115
God Pwaye Sefanna
1 Nu sum mukena, O LEUM GOD, nu sum mukena
Pa fal wolana in itukyang nu se, ac tia nu sesr,
Ke sripen lungse pwaye lom ac oaru lom.
2 Efu ku mutunfacl uh in siyuk sesr,
“Ku pia God lowos an?”
3 God lasr El oasr inkusrao;
El oru na ma El lungse oru.
4 A god lalos orekla ke silver ac gold,
Ma na orekla ke poun mwet. 115:4–8; Psa 135:15–18; Fwack 9:20
5 Oasr inwalulos, tuh tia ku in kaskas,
Oasr pac mutalos, tuh tia ku in liye.
6 Oasr insraclos, tuh tia ku in lohng,
Oasr pac infwaclos, tuh tia ku in ngok.
7 Oasr paolos, tuh tia ku in pula,
Oasr nialos, tuh tia ku in fahsr;
Wanginna pusraclos.
8 Lela tuh elos nukewa su orala ma inge ac lulalfongi kac,
In ekla oana ma sruloala ma elos orala uh.
9 O Israel, kowos in lulalfongi LEUM GOD,
Tuh El kasrekowos ac karingin kowos.
10 Lulalfongi LEUM GOD, kowos mwet tol lun God,
Tuh El kasrekowos ac karingin kowos.
11 Lulalfongi LEUM GOD, kowos kewa su alu nu sel,
Tuh El kasrekowos ac karingin kowos.
12 LEUM GOD El esam kut, ac El ac fah akinsewowoye kut;
El ac fah akinsewowoye mwet Israel
Ac mwet tol nukewa lun God.
13 El fah akinsewowoyalos nukewa su alu nu sel —
Mwet fulat ac mwet srisrik, oana sie. Fwack 11:18; 19:5
14 Lela tuh LEUM GOD Elan akpusye tulik nutuwos
Ac nutin fwil nutuwos.
15 Lela tuh kowos in akinsewowoyeyuk sin LEUM GOD
Su orala kusrao ac faclu!
16 Kusrao ma lun LEUM GOD mukena,
A funu faclu, El sang nu sin mwet uh.
17 Kutena mwet su oatula tari nu yen wangin kaskas we* yen wangin kaskas we: oana fahk mu “facl sin mwet misa.”
Elos tia kaksakin LEUM GOD.
18 A kut, su moul, kut fah sang kulo nu sel
Inge ac nu tok ma pahtpat.
Kaksakin LEUM GOD!
115:4 115:4–8; Psa 135:15–18; Fwack 9:20
*115:17 yen wangin kaskas we: oana fahk mu “facl sin mwet misa.”