giih wiih piny unweehd gene naa acielo tien ruohdh Jeacuu.
11 1:11 1:4; Rom 8:28-29 Giih nyepinye cang ge tiihj kaa dhe yoohn gihn agweehg Juoge kedea gihn arobe kejea utiihye. Juog thiow wo akwanye ne joe maa anweehd keehd Ngad Boadh nyoge ke nying gihre naa adaahde ke tiihyo kiin giihe naa agweehge coon. 12 Wo akwanye beere tee Juog puojo puojo. 13 1:13 4:30; 2Kor 1:22; Klo 1:5 Awaahn ni, wu thiow wu adoohng ne nyoge maa yaa Juog naa alihngu adiehj Ciig Beer ge rubo ke nying boadh wahyu. Naa ayiihu Jeacuu e Juog alaamo agiide rogu. Alaam ngo beehda Wahy Juog, e ateed naa ubeehn. 14 1:14 2Kor 1:22 Noono e Wahy Juog e naa acub ne mieg won ne nyoadh ngo kejea gihn agwiir Juoge ke nying joe dhiilo kaa yoado. Cahng uyoad giih nu e naa cahng uyoado laahw wihj me ne cohg. Nea wa gihn nu e kea leeyo kaa amoar wiih Juog kii ngo.
Poal Akwahyo Kedea Koohr Juog Amuohje
15-16 1:16 Klo 1:3 Ke nying gihn nu e a bar maalo ke muohj koohr Juog ke nyingu kedea ne kway Juog ke nyingu ke kaa alihnga ngo kejea Jeacuu Ruohdh ayiihu kedea yaa yiih lum Juog ke bang wiih piny cang ge nhyaaru nhyaaro. 17 1:17 5:17; Klo 1:9-10 Thiow Juog Wuur, gihn e ne wuor Jeacuu Kriihjto Ruohdho, kedea e ge wiihe moar, ngo akwaya beere wahy Juog cube cubo yihru ne yab wudhu ungahyu Juog ne cohg. 18 1:18 4:4; Klo 1:12 Juog akwaya thiow uyabe wudhu kedea umeenye aduunu ne gaahno e cwihny be diiw ke nying gihn acuohn Juoge wun ke nyinge, kedea amahr muuny giihe ge akobe kejea ge ucube yihr yaa adoohng ne joe. 19 1:19-20 2Kor 13:4; Klo 2:12 Thiow Juog ukwaya uyabe wudhu ne ngey tee gihre ge tiihy rogo wo yaa ayiiho. Tee nu room kaa tee 20 1:20 Tiihy 2:33; Klo 3:1 gihn ameehg Juoge Ngad Boadh nyoge cahro yi thoo ucube ngo ukwiihye yi Dhaahr Maalo. 21 1:21 6:12; Rom 8:38; Gal 4:8-9; Klo 1:13, 16, 20; 2:9-10, 15, 20 Kar Ngad Boadh nyoge en ne duohng wudh jaahe, kedea ruohdhe, maa dhaahre cang utoor ruohdh moogo me kaal wiihe. En ne duohng rog ruohdh wiih piny giih nud awaahn ni kedea uduohnge thiow rog ruohdh wiih piny giih udog tuohl. 22 1:22 1:10; 4:15; 5:23; Klo 1:18; 2:19 Giih ukuom cang ge acub Juoge yi cing Ngad Boadh nyoge kedea uyuge ngo ne ngaa me duohng akuud yaa yiiho. 23 ‡ 1:23 Kuohm acielo keehd Kriihjto: 2:16; 4:1-16, 25; 5:30; 1Kor 12:4-11, 27; Klo 2:19Akuud yaa ayiiho acielo ke Juog: 2:14, 18; 4:1-6; Klo 3:15En ne thaahb giih nyepinye: 3:19; 4:10 Akuud yaa ayiiho e naa kuohm Jeacuu kedea e naa goan gihn thaahb, maa Jeacuu en ne thaahb giih nyepinye ke bang wiih ngoom. Ge anweehd udoohng gene ne kuohm acielo.
*1:1 1:1 Ngad oohr: Gal 1:1Epicoj: Tiihy 18:19-21; 19:1
1:3 1:3 2:6; 2Kor 1:3
1:4 1:4 5:27; Jon 15:16; 17:24; 2Th 2:13
1:5 1:5 Jon 1:12
1:6 1:6 Mat 3:17; Rom 5:2; Klo 1:13
†1:7 1:7 Luog adhemuohme oogo: Klo 1:13-14; Epi 2:13; Rom 3:25-26; Klo 1:20; 1Jon 5:7Diih muuny: Epi 2:7
1:9 1:9-10 1:22; Klo 1:16, 20
1:11 1:11 1:4; Rom 8:28-29
1:13 1:13 4:30; 2Kor 1:22; Klo 1:5
1:14 1:14 2Kor 1:22
1:15-16 1:16 Klo 1:3
1:17 1:17 5:17; Klo 1:9-10
1:18 1:18 4:4; Klo 1:12
1:19 1:19-20 2Kor 13:4; Klo 2:12
1:20 1:20 Tiihy 2:33; Klo 3:1
1:21 1:21 6:12; Rom 8:38; Gal 4:8-9; Klo 1:13, 16, 20; 2:9-10, 15, 20
1:22 1:22 1:10; 4:15; 5:23; Klo 1:18; 2:19
‡1:23 1:23 Kuohm acielo keehd Kriihjto: 2:16; 4:1-16, 25; 5:30; 1Kor 12:4-11, 27; Klo 2:19Akuud yaa ayiiho acielo ke Juog: 2:14, 18; 4:1-6; Klo 3:15En ne thaahb giih nyepinye: 3:19; 4:10